13 ගැන ස්ථාවරය ගැන අනුර දුන්න උත්තරය !

13 සංශෝධනය ඉදිරියට ගෙන ඒම ජනාධිපති රනිල් වික්‍රමසිංහ විසින් අටවා ඇති උගුලක් බව ජාතික ජන බලවේගය නායක අනුර දිසානායක පවසයි.

එනිසා එම උගුල හසු නොවන්නැයි ජනතාවගෙන් ඉල්ලා සිටින බවද හෙතෙම පැවසීය.

දහතුන් වන ව්‍යවස්ථා සංශෝධනය ජනාධිපති වරයා ක්‍රියාත්මක කිරීමට හැදුවොත් ස්ථාවරය කුමක්දැයි මාධ්‍යවේදීන් කළ විමසීමකදී ‘එයා ගේන්නෑ.. එයා හැමදාම ඔය සෙල්ලම දාන මනුස්සය.. එයාට ඕනි මේ රට ගිනි තියලා තමන්ගේ බලය ආරක්ෂා කරන්න’ යනුවෙන් ඔහු කියා සිටියේය.

කෙසේ වුවත් 13 වන සංශෝධනය සම්බන්ධයෙන් පක්‍ෂයේ ස්ථාවරය හෝ පෙර ස්ථාවරයම දරන්නේද යන්න ඔහු පැහැදිලි කලේ නැත.