පොලිස්පති ධුරය සම්බන්ධයෙන් ජ්යෙෂ්ඨ නියෝජ්ය පොලිස්පතිවරුන් අතර දැඩි තරගයක් මතුව ඇති බව වාර්තා වෙයි .
සීතල යුද්ධයක ස්වරූපයක් ගෙන ඇති මේ තත්ත්වය ඇතිව තිබෙන්නේ වත්මන් පොලිස්පති චන්දන වික්රමරත්න ගේ සේවා කාලය ජුනි 26 වැනිදා අවසන්වීමට නියමිත නිසා බවත් වාර්තා වෙයි .
මතුව ඇති තත්ත්වය තුළ ඇතැමුන් පොලිස්පති ධුරය ලබා ගැනීම සඳහා දේශපාලන නායකයන් සමඟ සමීපව සම්බන්ධවෙමින් මේ දිනවල කටයුතු කරමින් සිටින බවත් ආරංචි මාර්ග සඳහන් කරයි.
එසේ හැසිරෙන පොලිස් නිලධාරීන් ජ්යෙෂ්ඨත්වයෙන් අඩු නිලධාරීන්ද සිටින බවත් වාර්තා වෙයි .
සාමාන්යයෙන් පොලිස්පති ධුරය හිමි වන්නේ ජේෂ්ඨත්වය අතින් ඉහළින්ම සිටින්නේ ජ්යෙෂ්ඨ නියෝජ්ය පොලිස්පතිවරයාටය.
සාමාන්ය ක්රමවේදය යටතේ පොලිස්පති ධුරය සඳහා සුදුසු නමක් හෝ නම් කිහිපයක් ජනාධිපතිවරයා විසින් ආණ්ඩුක්රම ව්යවස්ථාදායක සභාවට ඉදිරිපත් කරනු ලැබේ.
ඉන්පසු ඒ සභාවේ අනුමැතියෙන් පසු සුදුසු නම ජනාධිපතිවරයාට නිර්දේශ කෙරෙන අතර ජනාධිපතිවරයා විසින් ඒ අනුව නව පොලිස්පතිවරයා පත් කරනු ලබයි.
කෙසේ වුවත් මෙතෙක් පොලිස්පති ධූරය සඳහා කිසිවකු නම් කිරීමට ජනාධිපති රනිල් වික්රමසිංහ කටයුතු කර නොමැති බවත් වාර්තා වෙයි .
