AstraZeneca Covishield එන්නත් මාත්‍රා ලක්ෂ 5ක් රැගත් ගුවන් යානය හෙට (28) පෙරවරු 11ට මෙරටට ළඟා වීමට නියමිත බව ජනාධිපති උපදේශක ලලිත් වීරතුංග පවසා ඇත.
කොරෝනා මර්දන එන්නත මෙරටට ලබා ගැනීම වෙනුවෙන් සාකච්ඡා කිරීම සහ සම්බන්ධීකරණය කිරීමට පත්කළ කමිටුවේ සභාපති වන්නේ ලලිත් වීරතුංගය.
ඒ අනුව ඉන්දීය රජය මෙරටට පිරිනමන එම එන්නත් තොගය පුද්ගලයින් 250,000 දෙනෙකු වෙත ලබාදීමට නියමිතව ඇත.
මේ සමග කොළඹ පිහිටි චීන තානාපති කාර්යාලය සඳහන් කරන්නේ, Sinopharm ආයතනය නිෂ්පාදනය කරන COVID-19 එන්නත් මාත්‍රා ලක්ෂ 3ක් මෙරටට ප්‍රදානය කරන බවය.
ඒ සම්බන්ධව නිකුත්කළ නිවේදනයක් පහත දැක්වෙයි.
ඒ අනුව චීනය සහ ඉන්දියාව මෙරටට පළමු එන්නත් තොග නිකුත් කල රටවල් බවට පත්වෙයි.
