ඉදිරි අයවැය ලේඛනය ඉදිරිපත් කිරීමට පෙර ඉන්ධන මිල සූත්‍රය වෙනස් කිරීමට ජනාධිපතිවරයා සූදානම් වන බව වාර්තා වෙයි.
ඒ සම්බන්ධව අවශ්‍ය ක්‍රියාමාර්ග ගැනීමට විද්වත් කමිටුවකට දන්වා ඇති බවද වාර්තා වෙයි.
දේශපාලන ආරංචිමාර්ග සඳහන් කරන ආකාරයට ජනාධිපති මෛත්‍රිපාල සිරිසේන පසුගිය 25 වැනිදා ඇමෙරිකා එක්සත් ජනපදයේ නිව් යෝර්ක් නගරයේ පැවති සුහද හමුවකදීද මේ සම්බන්ධව අදහස් දක්වා ඇත.
එහිදී ඉන්ධන මිල සූත්‍රය ජනතාවට පීඩාකාරීව බලපා ඇති බවත් ඒ සම්බන්ධයෙන් බොහෝ විවේචන ඉදිරිපත් වී ඇති බවත් ජනාධිපතිවරයා සඳහන් කර ඇති අතර එළඹෙන අයවැයට පෙර ඉන්ධන මිල සූත්‍රයේ වෙනසක් සිදුකිරීමට තමා අපේක්ෂා කරන බවද එහිදී සඳහන් කර ඇත.
