ඉදිරි ජනාධිපතිවරණ අපේක්ෂකත්වය වෙනුවෙන් අද (06) වන විට 18 දෙනෙකු ඇප මුදල් තැම්පත් කර ඇති බව මැතිවරණ කොමිසම පවසයි.
ජනතා විමුක්ති පෙරමුණේ සහ ජාතික ජනබලවේගය පක්ෂයේ නායක අනුර කුමාර දිසානායක වෙනුවෙන් ද අද එම පක්ෂයේ පිරිසක් ඇප තැම්පත් කිරීම සිදුවිණ.
මේ අතර මැතිවරණ කොමිසම පවසන්නේ ජනාධිපතිවරණයට අදාළව මැතිවරණ පැමිණිලි 99ක් මේ වනවිට ලැබී ඇති බවයි.
ජූලි 31 වනදා සිට ඊයේ (05) පස්වරු 05 දක්වා එම පැමිණිලි වාර්තා වූ බවද කොමිසම වැඩිදුරටත් සඳහන් කරයි.
