මෙතෙක් තම පාර්ශ්වය අන්තවාදීන් සුරතල් කරන බවට හිටපු අග්‍රාමාත්‍ය , එජාප නායක රනිල් වික්‍රමසිංහ සම්බන්ධව සිදුකළ චෝදනාව නිවැරැදි නොවන බව හිටපු පාර්ලිමේන්තු මන්ත්‍රී උදය ප්‍රභාත් ගම්මන්පිල පවසයි.
කොළඹ පැවති මාධ්‍ය හමුවකදී අදහස් දක්වමින් ඔහු මේ බව සඳහන් කළ අතර අවුරුදු 25ක් පමණ කාලයක් තිස්සේ එජාප නායක රනිල් වික්‍රමසිංහ වෙත එල්ලකළ චෝදනාව එල්ලවිය යුත්තේ එජාපයෙන් කැඩුණු සජිත් ප්‍රේමදාස වෙත බවත් ඔහු පැවසීය.
එහිදී හිටපු මන්ත්‍රීවරයා වැඩිදුරටත් සඳහන් කර සිටියේ දෙමළ - මුස්ලීම් අන්තවාදීන් සුරතල් කරන්නේ කවුද යන්න නිවැරැදිව දැනගන්නට රනිල් - සජිත් වෙන්වෙන තුරු සිටීමට සිදුවූ බවත්ය.