කාරතිව් ප්‍රාදේශීය සභාවෙ සභාපති කියා තිබෙනවා කරුණා කොරෝනාවලටත් වඩා දරුණු මිනිහෙක් කියල...... මම කියනවා ඔව් මම හුඟාක් දරුණු මිනිහෙක් තමයි..... එහෙම දරුණු නිසා තමයි මට එක රාත්‍රියකින් අලිමංකඩ යුද හමුදාවෙ දෙතුන් දාහක් මරා දමන්න පුළුවන් වුනේ..... කිලිනොච්චියෙත් ඊටත් වඩා ගනනක් එක රාත්‍රියකින් මරා දැමුවා .... ඔව් මම ඉතාමත් දරුනු මිනිහෙක්" යනුවෙන් පොදුජන පෙරමුණේ කරුණා අම්මාන් මේ ප්‍රකාශය සිදුකර ඇත.
ඊට ප්‍රතිචාර දැක්වීමක් ලෙස නීතිඥ අථිල අතාවුද සිය ෆේස්බුක් ගිනුමේ මෙවැනි සටහනක් තබා ඇත.
ගැටලුව ඇත්තේ කරුණා අම්මාන් ප්‍රජාතන්ත්‍රවාදී මාවතට අවතීර්ණ වීමේ හෝ එල්.ටී.ටී.ඊය පැරදවීමට සහය දීමේ නොවේ. ගැටලුව එකම කඳවුර තුල සිටිමින් එක පිරිසක් රටේ එක තැනක එල්.ටී.ටී.ඊයට දුන් බැට විකුණා ඡන්දය සිඟද්දී, කරුණා අම්මාන් නැගෙනහිරට ගොස් හමුදාවට තමන් දුන් බැට විකුණා ඒ කඳවුරටම ඡන්ද සිඟන කල, ඔය දෙකම එක විට කෙසේ හෝ දිරවා ගැනීමට තරම් තකතීරු ජනතාවක් සිටීමය.
කරුණා අංගුලිමාල වැනිය, ජෙප්පන්ද ඔහොමම ප්‍රජාතන්ත්‍රවාදී මාවතට ආවා නොවේද, හමුදාව වෙනුවෙන් කිඹුල් කඳුළු හෙළනවාද වැනි කතා අදාළම නැත. මන්ද ප්‍රශ්නය ඇත්තේ වෙනම තැනකය.
එසේම එක්සත් ජාතික පක්ෂයේ මහනුවර දිස්ත්‍රික් අපේක්ෂක මහේෂ් සේනානායක මීට කාලයකට පෙර කරුණා අම්මාන් එජාපයෙ සිටියා නම් මැයෙන් දැක්වූ අදහසක්ද පහත දැක්වෙයි.