පළාත් පාලන මැතිවරණයෙන් ජයගෙන ශ්‍රී ලංකා නිදහස් පක්ෂය සමඟ එක් වී පළාත් පාලන ආයතනවල බලය පිහිටුවීමට සහාය පළකරන බවට ද මැතිවරණයට ඉදිරිපත්ව සිටින ඒකාබද්ධයේ විශාල පිරිසක් ජනාධිපතිවරයා හමුවී පොරොන්දු වී ඇතැයි ශ්‍රීලනිප ප්‍රබලයකු විසින් ප්‍රකාශයට පත්කරන 'සත්හඬ' පුවත්පත වාර්තා කර තිබේ.
එළඹෙන පළාත් පාලන මැතිවරණය සඳහා නාමයෝජනා භාර දීම ආරම්භ වීමත් සමඟ ඒකාබද්ධ විපක්ෂය සමඟ කටයුතු කරන සාමාජික පක්ෂ සහ මන්ත්‍රීවරුන්ගේ පෞද්ගලික අභිමතාර්ථයන් ඉෂ්ට කර ගැනීමට යාම නිසා අර්බුදකාරී තත්ත්වයක් මතුව ඇති බවද එම පුවත් වාර්තාවේ සඳහන් වේ.
යළිත් වරක් වර්ධනය වෙමින් පවතින රාජපක්ෂ පවුල්වාදය හේතුවෙන් ඒකාබද්ධ විපක්ෂයේ මන්ත්‍රීවරුන් කිහිපදෙනෙක් ආණ්ඩුවට එකතු වීමට නියමිත බව එම පුවතින් වැඩිදුරටත් පවසයි.