වී ඇතුළු තම වගාවන් සඳහා අවශ්‍ය පොහොර නොමැති වීම හේතුවෙන් පීඩාවට පත්ව සිටින ගොවි ජනතාව මේ වනවිට මින්නේරිය නගරයේ දැවැන්ත විරෝධතාවයක් ආරම්භ කර තිබේ.
ඒ සඳහා ගොවීන් 2000කට අධික පිරිසක් සහභාගී වී සිටින අතර මින්නේරිය නගරයෙන් මඩකලපුව කොළඹ මාර්ගය අවහිර වී තිබේ. රථවාහන ගමනා ගමනයද නතර කර ඇත.
සමස්ත ලංකා ගොවිජන සම්මේලනය, කවුඩුලුවැව ගොවි සංවිධානය සහ මින්නේරිය ඒකාබද්ධ රජයේ ගොවි සංවිධාන ඒකාබද්ධව මෙම විරෝධතාවය සංවිධානය කර තිබේ.
