ලබන සඳුදා සිට යළි සේවයට වාර්තා කිරීමට වර්ජිත ගුරු - විදුහල්පතිවරු තීරණය කළ බව ගුරු විදුහල්පති වෘත්තීය සමිති සංධානය අද තීරණය කළේය.
ඒ අනුව 25 වැනිදා සිට සේවයට වාර්තා කරන බවයි එම සන්ධානය පවසයි.
අද පෙරවරුවේ වෘත්තීය සමිති සන්ධානය නියෝජනය කරන වෘත්තීය සමිති නියෝජිතයන් හමු වී සාකච්ඡා කර ඇති අතර එහිදී එකඟතාවයකට පැමිණ තිබෙන්නේ 25 වැනිදා සිට පාසල්වල සේවයට වාර්තා කිරීමටයි.
සිසුන් 200 ට අඩු පාසල් 21 වැනිදා සිට විවෘත කිරීමට මේ වනවිටත් තීරණය කර ඇති අතර, කෙසේ නමුත් 25 වැනිදා දක්වා වැඩවර්ජනය අඛණ්ඩව ක්‍රියාත්මක කිරීමට ගුරු විදුහල්පති වෘත්තීය සමිති සන්ධානය තීරණය කර තිබේ.
වැටුප් විෂමතාව විසඳුම් ඉල්ලා ගුරු - විදුහල්පති සංගම් ඔන්ලයින් ඉගැන්නුම්වලින් ඉවත්ව අදට දින 99 කි.
