"ගෙවුණු වසර තුනකට ආසන්න කාලයක් පුරා පාස්කු ප්‍රහාරයේ සත්‍ය තොරතුරු හෙළිදරව් කිරීම, වැරදිකරුවන්ට දඬුවම් දීම, ඒ මහා අපරාධයට ඍජුව හෝ වක්‍රව සහයෝගය ලබාදුන්නා යැයි කියන පිරිස් සම්බන්ධයෙන් නීතිය ක්‍රියාත්මක කිරීම හෝ පාස්කු වින්දිතයන්ට යුක්තිය ඉටුකිරීම අදටත් ඉෂ්ට සිද්ධ වෙලා නෑ." යැයි රැඩිකල් සෙන්ටර් ව්‍යාපාරය පවසයි.
හිටපු අමාත්‍ය මංගල සමරවීර විසින් ආරම්භකළ 'රැඩිකල් සෙන්ටර්' ව්‍යාපාරය ඊයේ (10) මාධ්‍ය හමුවක් කැඳවමින් එම කාරණය අවධාරණය කර සිටියේය.
පාස්කු ප්‍රහාරයේ වගකිව යුත්තන් නීතිය ඉදිරියට ගෙන ඒමට වඩා ආණ්ඩුව සහ පොලිසිය උත්සුක වී ඇත්තේ එහි විමර්ශන කටයුතු කළ නිලධාරීන් සහ
පාස්කු ප්‍රාහරයට යුක්තිය ඉල්ලා සිටින ක්‍රියාධරයන් දඩයම් කරන්නට වීම ඛේදවාචකයක් බවත් 'රැඩිකල් සෙන්ටර්' ව්‍යාපාරය වැඩිදුරටත් අවධාරණය කරනු ලැබිණ.
එහිදී අදහස් දක්වමින් රැඩිකල් සෙන්ටර් හී නියෝජිත සී.එස්. කොඩිකාර දැක්වූ අදහස් පහත වීඩියෝ දැක්වෙයි.