ඉන්ධන මිල බරපතළ ලෙස ඉහළ දැමීමට ඛනිජ තෙල් සංස්ථාව කටයුතු කිරීම හේතුවෙන් ධීවර සහ ප්රවාහන සේවයේ නිරත කොටස් අතර දැඩි අසහනකාරීත්වයක් මතුව තිබේ.
ඒ අනුව රඹුක්කන , මාතර ඇතුළු රටේ ප්රදේශ කිහිපයකම ජනතාව අසංවිධානාත්මක විරෝධතා උද්ඝෝෂණ දියත්කර ඇත.
ප්රධාන මාර්ග ගණනාවක් වාහන මගින් අවහිර කරමින් ජනතාව මෙසේ විරෝධතාවේ යෙදී සිටින බවත් වාර්තා වෙයි.
මීට පෙර පැනවූ ඉන්ධන ලබා දීමේදී පනවා තිබූ සීමා ඉවත් කිරීමට තෙල් සංස්ථාව කටයුතු කර ඇති නමුත් ඒ සමග ඊයේ (18) රාත්රියේ සිට සිපෙට්කෝ බෙදුම්හල්වල මිල වැඩි කිරීමත් සමග මේ තත්ත්වය මතුව ඇත.
මේ අතර එකී ප්රදේශ වල පොලිස් බලඇණි සීරුවෙන් තබා ඇති බවත් වාර්තා වෙයි.
ඊයේ සිදුකළ ඉන්ධන මිල වැඩි කිරීමේදී සුදු ඩීසල් ලීටරයක් රුපියල් 113කින් ඉහල දමා ඇති අතර එය මෙතෙක් එක් වරකදී සිදු කරන ලද වැඩිම මිල නැංවීමයි.
මේ සම්බන්ධයෙන් ඛනිජ තෙල් සංස්ථාව නිකුත්කළ නිවේදනය පහත දැක්වෙයි.
