රන්ජන් රාමනායකගේ පාර්ලිමේන්තු අසුන පුරප්පාඩු වී ඇති බව කථානායක මහින්ද යාපා අබේගුණවර්ධන විසින් පාර්ලිමේන්තුවට දන්වා ඇත.
අද (07) පාර්ලිමේන්තුවේ දී නිවේදන පිළිබඳ දන්වමින් කතානායක මේ බව සඳහන් කර ඇති අතර ,ඊට අනුව නීති උපදෙස් සැලකිල්ලට ගෙන රන්ජන් රාමනායක ගේ පාර්ලිමේන්තු අසුන පුරප්පාඩු වී ඇති බව මැතිවරණ කොමිසමට දන්වා යවා ඇත.
අධිකරණයට අපහාස කිරීමේ චෝදනාවට වරදකරු වු හිටපු රාජ්‍ය අමාත්‍ය රන්ජන් රාමනායක ශ්‍රේෂ්ඨාධිකරණය විසින් බරපතළ වැඩ සහිත වසර හතරක සිරදඬුවම් නියම කර තිබේ.
ඒ අනුව ඔහුගෙන් පුරප්පාඩු වන මන්ත්‍රී ධුරය සඳහා පත්වීමට ගම්පහ දිස්ත්‍රික් මනාප ලැයිස්තුවේ ඊළඟට මනාප හිමිකරගෙන සිටින අජිත් මාන්නප්පෙරුම ට අවස්ථාව හිමිවේ.
