එක්සත් ජාතික පක්ෂ පාර්ලිමේන්තු මන්ත්‍රී රන්ජන් රාමනායකගේ පක්ෂ සාමාජිකත්වයට අත්හිටුවීමට එම පක්ෂය තීරණය කර ඇති බව පක්ෂ මහලේකම් පාර්ලිමේන්තු මන්ත්‍රී අකිල විරාජ් කාරියවසම් පැවැසීය.
ඒ අද (14) පැවැති මාධ්‍ය සාකච්ඡාවකදී අදහස් දක්වමින් ය.එහිදී වැඩිදුරටත් අදහස් දක්වමින් මන්ත්‍රීවරයා මෙසේද පැවසීය.
“ඒක්සත් ජාතික පක්ෂය තීරණය කරලා තිබෙනවා ගම්පහ දිස්ත්‍රික් පාර්ලිමේන්තු මන්ත්‍රී රන්ජන් රාමනායක මැතිතුමාගේ පක්ෂ සාමාජිකත්වය තාවකාලිකව තහනම් කරන්න.
පක්ෂයට ලැබුණ විවිධ පැමිණිලි සියල්ලම අරගෙන පක්ෂය විසින් පක්ෂ නායකතුමාට දැනුම් දීමෙන් පසුව එතුමා තීරණය කරනු ලැබුවා රන්ජන් රාමනායක මහතාගේ පක්ෂ සාමාජිකත්වය තාවකාලිකව තහනම් කරන්නත්, පක්ෂ කෘත්‍යාධිකාරි මණ්ඩලයට ඉදිරිපත් කරලා එය අනුමත කර ගන්නත් තීරණය කරනු ලැබුවා.”