මාතර හම්බන්තොට නව අධිවේගී මාර්ගය විවෘත කිරීම සඳහා මාතර ගොඩගම පැවති සමාරම්භක උත්සවය ආවරණය කිරීමට දේශීය මාධ්යවේදීන්ට අද (23) අවස්ථාව හිමි නොවූ බව එම අවස්ථාව ආවරණය කිරීමට ගිය මාධ්යවේදීන් පවසයි.
දේශීය මාධ්යවේදීන්ට ඒ සඳහා අවසර ලබා දී නොමැති බවත් විදේශීය මාධ්යවේදීන්ට පමණක් එම අවස්ථාව ආවරණය කිරීමට ඉඩ ලබා දී ඇති බවත් ජනාධිපති ලේකම් කාර්යාලයේ නිලධාරීන් සහ ජනාධිපති ආරක්ෂක නිලධාරීන් පැවසූ බවත් ඔවුන් සඳහන් කරයි.
ගොඩගම අධිවේගී පිවිසුම අසල රැඳී සිටි මාධ්යවේදීන් එම පරිශ්රයෙන් ඉවත් කිරීමට ද කටයුතු කෙරුණු බවත් සඳහන් ය.
දක්ෂිණ අධිවේගි මාර්ගයේ මාතර, ගොඩගම සිට හම්බන්තොට, බරවකුඹුක දක්වා කොටස ජනතා අයිතියට පත් කිරීම ජනාධිපති ගෝඨාභය රාජපක්ෂගේ ප්රධානත්වයෙන් අද (23) සිදු වුණා.
මෙම අධිවේගී මාර්ග කොටසේ මුළු දිග ප්රමාණය කිලෝමීටර 96කි.
මෙහි ඉදිකිරීම් කොටස් හතරකින් සිදු කර ඇත.
මේ අතර අද දහවල් වන විටත් මෙම ජනතා අයිතියට පත් කරන ලද කොටසේ ඉදි කිරීම් නිමකර නොතිබූ අතර ඒ බව දැක්වෙන ඡායාරූප රැසක් මාධ්යවේදීන් විසින් සමාජ ජාල වෙත නිකුත් කර තිබුණේ මේ ආකාරයට ය.
(මූලාශ්රය - ලංකාදීප සහ තෲ නිව්ස් )
