කොරෝනා වෛරසය මඟින් එල්ලවිය හැකි අවධානම සම්බන්ධයෙන් වැදගත් ප්‍රශ්නයක් ලෙස සළකා කාලෝචිත ක්‍රියාමාර්ග ගන්නා ලෙස තමන් ජනවාරි සහ පෙබරවාරි මාස වල පාර්ලිමේන්තුවේදී අවධාරණය කළත් ආණ්ඩුව එය හෑල්ලුවට ලක්කළ බව හිටපු විපක්ෂ නායක, සමගි ජන බලවේගයේ නායක සජිත් ප්‍රේමදාස පෙන්වා දෙයි.
ඔහු මේ බව සඳහන් කරන්නේ අගමැති මහින්ද රාජපක්ෂ විසින් නිවේදනයක් නිකුත් කරමින් සජිත් ප්‍රේමදාස සහ රනිල් වික්‍රමසිංහ වෙත සිදුකල විවේචනයට ප්‍රතිචාර දක්වමින් ඊයේ (23) නිකුත් කළ නිවේදනයක් හරහාය.
තමන් කිසිඳු අවස්ථාවක නිරෝධායන කටයුතු අඩාල කිරීමට කටයුතු කර නැති බවද එම නිවේදනයේ සමගි ජන බලවේගයේ නායකයා අවධාරණය කර ඇත.
එසේම කොරෝනා වෛරසය මැඩලීම වෙනුවෙන් ආණ්ඩුව ගන්නා ක්‍රියාමාර්ග වල අඩුපාඩු රැසක් ඇති බවත් සඳහන් කරන ඔහු ඒවා පැවසීමට මේ වෙලාව නොවන බවත් මේ මොහොතේ වැදගත් වන්නේ කොරෝනා වෛරසය ව්‍යාප්තවීම පාලනය කිරීම වෙනුවෙන් කාර්යක්ෂමව ක්‍රියාකිරීම බවත් අවධාරණය කර ඇත.
සමගි ජන බලවේගයේ නායක සජිත් ප්‍රේමදාස නිකුත් කළ සම්පූර්ණ නිවේදනය පහත දැක්වෙයි.
