කොවිඩ් 19 වෛරසය ව්‍යාප්ත වීම සහ ඒ ආශ්‍රිත තොරතුරු වාර්තාකරණයේ දී ජන මාධ්‍ය වෙත නිර්ණායක මාලාවක් හඳුන්වා දීමට රජය කටයුතු කර ඇත.
කොරෝනා ආසාදිත මුස්ලිම් අයකු මියගියහොත් දේහය පිලිබඳ අවසන් කටයුතු සිදුකළ ආකාරය දැක්වෙන ලෝක සෞඛ්‍ය සංවිධානයේ මාර්ගෝපදේශ සංශෝධනය කර පළ කලේ නම් මෙවැනි ගැටළු මතු නොවන බවද ඔහු එම සංවාදයට එක්ව සිටි දේශපාලනඥයින්ට උපදෙස් දෙයි.
''ගහන්න ඕන නේ. ගහන්නත් චාන්ස් එකක් ආවා ඒ කෑල්ලත් අරගෙන. නැත්නම් හරියන්නෑ.’ චතුර අල්විස් එහිදී පවසන්නේ සජීවී වැඩසටහනකදී කැමරාවෙන් තමා සජීවීව විකාශය වන බව නොදැනය. චතුර අල්විස් එවැනි ප්‍රකාශ කරමින් මුස්ලිම්වරුන් නින්දා සහගත අවමානයට ලක්කරන්නේ එම සජීවී විකාශය අතරතුර වෙළඳ දැන්වීම් ප්‍රචාරණය සඳහා ලැබුන විවේකයෙදී නිෂ්පාදක කණ්ඩායම එකිනෙකා අතර අදහස් හුවමාරු කරගන්නා අවස්ථාවකදිය.
එහිදී අන්‍යාගමිකයන් ගේ විශ්වාස පද්ධතිය දරා ගත නොහැකි දෙරණ නිවේදකයකු වන චතුර අල්විස් නමැත්තා ගේ ලදරු වලිප්පු ස්වභාවය පැහැදිලි ව දක්නට ඇත .
අපි නොදන්න අත්වැරදි !
එම අවස්ථාවේදී වෙළඳ දැන්වීම් ප්‍රචාරය වෙනුවෙන් ප්‍රධාන පාලක මැදිරියෙන් (MRC -main control room) 'අද දෙරණ' සජීවී විකාශය නවතා තිබුන ද එම ආයතනය විසින් ඊට සමගාමිව විකාශය කෙරෙන වෙබ් නාලිකාවේ හා 'යූ ටියුබ්' චැනලයේ එය අඛණ්ඩව විකාශය වී ඇත. මෙය අත්වැරදීමකින් සිදුවූවක් බවට ප්‍රචාරය කිරීමට වගකිව යුතු පාර්ශව මේ වන විට අසාර්ථක සහයක නිරතව සිටියි.
නමුත් සමාජ මාධ්‍ය ජාල තුළ මෙන් ම විද්‍යුත් නාලිකා සම්බන්ධ ප්‍රවීනයන් පවසන්නේ මෙවැනි දැ අත්වැරදීමෙන් සිදු නොවන බව ය . ඒ වෙනුවට මෙයත් කිසි යම් කරුණක් සම්බන්ධ ජනතා අවධානය වෙනතක යොමු කිරීමට දැරූ පහත් ප්‍රචාරක උපක්‍රමයක් ලෙස ඇතැමුන් මෙය හඳුන්වයි.
