පිලිපීනයේ ඛේදවාචකයක් !

මගී යාත්‍රාවක් ගිනි ගැනීමෙන් පිලිපීනයේ 31 දෙනෙකු මියගොස් ඇති බව විදෙස් මාධ්‍ය වාර්තා සඳහන් කරයි.

එම මාධ්‍ය වාර්තා වල වැඩිදුරටත් දැක්වෙන ආකාරයට අදාළ යාත්‍රාවේ සිටි තවත් 230 දෙනෙකුගේ දිවි බේරාගන්නට සහන කණ්ඩායම් සමත්ව ඇත.

ඊයේ (29) යාත්‍රාවේ වායුසමීකරණ කුටීර තුළ හටගත් ගින්නක් අනතුරට හේතු වන්නට ඇති බවට සැකකෙරෙන බවද විදෙස් මාධ්‍ය වාර්තා වල දැක්වෙයි.

නමුත් ගිනි ගන්නා අවස්ථාවේ යාත්‍රාවේ කොපමණ ප්‍රමාණයක් සිටියාද යන්න සම්බන්ධයෙන් පැහැදිලි තොරතුරක් නොමැති බවද එහි වැඩිදුරටත් සඳහන් වෙයි.