මීළග ජනාධිපතිවරණය සදහා ශ‍්‍රී ලංකා නිදහස් පක්ෂයේ අපේක්ෂකයා වෙන කිසිවෙකු නොව වත්මන් ජනාධිපති සිරිසේනම බව ශ‍්‍රී ලංකා නිදහස් පක්ෂයේ ජාතික සංවිධායක පාර්ලිමේන්තු මන්ත‍්‍රී දුමින්ද දිසානායක පවසයි.
මන්ත්රීවරයා මෙම අදහස් පල කර ඇත්තේ අනුරාධපුර ශ‍්‍රීලනිප කාර්යාලයේදී මාධ්‍ය අමතමිනි.
මොන පක්‍ෂය සමග සන්ධාන ගතවුවද ශ‍්‍රීලනිපයේ අනන්‍යතාවය එලෙසම තිබිය යුතු බවත් ශ‍්‍රීලනිපය යටකර කිසිම සාකච්චාවක් කිරීමට සූදානම් නැති බවත් එහිදී මන්ත්රීවරයා පවසා ඇත.
එසේම පොහොට්ටුවේ ඇතැමුන් කියනා ලෙස ශ‍්‍රීලනිපය පොහොට්ටුවට යට කරන්න කිසිම සූදානමක් නැතැයිද මන්ත්‍රීවරයාව අවධාරණය කර තිබේ.
තවද ශ‍්‍රීලනිපයේ සහාය නැතිව කිසිවෙකුට ජනාධිපතිවරයෙක්, ආණ්ඩුවක්, පලාත් සභාවක් දිනන්න බැරි බවත් මන්ත්රීවරයා සදහන් කර තිබේ.
