එක්සත් ජාතික පක්ෂය සදහා නව ආසන සංවිධායකවරුන් හය දෙනෙකු පත් කර තිබේ.
ඒ අතර ශ්‍රී ලංකා නිදහස් පක්ෂයේ හිටපු ආසන සංවිධායකවරුන් දෙදෙනෙකුද වෙයි.
අග‍්‍රාමාත්‍ය රනිල් වික‍්‍රමසිංහගේ ප‍්‍රධානත්වයෙන් අරලියගහමන්දිරයේ අද(11) පැවති උත්සවයකදී මෙම නව අසාන සංවිධායක ධුර පිරිනමනු ලැබීය.
ඒ අනුව හිටපු නියෝජ්‍ය අමාත්‍යවරයකු මෙන්ම ශ්‍රී ලංකා නිදහස් පක්ෂයේ අරනායක ආසන සංවිධායක ලලිත් දිසානායක එක්සත් ජාතික පක්ෂයේ අරනායක ආසන සංවිධායක ලෙසත් පලාත් සභා හිටපු අමාත්‍යවරයකු සහ ශ්‍රී ලංකා නිදහස් පක්ෂයේ සෙංකඩගල ආසන සංවිධායක තිලිණ බන්ඩාර තෙන්නකෝන් එක්සත් ජාතික පක්ෂයේ පාතදුම්බර ආසන සංවිධායක ලෙසත් පත්කර තිබේ.
පාර්ලිමේන්තු මන්ත‍්‍රී කාවින්ද ජයවර්ධන මීගමුව ආසන සංවිධායක ලෙසත් ජනප‍්‍රිය ගායන ශිල්පී රූකාන්ත ගුණතිලක දඹදෙනිය ආසන සංවිධායක ලෙසත් පත්කර තිබේ.
තවද මංජුල බණ්ඩාර වාරියපොල ආසන සංවිධායක ලෙසත් උදය විජේනායක හිරියාල ආසන සංවිධායක ලෙසත් පත්කර ඇත.
මෙම අවස්ථාව සදහා එක්සත් ජාතික පක්ෂයේ මහලේකම් අකිල විරාජ් කාරියවසම්, අමාත්‍යවරුන් වන සාගල රත්නායක, මලික් සමරවික්‍රම ඇතුළු පිරිසක් සහභාගීව ඇත.