හිටපු රාජ්ය අමාත්ය රංජන් රාමනායක විසින් තමන්ට තර්ජන කළ බවට විනිසුරු ගිහාන් පිලපිටිය 2015 - 2016 සමයේ එවක පොලිස්පති ඉලංගකෝන් වෙත පැමිණිලි කර ඇති බවත් ඒ අනුව ඔහුගේ ආරක්ෂාව ද දැඩි කළ බවත් පොලිස්පතිවරයා නීතිපතිවරයා වෙත ලිපියක් මගින් දැනුම් දී තිබේ.
එසේම ගිහාන් පිලපිටිය, රන්ජන් රාමනායකගේ අදාල දුරකතන ඇමතුම්වලට ප්රතිචාර දක්වා ඇත්තේ ඔහුට පරීක්ෂණ කණ්ඩායම්වලින් ලැබුණ උපදෙස් පරිදි බවද එම ලිපියේ සඳහන් වේ.
මේ අනුව අදාළ පැමිණිල්ල සම්බන්ධව පොලිසිය සාක්ෂිකරුවන් අට දෙනෙකුගෙන් පමණ සාක්ෂි සටහන් කරගෙන ඇති අතර පරීක්ෂණ කටයුතු ඉදිරියට ද ක්රියාත්මක වන බව එම ලිපිය මගින් වැඩි දුරටත් දන්වා තිබේ.
වැඩ බලන පොලිස්පති නීතිපතිට යැවූ ලිපිය මෙන්න !
වැඩ බලන පොලිස්පති සී.ඩී. වික්රමරත්න මෙම ලිඛිත දැනුම්දීම නීතිපති වෙත යොමුකර ඇත්තේ ගිහාන් පිලපිටිය අත්අඩංගුවට ගැනීම සම්බන්ධව නීතිපති නිකුත් කළ දැනුම්දීම සඳහා ප්රතිචාර දක්වමින්ය .