Language Switcher

V2025

ඖෂධ නියාමන අධිකාරියේ ගැටළුව දේශපාලන පක්ෂ ගැටුමකට යට කරන්න දෙන්න බෑ !

ඖෂධ නියාමන අධිකාරියේ ගැටළුව දේශපාලන පක්ෂ ගැටලුවක් හෝ ගැටුමක් නොවන බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් පවසයි.

ඖෂධ නියාමන අධිකාරියේ දත්ත මැකීම හොරකමක ඇතර මැද අවස්ථාවක් බවත් එය පක්ෂ දේශපාලන ප්‍රශ්නයකට මැදි කර යට ගැසීමට ඉඩ නොදිය යුතු බවත් ඔහු පවසයි.

මාධ්‍ය වෙත ප්‍රකාශයක් කරමින් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මේ බව සඳහන් කළ අතර තමන්ට ඇත්තේ වැඩියෙන් හොරකම් කලේ කොයි ඇමතිද කියන ප්‍රශ්නය නොවන බවත් හොරකම් නවත්වන්න හදපු නියාමන අධිකාරිය හොරකම් වලට චෝදනා ලැබීම බවත් පැවසීය.

ඔහු එය උපමා කර සිටියේ පොලිසිය හොරකම් කරන තත්ත්වයකටය.

"ඒක හරියට පොලිසිය රෑට රෑට ගෙවල් වලට පනිනවා වගේ එකක්. පොලිසිය පාරේ යන අයගේ මාල කාඩාගෙන දුවනවා වගේ වැඩක්

එන්නතෙහි අවශ්‍යතාවයට මුවා වෙලා අධික මුදලකට මිලදී ගැනීමේ මාෆියාවක් තිබෙනවා." යැයි සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් පැවසීය.