රාජගිරිය, ඔබේසේකරපුර, අරුණෝදය මාවතේ නිවාස ඒකක 300ක් ඉදිකිරීමේ ව්යාපෘතිය ක්රියාත්මක කිරීම සඳහා අමාත්ය මණ්ඩලය අනුමැතිය හිමිව තිබේ.
ආසියානු යටිතල පහසුකම් ආයෝජන බැංකුවේ අමෙරිකානු ඩොලර් මිලියන 200ක ණය ආධාර යටතේ නිවාස ඒකක 4,074ක් ඉදිකිරීමේ ව්යාපෘතියේ උප ව්යාපෘති හයෙන් එක් උප ව්යාපෘතියක් වන රාජගිරිය, ඔබේසේකරපුර, අරුණෝදය මාවතේ නිවාස ඒකක 300ක් ඉදි කිරීමේ ව්යාපෘතිය ක්රියාත්මක කිරීම සඳහා 2020-03-04 දින පැවති අමාන්ය මණ්ඩල රැස්වීමේදී අනුමැතිය ලබා දී ඇත.
එම ව්යාපෘතියේ කොන්ත්රාත්කරු ගේ දුර්වල කාර්යසාධනය හේතුවෙන් අදාළ කොන්ත්රාත් ගිවිසුම අවලංගු කර, එකී ව්යාපෘතිය නැවත ක්රියාත්මක කිරීම සඳහා සුදුසු කොන්ත්රාත්කරුවකු තෝරා ගැනීම පිණිස ජාතික තරගකාරී ලංසු කැඳවීමේ ක්රමවේදය යටතේ ලංසු කැඳවා ඇත.
ඒ අනුව ඉදිරිපත් වී ඇති ලංසු හය සම්බන්ධයෙන් ඉහළ මට්ටමේ ස්ථාවර ප්රසම්පාදන කමිටුව ලබා දී ඇති නිර්දේශය මත: රාජගිරිය, ඔබේසේකරපුර, අරුණෝදය මාවතේ නිවාස ඒකක 300ක් ඉදි කිරීමේ ව්යාපෘතිය ක්රියාත්මක කිරීමේ කොන්ත්රාත්තුව පුද්ගලික ආයතයක් වෙත පිරිනැමීම පිණිස: ප්රවාහන, මහාමාර්ග සහ නාගරික සංවර්ධන අමාත්යවරයා ඉදිරිපත් කළ යෝජනාවට අමාත්ය මණ්ඩල අනුමැතිය ලැබී තිබේ.
