''ලේබල් ගහන්න ගිහින් ලේබල් වෙන්න එපා ! '' යනුවෙන් මුදල් අමාත්යංශයේ මාධ්ය ඒකකය නිර්මාණය කළ, පණිවිඩය මේ වනවිට සමාජ මාධ්ය තුල වේගයෙන් සංසරණය වෙමින් පවතී.
''ඔබ ගහන ලේබලය ලේ විලක් බවට පත්විය හැක. නිවැරදි ලේබලය පරිහරණය කරන්න.'' යනුවෙන්ද එම පණිවිඩයේ වැඩිදුරටත් සඳහන් වේ.
තවද එම විශේෂ පණිවිඩය නිකුත් කරමින් මුදල් අමාත්ය මංගල සමරවීර සඳහන් කරන්නේ පසුගිය අප්රේල් 21 දා හෙවත් පාස්කු ඉරිදා සිදු කළ ත්රස්ත බෝම්බ ප්රහාරයේ ඛේදවාචකයේ කම්පනයට හා තිගැස්මකට පත්ව සිටින ශ්රී ලාංකීය ජනතාව පටු දේශපාලන වාසි සඳහා යොදා නොගන්නා ලෙසය.
මුදල් අමාත්ය මංගල සමරවීර සියලු දේශපාලන සංවිධාන වෙතින් පොදුවේ මෙම ඉල්ලීම ඉදිරිපත් කරන අතර අන්තවාදී කුඩා කල්ලියක් විසින් සිදුකරන ලද මෙම ම්ලේච්ජ ත්රස්ත ප්රහාරයේ වගකීම ප්රජාතන්ත්රවාදී ප්රවාහයේ සිටින සමස්ත මුස්ලිම්වරුන් වෙත පටවමින් ඔවුන්ද ත්රස්තවාදීන් ලෙස ලේබල් නොකරන්නැයි ද දන්වා සිටියි.
අපගේ සියලු ධර්මයන් උගන්වන මානව දයාව ප්රායෝගිකව පෙන්වීමට මෙම ශෝකජනක අවස්ථාව යොදා ගන්නැයිද අමාත්යවරයා වැඩිදුරටත් ඉල්ලා සිටියි.
