නොදන්වා සේවය හැර ගොස් සිටින යුද හමුදා සාමාජිකයන්ට නැවත සේවයට වාර්තා කිරීම වෙනුවෙන් වන පොදු සමා කාලය මැයි මස 10 වනදා දක්වා දීර්ඝ කර ඇති අතර මේ වන විට ලබා දුන් කාලය තුළදී සාමාජිකයන් 5900 ක් පමණ නැවත සේවයට වාර්තා කර ඇති බව යුද හමුදා මාධ්ය ප්රකාශක බි්රගේඩියර් සුමිත් අතපත්තු මහතා පවසයි. සාමාජිකයින් 5900 දෙනෙකු යුද හමුදා සේවයට වාර්තා කර තිබේ.
සේවය හැර ගොස් සිටින යුද හමුදා සමාජිකයින් හට නීත්යානුකුළ අස්වීම් ලබා ගැනීම සඳහා පොදු සමා කාලයක් පසුගිය අප්රේල් 22වන දින සිට ප්රකාශයට පත් කරනු ලැබීය.
සේවයට වාර්තා කර ඇති සාමාජීකයින් නීත්යානුකුලව අස්වීම් ලබා දීමට ඉදිරියේදි කටයුතු කරන බව පැවසූ සුමිත් අතපත්තු මහතා මාස 06කට අඩු කාලයක් සේවයට වාර්තා කර නොසිටි යුධ හමුදා සාමාජිකයන්ට යළි සේවයේ පිහිටුවීම සඳහා අවස්ථාව ලබා දීම සම්බන්ධයෙන්ද අවධානය යොමු වී ඇති බව සදහන් කරන ලදී.
