Image

මහ බැංකුව ප්‍රතිපත්ති පොලී අනුපාතය 9.00% දක්වා ඉහළ නංවයි

මහ බැංකුව ප්‍රතිපත්ති පොලී අනුපාතය 9.00% දක්වා ඉහළ නංවයි

ශ්‍රී ලංකා මහ බැංකුවේ මුදල් ප්‍රතිපත්ති මණ්ඩලය, ඒක දින ප්‍රතිපත්ති පොලී අනුපාතය පදනම් අගය 25කින් ඉහළ නංවා 9.00%ක් දක්වා ඉහළ දැමීමට තීරණය කර තිබේ.

 2026 වසරේ 06 වැනි මුදල් ප්‍රතිපත්ති සමාලෝචනයට අදාළව මෙම  තීරණය ගෙන ඇති අතර, පවතින සහ අපේක්ෂිත සාර්ව ආර්ථික තත්ත්වයන් සැලකිල්ලට ගනිමින් මෙම තීරණය ගත් බවයි මහ බැංකුව පවසන්නේ.

ඒ අනුව, නිත්‍ය තැන්පතු පහසුකම් අනුපාතය (SDFR) 8.50%ක් ලෙසත්, නිත්‍ය ණය පහසුකම් අනුපාතය (SLFR) 9.50%ක් ලෙසත් ක්‍රියාත්මක වේ.

උද්ධමනය ඉහළට

 2026 වසරේ සැප්තැම්බර් මාසයේ දී උද්ධමනය 8.3%ක් දක්වා (වාර්ෂික ලක්ෂ්‍යමය) ඉහළ ගොස් තිබේ. ආහාර උද්ධමනය ඉහළ යාම සහ අනෙකුත් භාණ්ඩවල මිල ඉහළ යාම මීට හේතු වී ඇති බව මහ බැංකුව පෙන්වා දෙයි.

 2027 වසර සඳහා පවා උද්ධමනය ඉහළ මට්ටමක පවතිනු ඇතැයි අපේක්ෂා කරන බවත්, ඒ හේතුවෙන් මුදල් ප්‍රතිපත්ති තද කිරීම අවශ්‍ය වූ බවත් මහ බැංකුව වැඩිදුරටත් සඳහන් කරයි.

 එසේම, 2026 වසරේ සැප්තැම්බර් මාසයේ දී මූලික උද්ධමනය ද ඉහළ ගොස් ඇති අතර, ඉදිරියේ දී උද්ධමනය 5% ඉලක්කය වටා ස්ථාවර කර ගැනීම මහ බැංකුවේ අපේක්ෂාවයි.

 - ජේ.මුණසිංහ -

Related Articles

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු.
ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

logo newstube 2025

අප ගැන | අමතන්න