ප්රශ්නගත මහබැංකු බැඳුම්කර සිදුවීම සම්බන්ධයෙන් බන්ධනාගාර ගතකර සිටින පර්පෙචුවල් ටේරෂරීස් සමාගමේ හිමිකරු අර්ජුන් ඇලෝසියස් හා එහි විධායක නිලධාරී කසුන් පලිසේන විසින් ඇප ඉල්ලා ගොනු කළ ප්රතිශෝධන පෙත්සම මැයි මස 25 වැනි දා සහ ජුනි 1 වැනි දා සළකා බැලීමට අභියාචනාධිකරණය තීන්දුකර ඇත.
එම නඩුව අද (18) කැඳවූ අවස්ථාවේ අභියාචනාධිකරණය මේ බව දැනුම්දී තිබේ.
පෙත්සම ගොනුකරමින් පෙත්සම්කරුවන් අභියාචනාධිකරණය හමුවේ සඳහන් කර ඇත්තේ, මහ බැංකු බැඳුම්කර සිදුවීම සම්බන්ධයෙන් අත්අඩංගුවට ගෙන රිමාන්ඩ් බාරයට පත්කර ඇති තමන්ට ඇප ලබාදීම පොදු දේපළ පනත යටතේ කොටුව මහේස්ත්රාත් අධිකරණය මගින් ප්රතික්ෂේප කර ඇති බවය.
එසේම මෙම පෙත්සමේ වගඋත්තරකරුවන් ලෙස නීතිපතිවරයා හා මුල්ය විමර්ශන අංශයේ ස්ථානාධිපතිවරයා නම් කර ඇති අතර පෙත්සම්කරුවන් වෙනුවෙන් නීතීඥ සනත් විජේවර්ධන ගේ උපදෙස් මත නීතීඥ නවීන් මාරපන සහ ජනාධිපත නීතීඥ ගාමිණී මාරපාන පෙනී සිට ඇත.
