මෙරටට අහිතකර ද්‍රව්‍ය ඇතුළත් චීන පොහොර නෞකාව සම්බන්ධයෙන් මතුව ඇති අර්බූදය විසදා ගැනීම සදහා කෘෂිකර්ම අමාත්‍ය මහින්දානන්ද අලුත්ගමගේ, රාජ්‍ය අමාත්‍ය ශෂීන්ද්‍ර රාජපක්ෂ, ඇතුළු පිරිසක් චීන තානාපති කී සෙන්හොංග් හමුවීමට චීන තානාපති කාර්‍යාලය ට ගොස් ඇත.
ඊයේ (25) මෙම ගමන සිදුව ඇති අතර කෘෂිකර්ම ලේකම් උදිත් කේ ජයසිංහ , රාජ්‍ය අමාත්‍යංශ ලේකම් එම්. එන්. රණසිංහ සහ කෘෂිකර්ම අධ්‍යක්ෂ ජනරාල් අජන්තද සිල්වා ඇතුලු පිරිසක් ඊට එක්ව ඇති බවත් වාර්තා වෙයි.
සාමාන්‍යයෙන් රාජ්‍යතාන්ත්‍රික කරුණක් ගැන කතා කිරීමට එකී රටේ අමාත්‍යවරුන් තානාපති කාර්‍යාලය ට යන්නේ නැත. ඒ වෙනුවට සම්ප්‍රදාය වන්නේ තානාපති අමාත්‍යංශය ට කැඳවා කරුණු සාකච්ඡා කිරීම යි.
ආරංචි මාර්ග සඳහන් කරන ආකාරයට දෙපාර්ශ්වයටම පිළිගත හැකි රසායනාගාරයක අදාළ පොහොර තොග නැවතත් පරීක්ෂා කිරීම සම්බන්ධයෙන් සාකච්ජා වී ඇති බව දැනගන්නට ඇත.
ලංකාවේ සිදුකළ පරීක්ෂණ 03කදීම අසමත් වූ මෙම පොහොර නෞකාව මේ වනවිට දෙවුන්දරට නාවක සැතපුම් 12ක් දුරින් නවතාගෙන සිටින බවත් වාර්තා වෙයි.