V2025

පුවත්

"දුගඳ හමන මේස් කුට්ටමක්" නිසා මගියෙක් අත්අඩංගුව !

දුගඳ හමන මේස් කුට්ටමක් පැළඳ සිටි මගියෙකු අත්අඩංගුවට ගත් බව ඉන්දීය පොලිසිය පවසයි.

මගියාගේ දුගඳ හමන මේස් කුට්ටම ඔහු සහ බස් රථයේ ගමන් කළ මගීන් පිරිසක් අතර ගැටුමකට තුඩු දුන් බැවින් ඔහු අත්අඩංගුවට ගනු ලැබූ බවත් පොලිසිය සඳහන් කරයි.

"ප්‍රසිද්ධ ස්ථානයකට හිරිහැරයක් බවට පත්වීම" යටතේ 27 හැවිරිදි ප්‍රකාශ් කුමාර්ට එරෙහිව චෝදනාවක් ගොනු කළ බව ද පොලිස් ප්‍රකාශකයෙක් බීබීසී යට පැවසීය.

දිල්ලි අගනුවර බලා බස් රථයක ගමන් කරමින් සිටි ප්‍රකාශ් කුමාර් බස් රථයේ දී සිය සපත්තු කුට්ටම සහ මේස් ගලවා තිබේ.

එහෙත් ඔහුගේ මේස් කුට්ටමෙන් කෙතරම් දුගඳක් හැමුවේ ද යත් සිය පාවහන් සහ මේස් කුට්ටම බෑගයේ බහාගන්නා මෙන් හෝ විසි කරන මෙන් මගීන් ඔහුට බල කර තිබේ.

ප්‍රකාශ් කුමාර් එය ප්‍රතික්ෂේප කිරීම හේතුවෙන් මගීන් සහ ඔහු අතර උණුසුම් වාදයක් හටගත් බව පැවසේ.

ඉන්පසුව උතුරු ඉන්දීය හිමාචල් ප්‍රදේශ් ප්‍රාන්තයේ පොලිස් ස්ථානයකට බස් රථය පදවන මෙන් මගීහු රියදුරාට බල කළහ. ඔහුට එරෙහිව පැමිණිල්ලක් සටහන් කරගෙන ඔහු අත්අඩංගුවට ගනු ලැබ තිබෙන්නේ එහිදීය.

සිය මේස් කුට්ටමෙන් දුර්ගන්ධයක් හැමූ බව ප්‍රතික්ෂේප කරන අශෝක් කුමාර්, "කිසිදු හේතුවකින් තොරව" මගීන් තමන් සමග දබර කරගත්තේ යයි පවසන බව හින්දුස්ථාන් ටයිම්ස් (The Hindustan Times) පුවත්පත වාර්තා කරයි.

ඔහු ඇප මත නිදහස් කළ බව පොලිසිය පවසයි.

(බීබීසී සිංහල සේවය)

Comment (0) Hits: 701

පොලිසිය ඒකාබද්ධයේ මන්ත්‍රීවරයකුට !

ඉදිරි සතියේදී ඒකාබද්ධ විපක්ෂයෙන් ශ්‍රීලනිපයට එක්වීමට නියමිත මන්ත්‍රීවරයකුට නීතිය හා සාමය නියෝජ්‍ය අමාත්‍ය ධුරය ලබාදීමට ජනාධිපති මෛත්‍රීපාල සිරිසේන මහතා එකඟත්වය පළකර ඇතැයි දේශපාලන ආරංචිමාර්ග වලින් 'නිව්ස් ටියුබ්' වෙත වාර්තාවේ.

එම මන්ත්‍රීවරයා ඊයේ (01) රාත්‍රී ජනාධිපතිවරයා හමුවී ඇති අතර, ජනධිපතිවරයාගේ සම්බන්ධිකරණ නිලධාරියකු ඊට අදාළ සම්බන්ධිකරන කටයුතු සිදුකර තිබේ.

එජාප පාර්ලිමේන්තු මන්ත්‍රී සාගල රත්නායක මහතා මේවනවිට පොලිසිය බාර අමාත්‍යවරයා ලෙස කටයුතු කරන අතර පසුගිය පාලන සමයේ සිදුවූ වංචා දුෂණ විමර්ශනය කිරීමේදී රාජපක්ෂවරුන්ට නොනිල මට්ටමින් සහය දක්වන බවට ඔහුට බරපතල චෝදනාවක් එල්ලවී ඇත.

වත්මන් ආණ්ඩුව බලයට පත්කිරීමට දායකවූ 'සාධාරණ සමාජයක් උදෙසා වූ ජාතික ව්‍යාපාරයේ සභාපති මහාචාර්ය සරත් විජේසුරිය මහතා, පසුගියදා ඒ සම්බන්ධයෙන් අමාත්‍ය සාගල රත්නායක මහතාව දැඩි ලෙස විවේචනය කළේය. ඒ, පුජ්‍ය මාදුළුවාවේ සෝභිත හිමියන්ගේ දෙවන ගුණානුස්මරණ උත්සවයට සහභාගී වෙමිනි.

සරත් විජේසුරිය මහතා වර්තමාන පොලිස්පති පුජිත ජයසුන්දර මහතාගේ ක්‍රියාකලාපය ඉතා උපහාසාත්මකව විවේචනයට ලක් කලේ මෙරටේ සේනාධීනායක මෙන්ම විධායක ජනාධිපතිවරයා ඉදිරිපිට ය.

 වීඩියෝව මෙතනින්

 මෙම තත්වය යටතේ පළාත් පාලන මැතිවරණයට පෙර නීතිය හා සාමය පිලිබඳ අමාත්‍යංශය ජනාධිපති යටතට පවරා ගන්නා ලෙස සිවිල් සංවිධාන ප්‍රධානින් කිහිප දෙනෙකු පසුගියදා ජනාධිපතිවරයාට යෝජනා කර තිබිණ.

Comment (0) Hits: 763

මේ 'කතා කරන කඳුලු'

පසුගිය පාලන සමයේ දී තරුණයන් එකොළොස් දෙනෙකු පැහැර ගෙන ගොස් නීති විරෝධී ලෙස රඳවා තබා ගෙන පසුව අතුරුදහන් කර වීම සම්බන්ධයෙන් මාධ්‍යවේදි මනෝජ් රත්නායක සිදු කරනු ලැබු 'Speaking Tears' කෙටි වාර්තාමය චිත්‍රපටය ඊයේ (30) ශ්‍රි ලංකා පුවත්පත් ආයතනයේදී ජන ගතවිය.

රජයේ හිටපු ප්‍රවෘත්ති අධ්‍යක්ෂ ජනරාල් ආචාර්ය රංග කලන්සූරිය, නීතීඥ සේනක පෙරේරා, විද්‍යා ලේඛක නාලක ගුණවර්ධන සහ අතුරු දහන් කරවීමට ලක්වූ රජීව් නාගනාදන්ගේ මව ද මෙහිදී අදහස් දක්වා සිටියේ ය.

 නාවික හමුදාවේ ඉහළ නිලයන් කිහිපයක් විසින් 2008 වසරේ මාර්තු මාසයේ සිට 2009 වසරේ මැයි මාසය දක්වා කාල පරාසය තුළ දී සුදු වෑන් මඟින් කොළඹ ප්‍රදේශයේ තරුණයන් 11 දෙනෙකු පැහැරගෙන යාම ට අදාළ නඩුව කොළඹ, කොටුව මහේස්ත්‍රාත් අධිකරණයේ තවමත් විභාග වෙමින් පවතිනවා.

'Speaking Tears' වාර්තාමය චිත්‍රපටයට කේන්ද්‍රකරගත් පවුලේ තරුණයා පැහැරගැනීමෙන් අනතුරව නාවික හමුදාවට අයත් ස්ථානයක රදවා සිටින අතර නාවික හමුදාවේ අපරාධවලට විරුද්ධ සාමාජිකයන්ගේ උදව් ලබා ගනිමින් එම තරුණයා ගෙදරට කතා කිරීමට සමත් වනවා. එවකට ප්‍රභල ඇමැතිවරයකු ෆීලික්ස් පෙරේරා පවා ඊට සාක්කි දරනවා.

නාගනාදන්ගේ මව දෙවියන් යදිමින් සිය පුතු සොයා දෙන්නයි ඉල්ලා සිටිනවා. ඇය තවම විශ්වාස කරන්නේ සිය පුතු තවමත් ජීවතුන් අතර සිටින බවයි. මේ 'කතාකරන කඳුලු' අපට කියන්නේ යුක්ති ධර්මය අගයන සමාජයක් ලෙස මේ සඳහා යුක්තිය සාධරණත්වය ඉටු වීය යුතු බව නොවේද?.

 

Comment (0) Hits: 657

මාධ්‍යවේදීන්ට එරෙහි අපරාධ: යුනෙස්කෝ සමුළුව ලංකාවේදී

යුනෙස්කෝ ආයතනය විසින් සංවිධානය කරනු ලබන ජනමාධ්‍යවේදීන්ට එරෙහි අපරාධ නැවැත්වීමේ ජාත්‍යන්තර දින සැමරුම් සම්මන්ත්‍රණය දෙසැම්බර් 04 වෙනිදා ශ්‍රී ලංකාවේදී පැවැත්වීමට නියමිතය.

ප්‍රකාශනයේ නිදහස ප්‍රවර්ධනය කිරීම සඳහා කලාපීය සහයෝගීතාව ශක්තිමත් කිරීම සහ ජනමාධ්‍යවේදීන්ට එරෙහි අපරාධ සම්බන්ධ දණ්ඩ මුක්තිය අවසන් කිරීම යන කරුණු පිළිබඳ එහිදී අවධානය යොමු වනු ඇත.

මුදල් හා ජනමාධ්‍ය අමාත්‍යාංශය, අධිකරණ අමාත්‍යංශය සහ රජයේ ප්‍රවෘත්ති දෙපාර්තමේන්තුවේ මෙහෙයවීම යටතේ පැවැත්වෙන සම්මන්ත්‍රණය සඳහා අන්තර්ජාතික පාර්ශ්වකරුවන් පනහක් සහභාගී වනු ඇති බව රජයේ ප්‍රවෘත්ති දෙපාර්තමේන්තුව පවසයි.

එමෙන්ම ඒ සඳහා මාධ්‍ය ආයතන ප්‍රධානීන් ප්‍රමුඛ දේශීය පාර්ශ්වකරුවන් එකසිය පනහක් පමණ සහභාගී වනු ඇති බවද රජයේ ප්‍රවෘත්ති දෙපාර්තමේන්තුව නිකුත් කළ නිවේදනයක දැක්වේ.

සම්මන්ත්‍රණයයෙහි ප්‍රධාන ආරාධිත දේශනය අග්‍රාමාත්‍ය රනිල් වික්‍රමසිංහ විසින් පවත්වනු ලබන අතර මුදල් හා ජනමාධ්‍ය අමාත්‍ය මංගල සමරවීර සහ යුනෙස්කෝ සංවිධානයේ ජනමාධ්‍ය හා ප්‍රවර්ධන කටයුතු පිළිබඳ අධ්‍යක්ෂ ගයි බර්ගර් ද දේශන පැවැත්වීමට නියමිතය‍.

ජනමාධ්‍යවේදීන්ගේ ආරක්ෂාව සම්බන්ධ කලාපීය සහයෝගීතාව ශක්තිමත් කිරීම සඳහා ගත යුතු ඉදිරි ක්‍රියා මාර්ග සහ අපරාධ සම්බන්ධ දණ්ඩ මුක්තිය අවසන් කිරීම යන කරුණු පිළිබඳව ද සමුළුවේ දී සාකච්ඡා කෙරෙනු ඇත.

එමෙන්ම ජනමාධ්‍යවේදීන්ට එල්ල වන ප්‍රචණ්ඩත්වයට එරෙහිව අධිකරණය, ජාතික මානව හිමිකම් කොමිෂන් සහා සහ සිවිල් සමාජයේ භූමිකාව කෙරෙහි ද එහිදී අවධානය යොමු කෙරෙනු ඇති බව ඉහත කී නිවේදනයේ වැඩිදුරටත් දැක්වේ.

dodawatta 614pxමේ අතර ඝාතනයට සහ අපරාධවලට ලක්වුණු මාධ්‍යවේදීන්ට යුක්තිය ඉටුකරන ලෙස ඉල්ලා වසර විසි පහකට පෙර ඉදිරිපත් කළ ප්‍රධාන සටන් පාඨය අදත් එලෙසම ඉදිරිපත් කිරීමට සිදුවී තිබෙන නිදහස් මාධ්‍ය ව්‍යාපරය පසුගියදා පැවසීය.

ජනමාධ්‍යවේදීන් හා ජනමාධ්‍ය ආයතනවලට එරෙහිව සිදුකළ අපරාධවලට වගකිවයුතු පාර්ශ්වයන්ට දඬුවම් දීම සඳහා පුර්ණ බලැති ජනාධිපති කොමිසම් පත්කරන ලෙස රජයෙන් නැවත ඉල්ලා සිටින බව නිදහස් මාධ්‍ය ව්‍යාපාරයේ 25 වෙනි සංවස්තරයට සමගාමිව නිකුත් කළ ප්‍රකාශනය මගින් කියා සිටී.

ශ්‍රී ලංකා ඉතිහාසය තුළ "වැඩිම මාධ්‍යවේදීන් පිරිසක් අපරාධවලට ගොදුරු වූ" 2000 සිට 2015 වසරේ ආරම්භය දක්වා මාධ්‍ය ආයතන සහ මාධ්‍යවේදීන්ට එරෙහිව සිදුවූ අපරාධ සම්බන්ධයෙන් වත්මන් ආණ්ඩුව යටතේ පරීක්ෂණ කිහිපයක් පැවැත්වෙන නමුත් එම පරීක්ෂණවල ප්‍රගතිය ද ඉතා මන්දගාමී බව නිදහස් මාධ්‍ය ව්‍යාපාරය විසින් ප්‍රකාශයට පත් කරන ලද මාධ්‍යයට එරෙහි අපරාධ සම්බන්ධ දණ්ඩ මුක්තිය අවසන් කිරීම පිළිබඳව සිදු කළ අධ්‍යයන වාර්තාවක සඳහන් වේ.

(බීබීසී සිංහල සේවය)

Comment (0) Hits: 674

කිළුටු සෙරෙප්පු සහ මල කෑ දැලිපිහි

කිලිටි පාවහන් යුගලකට වඩා මල කෑ දැළිපිහි භයානක බවට වාදයක් නැත. එහෙයින් තෝරාගැනීමක් කරන්නට සිදුවුවහොත් ශිෂ්ට සමාජයේ සිහිමොළ ඇති ඕනෑම අයෙක් තෝරාගන්නේ කිලිටි නමුත් පාවහන් යුගලය.

නමුත් රට, ජාතිය, ආගම වැනි සංවාදවල දී, විශේෂයෙන් මෙරටට පිළිලයක් වී ඇති ජාතික ගැටලූව වෙනුවෙන් දියුණු දේශපාලන පිළිතුරක් සම්පාදනය කර ගන්නට යාමේ දී බොහෝ දෙනකු ප‍්‍රිය කරන බවක් පෙනෙන්නට තිබෙනුයේ මල කෑ දැළිපිහිවලටය. ඒ මල කෑ දැලිපිහිය වරෙක ඊනියා ඒකීය රාජ්‍යය ය. තවත් වරෙක ජාතිය ය, නැතිනම් ආගමය. එසේත් නැතිනම් ඒ සියල්ල පත අට එකට සිඳුවා සකස් කළ ”රට ජාතිය ආගම රකින දේශපේ‍්‍රමය”ය.

පසුගිය දා සැමරුවේ 68 වන ජාතික නිදහස් දිනය වුවත් තවමත් ”ශ‍්‍රී ලාංකේය ජාතිය”‍ ගොඩනගා ගැනීමට අසමත්ව සිටින්නේ එනිසාය. එපමණක් නොව නිදහස ලබා වසර 68 ක් ගෙවී ගොස් ඇතත් එතැන් පටන් අප රට කරවන මූලික ලියවිල්ල එනම් ආණ්ඩුක‍්‍රම ව්‍යවස්ථා තුනක් සම්මතකර ගත්තත් තවමත් ජාතික රාජ්‍යයේ ආරම්භයේ දී සිදු කළ යුතු සහ විසඳාගත යුතු ජාතික ගැටලූ‍ව තවමත් රටේ අංක එකේ දේශපාලන අර්බුදය ලෙස ඉතිරිව තිබෙන්නේ ද එනිසාය. එහෙයින් මේ කඩඉම පසු නොකර රටක් ලෙස අපට ඉදිරියට අඩියක් වත් තබන්නට නොහැකිය. මේ කාරණය අප දිගින් දිගටම අවධාරණය කරන්නේ මේ වැනි සමයක එය කොතරම් අවධාරණය කළත් වැඩි නැතිය යන නිවැරැදි පුරෝකථනය අප සතුව තිබෙන නිසාය.

කෙසේ වුවත් රට කරවන්නට වන නව ලියවිල්ල සකස් කිරීමේ දී මතුව ඇති මූලික අභියෝගයක් ලෙස මේ ඊනියා ”ඒකීය රාජ්‍ය” සංකල්පය හඳුනා ගන්නට දුෂ්කර නැත. එය ඊනියා ලෙස අප නම් කළත් බොහෝ දෙනකු විශේෂයෙන් පාලකයන්ගේ සිට සිවිල් බුද්ධිමතුන් දක්වා බොහෝ දෙනකු මේ නමින් එය අමතන්නට දක්වන්නේ පුදුමාකාර භීතියක්ය. රටේ අවාසනාව නම් වමේ කියන දේශපාලන සංවිධාන සහ පක්ෂ පවා ”ජනතා ආකර්ෂණය දිනා ගන්නට නොහැකි වෙයි” යන ස්ථාවරයේ සිට මේ සංවාදය මඟහැරීමය. එහෙයින් අපේ මේ සූදානම මේ කවුරුත් භීතිකාවක් සහ මහා ආරක්ෂකයෙක් ලෙස සිතන ඊනියා ඒකීය රාජ්‍ය සංකල්පය බයිපාස් කර පෙන්වන්නටය. එය තුළ අප අන් කවරදාටත් වඩා කොතරම් අනාරක්ෂිත ද යන්න පෙන්වන්නටය.

ජාතිකත්ව සහ ආගමික පදනමින් සමාජය ආන්තීකරණයට ලක් වීම අප වැනි පසුගාමී සමාජවල එක් අංගයක් මිස අලූ‍ත් දෙයක් නොවේය. එසේම එය පසුගාමීත්වය පෙන්වන පැහැදිලි නිර්ණායකයක් සහ අනිවාර්ය අංගයක්ය. ඒ අනුව නිදහස ලබන මොහොතේ සිට මේ භීතිකාව අප සමාජය වෙලා පවතින අතර පළමු අගමැතිගේ පටන් රට කරවූ නායකයන් සිය බල අවශ්‍යතා වෙනුවෙන් එය අත්දුටු උපායක් ලෙස කළමනාකරණය කර තිබේ. නමුත් ඊට දාර්ශනික හැඩයක් අත්කර දෙන්නේ නලින් ද සිල්වාගේ පටන් ගුණදාස අමරසේකර දක්වා වූ ජාතිකවාදී බුද්ධිමතුන්ගේ මැදිහත් වීමෙන්ය. 80 ජූලි වර්ජනයෙන් පසුව දිගහැරෙන්නට ගත් මේ ජහුට වමේ ව්‍යාපාරය තුළට ගෙනවිත් ඊට වාමාංශික සුජාතභාවයක් ගෙන ආවේ රෝහණ විජේවීරය. ඒ ”දෙමළ ඊළාම් අරගලයට විසඳුම කුමක්ද” කෘතිය ජවිපෙ ජාතික ගැටලූ‍වට අදාළ න්‍යාය ග‍්‍රන්ථය බවට පත් කිරීම හරහාය.

ඒකීය රාජ්‍ය මිථ්‍යාව මෙරටට හඳුන්වා දුන් ඒ සියලූ‍ දෙනාගේ ලියවිලි අපට කියා දෙන්නේ එකම ආකාරයක කතාවක්ය. සිංහල බෞද්ධ ස්වෝත්තමවාදී නලින් ද සිල්වාගේ සිට ගුණදාස අමරසේකර වැනි සිවිල් වියතුන්ගේ පැහැදිලි කිරීම අපට මෙසේ සාරාංශ කර දක්වන්නට පුළුවන.

ඒ ”අතීතයේ අපි සමෘද්ධිමත් රටක්. අපි බතින් බුලතින් ස්වයංපෝෂීත ජාතියක්ය. අපේ දැනුමට සමාන දැනුමක් මිහිපිට තිබුණේ නැත. බලන්න අතීතයේ නටබුන් දෙස. අහස සිඹින දාගැබ්, පොළොව සිසාරා වැව් අමුණු”

”අපි එදා බොහෝ නිදහස් දියුණු ප‍්‍රජාවක් ලෙස ජීවත් වුණා. රජු සර්වාධිකාරය ලබා සිටියත් ඔහුගේ ඒ සර්වාධිකාරය බුදුදහම හරහා ස්වයං මර්දනයකට ලක්කර ගෙන සිටියා. ඒ නිසා වැසියනුත් අසීමිත නිදහසක් භුක්ති වින්දා. ඒ නිසාම අපි ආසියාවටම සහල් පවා දුන්නා.”

”මේ සියල්ල අපට නැති කළේ සොලීන්, පාණ්ඩවයන්, චෝලයන් මෙරට ආක‍්‍රමණය කළ නිසා. ඊළඟට බටහිර ජාතීන්. ඔවුන් නොඑන්න මේ රට ලෝකෙම සුරපුරයක්.”

එම චින්තනයට අනුව සුද්දා ගියාට පසුව මේ රටේ ඔය කියන සමෘද්ධිය නැති කළේ, වරෙක බටහිර දැනුමය, තවත් වරෙක ක‍්‍රිස්තියානියය. තවත් වරෙක රෙද්ද බැනියම වෙනුවට ටොප් හැට් පැලඳි පාලකයන්ය. පසුව එම ලැයිස්තුවට විජේවීර සහ ප‍්‍රභාකරන් ඇතුළත් විය. අද මෛත‍්‍රී - රනිල් හවුල් ආණ්ඩුවය. මේ නැතිව ගිය සියල්ල යළි ලබන්නට නම් දමිළයා - මුසල්මානුවා රටේ දෙවන ගනයේ පුරවැසියන් කළ යුතු අතර ඔවුන්ට දෙවන ගනයේ පුරවැසි අයිතීන් දිය යුතුය. ඒ වෙනුවෙන් කටයුතු කරන රජෙක් වගේ පාලකයෙක් සිටිය යුතුය.

ඒ අනුව මේ ජාතිවාදී ආගම්වාදී මානසික රෝගීන් මානසික රෝහලකට ඇතුළත් නොකරන තුරු මේ ලැයිස්තුවට අලූ‍ත් නම් එකතු වෙනවා මිස රට ප‍්‍රගතිය කරා ගමන් කරන ස්වභාවයක් දක්නට නැත. නැතිනම් අපේ ආත්මීය තුවාලයට ඔවුන් සකස් කර දෙන ප‍්‍රතිකාරවලින්. අප එදිනෙදා මුහුණ දෙන සැබෑ ආර්ථික සමාජ ගැටලූවලට ඔවුන් සතුව පිළිතුරු නැත.

සැබැවින්ම 80 දශකයෙන් අනතුරුව මේ ජාතිකවාදී රෝගීන් එක් වරක් පමණක් සුරාන්තයට පත්වූ අතර ඒ මහින්දගේ දේශපාලන නායකත්වයෙනි. ඒ උතුරේ ජන ඝාතන යුද්ධය දකුණේ ජයක් ලෙස ප‍්‍රදර්ශනය වූ අවස්ථාවය.

මොවුන් එදා කීවේ උතුරේ ජන ඝාතනයෙන් අනතුරුව ඒකීය රටක් බිහිවූ විට අපි පතන ලොව ඉබේ පහළ වන බවය. ජනාධිපතිවරයා රජෙක් වූ විට කීවේ රජෙක් නිසා අතීතයේ බඳු සමෘද්ධිමත් දේශය ඉදිවනු ඇති බවය. එහෙත් එය සිදුවූවාද? අවම වශයෙන් බුදුදහම වෙනුවෙන් ජීවිත පුදන්න යන මේ අය රාජ කුමාරයන් දළදා මාලිගය වටේ නයිට් රේස් පදින විට නැට්ට දෙපරන්දේ ගසා ගෙන සිටියා පමණක් නොව රජ කුමරුවන්ට වැඳ තාන්න මාන්න ද ලබා ගත්තේය.

එහෙයින් ඔවුන් කියන මේ ඒකීය රාජ්‍යය අපට අනුව නම් පැරණි ආසියානු නිෂ්පාදන ක‍්‍රමය මිස අනෙකක් නොවේය. ඒ තුළ අප දන්නේ එක සම්බන්ධතාවයක්ය. එනම් නිෂ්පාදන සම්බන්ධතාවයය. එහි දී නම් නිශ්චිතව සිදු වූයේ රදලයන් නිර්දය ලෙස ජනතාව සුරා කෑම පමණය. අපේ රටේ රදලයන් එය කොතරම් නිර්දය ලෙස සිදුකරා ද කියනවා නම් අපේ රාජ්‍ය භාණ්ඩාගාර හිස් වූයේ වැඩියෙන් පිං රැස්කර ගන්නට ලොකු දාගැබ් හැදීමෙන් මිස ජනතාව වෙනුවෙන් යමක් සිදු කර නොවේය. මහින්ද රජ කිරීමෙන් අනතුරුව මෙරට සිවිල් සමාජය ලැබුවේ ද එවැනිම වූ අත්දැකීමක්ය. මහින්දව ගෙදර යවන්නට හේතු වූයේ ද ශිෂ්ට සමාජයේ පැවැත්මට ඔය කියන ගෝත‍්‍රික හැසිරීම් අහිතකර නිසාය.

එහෙයින් ඉහත මානසික රෝගීන් කියන ඒකීය රාජ්‍ය සංකල්පය ජනවාරි 08 පරාජය කර හමාරය. ඒ අනුව නව ව්‍යවස්ථාවක් වෙනුවෙන් වන සංවාද බිමේ තවදුරටත් ඉහත මානසික රෝගීන් කියන ”ඒකීය රාජ්‍ය” අදාළ නැත.

  • සංජය ලියනගේ
  • උපුටා ගැනීම සත්හඩ පුවත්පත
Comment (0) Hits: 676

ගෝඨා හොරෙක් නෙමෙයි, අත්අඩංගුවට ගන්නේ නෑ -අමුණුගම

හිටපු ආරක්ෂක ලේකම්වරයා කිසිඳු මූල්‍ය වංචාවකට සම්බන්ධ නොමැති බව අමාත්‍ය ආචාර්ය සරත් අමුණුගම මහතා පවසයි.

අද(27) කොළඹදී මාධ්‍ය වෙත අදහස් දක්වමින් ඒ මහතා මේ බව කියා සිටියේය.

හිටපු ආරක්ෂක ලේකම්වරයා අත්අඩංගුවට ගැනීමේ සූදානමක් ඇති බවට මේ වන විට රට තුළ විශාල ආන්දෝලනයක් මතු වී ඇති බව පෙන්වා දුන් ඒ මහතා කියා සිටියේ ඒ සම්බන්ධයෙන් කිසිඳු සූදානමක් හෝ එවැන්නක් නොමැති බවයි.

එය විවිධ පුද්ගලයින් විසින් ගෙන යන අසත්‍ය ප්‍රචාරයක් බවද ඒ මහතා කියා සිටියේය.

 මුදල් අවභාවිත කර නැහැ :

එමෙන්ම හිටපු ආරක්ෂක ලේකම්වරයා අත්අඩංගුවට ගැනීමට කිසිඳු හේතුවක් නොමැති බව පෙන්වා දුන් ඒ මහතා කියා සිටියේ තමන් මේ පිළිබඳව සොයා බැලූ බවත්, ගෝඨාභය රාජපක්ෂ මහතා කිසිඳු පෞද්ගලික වාසියක් තකා එම මුදල් අවභාවිත කර නොමැති බවයි.

ඕනෑම ක්‍රියාවලියක් ආරම්භ කිරීමේදී ඇස්තමේන්තු ගත මුදලක් වෙන් කරන නමුත් එයට වඩා වැඩි මුදලක් අදාළ ක්‍රියාවලීන් සඳහා වියදම් වන බව පෙන්වා දුන් ඒ මහතා කියා සිටියේ සමහර පිරිස් විසින් එවැනි ඇස්තමේන්තුවලින් පෞද්ගලික දෑ වෙනුවෙන් මුදල් වංචා කරන නමුත් මෙම සිද්ධිය තුළ එවැන්නක් සිදුව නොමැති හෙයින් ඇස්තමේන්තුවට වඩා ගිය වියදම පිළිබඳව පරිපාලනමය වශයෙන් ක්‍රියාත්මක විය හැකි බවයි.

ගෝඨාභය රාජපක්ෂ මහතා පසුගිය සතියේ අත්අඩංගුවට ගැනීමට නියමිතව සිටි බව හිටපු ජනාධිපති මහින්ද රාජපක්ෂ මහතා ද ප්‍රකාශ කර තිබුණි.

 ගෝඨා ගෙන් රීට් පෙත්සමක්:

 මේ අතර තමා අත්අඩංගුවට ගැනීම වළකාලමින් රීට් නියෝගයක් නිකුත් කරන ලෙසට ඉල්ලා ගෝඨාභය රාජපක්ෂ මහතා අභියාචනාධිකරණයේ රීට් පෙත්සමක් ගොනු කර ඇත.

මෙම පෙත්සමින් පොලිස්පතිවරය, මූල්‍ය අපරාධ විමර්ශන කොට්ඨාසය ඇතුළු පාර්ශවයන් පහක් නම් කර ඇති බව සඳහන්වේ.

ඩි.ඒ. රාජපක්ෂ අනුස්මරණ කෞතුකාගාරය ඉදිකිරීමේදී ගෝඨාභය රාජපක්ෂ මහතා රාජ්‍ය මුදල් අවභාවිත කළැයි කියන සිද්ධියක් සම්බන්ධයෙන් මූල්‍ය අපරාධ විමර්ශන කොට්ඨාසය නීතිපතිවරයා වෙත වාර්තාවක් ඉදිරිපත්කර තිබිණ.

Comment (0) Hits: 690

අගමැතිගේ විශේෂ පණිවිඩයක් රැගෙන මංගල ජනපති හමුවේ !

 මතුවී ඇති දේශපාලන අර්බුදය සම්බන්ධයෙන් එජාප නායක, අගමැති රනිල් වික්‍රමසිංහ මහතාගේ විශේෂ පණිවිඩයක් රැගෙන මුදල් හා මාධ්‍ය අමාත්‍ය මංගල සමරවීර මහතා පෙරේදා (26) රාත්‍රී ජනාධිපති මෛත්‍රීපාල සිරිසේන මහතා හමුවී ඇතැයි දේශපාලන ආරංචිමාර්ග පවසයි.

ජනාධිපතිවරයාගේ පැජට් පාරේ නිල නිවසේදී මෙම හමුව පැවති බව පැවසේ.

එක්සත් ජාතික පක්ෂය 2015 වසරේදී මෛත්‍රීපාල සිරිසේන මහතා අතර ඇතිකර ගත් දේශපාලන එකඟතාවය අනුව 2025 දක්වා ශ්‍රී ලංකා නිදහස් පක්ෂය සමග ආණ්ඩු කිරීමට අගමැති රනිල් වික්‍රමසිංහ මහතා ඇතුළු එජාපයේ කැමැත්ත එහිදී ජනාධිපතිවරයා හමුවේ ප්‍රකාශ කර ඇති අමාත්‍ය සමරවීර මහතා, ජනාධිපතිවරයා සම්බන්ධයෙන් ඇති විශ්වාසය ද පළකර ඇතැයි ඉහත ආරංචිමාර්ග කියා සිටියි.

කෙසේවුවද, ශ්‍රී ලංකා නිදහස් පක්ෂය, ඒකාබද්ධ විපක්ෂය සමග එක්වන්නේ නම්, එජාපයට තවදුරටත් ශ්‍රී ලංකා නිදහස් පක්ෂය සමග හවුල් ආණ්ඩුවක් පවත්වාගෙන යාමේ දුෂ්කරතාවය ද අමාත්‍ය මංගල සමරවීර මහතා මෙහිදී ජනාධිපති මෛත්‍රීපාල සිරිසේන මහතාට පෙන්වා දී ඇතැයි ද ඉහත ආරංචිමාර්ග වැඩිදුරටත් පවසයි.

 එජාප ආණ්ඩුවකට මන්ත්‍රීවරු 130කගේ සහය :

 මේ අතර මහනුවරදී ජනාධිපතිවරයා හමුවී ඇති අමාත්‍ය මලික් සමරවික්‍රම මහතා, ශ්‍රීලනිපය ඒකාබද්ද විපක්ෂය සමග හවුලකට යන්නේ නම්, එජාපයට තනි ආණ්ඩුවක් සැදීමට සිදුවන බව දැනුම් දී ඇත.

එජාපයට මේවනවිට පාර්ලිමේන්තු මන්ත්‍රී ආසන 107ක් තිබෙන බවත්, මන්ත්‍රී ආසන 130 බලයක් පෙන්වීමට එජාපය සුදානම් බවත් සඳහන් කර ඇති මලික් සමරවික්‍රම මහතා, කෙසේවුවද එහිදී එජාපය විසින් පාර්ලිමේන්තුවට පත්කළ පුජ්‍ය අතුරලියේ රතන මන්ත්‍රී හිමියන්ගේ සහයක් ලබාගැනීමට බලාපොරොත්තු නොවන බවත් අවධාරණය කර තිබේ.

 

 

Comment (0) Hits: 620

එල්ටීටීඊ සොහොනට ආණ්ඩුවෙන් වාරණයක්

විනාශවී ගිය එල්ටීටීඊ සොහොන් බිමක් යළි ඉදිකිරීමේ සුදානමක් ඇත්නම් එය නතරකරන ලෙස ජාතික ප්‍රතිපත්ති හා ආර්ථික කටයුතු අමාත්‍යංශය කිලිනොච්චි දිස්ත්‍රික් ලේකම්වරයා වෙත දැනුම්දී ඇති බව වාර්තා වෙයි.

Comment (0) Hits: 683

පළාත් පාලන මැතිවරණය මහින්දගේ තියරියට

සීමා නීර්ණ ගැසට් පත්‍රයට එරෙහිව අභියාචනාධිකරණ තීන්දුවක් නිකුත් කර ඇති නමුත් එම ගැසට් පත්‍රය හරහා ආවරණය නොවන පළාත් පාලන ආයතන 93ක් සඳහා නාමයෝජනා බාර ගැනීමට මැතිවරණ කොමිසම තීන්දු කර ඇත.

Comment (0) Hits: 572

ජනපති දකුණු කොරියාවට

ජනාධිපති මෛත්‍රීපාල සිරිසේන මහතා අද(27) මීට ස්වල්ප මොහොතකට පෙර එමිරේට්ස් ගුවන් සේවයට අයත් EK 348 දරණ ගුවන් යානයෙන් දකුණු කොරියාව බලා පිටත්ව ගොස් තිබේ.

Comment (0) Hits: 594

Page 503 of 503