V2025

පුවත්

'බැඳුම්කර වාර්තාවෙන් එජාපය නැති කරන්නයි හදන්නේ'

මහ බැංකුවේ බැදුම්කර නිකුතුව සම්බන්ධයෙන් සොයා බැලීමට ජනාධිපතිවරයා විසින් පත් කරන ලද කමිටුවේ වාර්තාව හරහා එක්සත් ජාතික පක්‍ෂයට හා රනිල් වික්‍රමසිංහ මහතාට පහර ගසා පළාත් පාලන ම්තිවරණයේදී යම් වාසියක් ලබාගැනීමට ශ්‍රී ලංකා නිදහස් පක්‍ෂය විසින් උත්සාහ කරමින් සිටින බව එජාප කුරුණෑගල දිස්ත්‍රීක් පාර්ලිමේන්තු මන්ත්‍රී නලින් බණ්ඩාර මහතා පවසයි.

මන්ත්‍රීවරයා මෙම අදහස් පල කරනු ලැබුවේ කරන්දෙණිය ප්‍රදේශයේ පැවති ජන හමුවක් අමතමිනි.

එක්සත් ජාතික පක්‍ෂයේ නායක රනිල් වික්‍රමසිංහ මහතා වංචා දුෂණවලින් තොර පිරිසිදු පුද්ගලයෙකු බව සියළු දෙනාම දන්න බවද ඔහු එහිදී සඳහන් කළේය.

 දැන්ම එළියට දාන්න එපා ලු !

මේ අතර ජනාධිපතිවරයාට බාරදුන් බැඳුම්කර වාර්තාව පළාත් පාලන මැතිවරණයට පෙර ප්‍රකාශයට පත් නොකරන්නැයි සිවිල් සංවිධානයක් මැතිවරණ කොමිසමෙන් ඉල්ලා සිටීමට තීරණය කර තිබේ.

ඒ, බැඳුම්කර වාර්තාව ප්‍රකාශයට පත්වුවහොත් එයින් යම් පාර්ශයන්ට අගතියක් වේයැයි පවසමිනි.

2015 වසරේදී ශ්‍රී ලංකා මහබැංකුවේ බැදුම්කර නිකුතුවේදී සිදුව ඇතැයි කියන අක්‍රමිකතා සම්බන්ධයෙන් සොයා බැලීම සදහා ජනාධිපති මෛත්‍රීපාල සිරිසේන මහතා විසින් පත් කරන ලද ජනාධිපති විශේෂ විමර්ෂණ කොමිෂන් සභාවේ අවසන් වාර්තාව ඊයේ (30) ජනාධිපති මෛත්‍රීපාල සිරිසේන මහතා වෙත බාර දෙනු ලැබිය.

එය බර දෙනු ලැබුවේ කොමිසමේ සභාපති ලෙස කටයුතු කල ශ්‍රේෂ්ඨාධිකරණ විනිසුරු කේ.ටී. චිත්‍රසිරි මහතා විසින් වන අතර එම අවස්ථාවට කොමිසමේ ලේකම් එස්. උඩුගමසූරිය මහතා හා සෙසු සාමාජිකයින් වූ ශ්‍රේෂ්ඨාධිකරණ විනිසුරු පී.එස්. ජයවර්ධන, විශ්‍රාමික නියෝජ්‍ය විගණකාධිපති වී. කන්දසාමී යන මහත්වරුන්ද සහභාගී වූහ.

Comment (0) Hits: 874

ඉන්දීය ධීවරයින් 13කු නාවික හමුදා අත්අඩංගුවට

උතුරු නාවික විධානයට අනුයුක්ත වේග ප්‍රහාරක යාත්‍රාවන් මඟින් අද (දෙසැම්බර් 31) අළුයම කච්චතිව් දූපතට නිරිත දෙසින් වූ ශ්‍රී ලංකාවට අයත් මුහුදු ප්‍රදේශයේදී නීති විරෝධී ලෙස ධීවර කටයුතුවල නිරත වූ ඉන්දීය ධීවරයින් 13 දෙනෙකු සහ ඔවුන්ට අයත් ට්‍රෝලර් යාත්‍රා 2 ක් අත්අඩංගුවට ගෙන ඇත.

අත්අඩංගුවට ගත් ට්‍රෝලර් යාත්‍රාවන් කරෙයිනගර්හි පිහිටි ශ්‍රී ලංකා නාවික නෞකා එළාර ආයතනය වෙතද ධීවරයින් සියළු දෙනා කන්කසන්තුරය, ශ්‍රී ලංකා නාවික නෞකා උත්තර ආයතනය වෙත ද රැගෙන ඒමට කටයුතු කරන ලදී. ඉන් අනතුරුව එම ධීවරයින් ඉදිරි නීතිමය කටයුතු සඳහා යාපනය, සහකාර ධීවර අධ්‍යක්ෂක වෙත භාර දීමට කටයුතු කර ඇත.

View the embedded image gallery online at:
http://newstube.lk/news?start=9936#sigProIdb355e36b44

 

 

Comment (0) Hits: 883

නීති විරෝධී FM ගුවන් විදුලි නාලිකාවක් වටලයි

නීතී විරෝධීව දැරණියගල නගරයේ සිට විකාශනය කළ FM නාලිකාවක් ශ‍්‍රී ලංකා විදුලි සංදේශ නියාමන කොමිෂන් සභාව විසින් පසුගියදා වටලා ඇත.

කොමිෂන් සභාව සතු අති නවීන පිරික්සුම් පද්ධතිය මගින් මෙම ස්ථානය අනාවරණය කරගත් අතර අපරාධ පරීක්‍ෂණ දෙපාර්තමේන්තුවේ සහාය ඇතිව මේ වැටලීම සිදු කර ඇති අතර,  ගුවන් විදුලි විකාශයක් සදහා අවශ්‍ය සියලූ තාක්‍ෂණික උපකරණ හා ඒ සදහා සහාය වන අනෙකුත් උපකරණ විශාල තොගයක් මෙහිදී අත්අඩංගුවට ගෙන තිබේ.

ශ‍්‍රී ලංකා විදුලි සංදේශ නියාමන කොමිෂන් සභාවෙන් ලබාගත් නිසි බලපත‍්‍රයක් නොමැතිව ගුවන් විදුලි තරංග විමෝචක උපකරණ භාවිතා කිරීම 1991 අංක 25 දරණ විදුලි සංදේශ පනත හා සංශෝධිත 1996 අංක 27දරණ පනත යටතේ ද`ඩුවම් ලැබිය හැකි වරදකි. මීට පෙරද මෙවැනි නීති විරෝධී විකාශන උපකරණ හා එම විකාශනවලට සම්බන්ද පුද්ගලයන් අත්අඩංගුවට ගෙන අධිකරණයන් හි නඩු පවරා ඇති බව විදුලි සංදේශ නියාමන කොමිෂන් සභාවේ අධ්‍යක්‍ෂ ජනරාල් ශාමල් ජයතිලක මහතා පැවසීය.

නීති විරෝධි සංඛ්‍යාත විමෝචන උපකරණ ක‍්‍රියාත්මක කලහොත් විනාඩි කිහිපයක් තුළදී හදුනාගැනීමට හැකිවන ස්වයංක‍්‍රීය සංඛ්‍යාත පිරික්සුම් මධ්‍යස්ථාන 2018 වසරේ දී මුළු දිවයිනම ආවරණය වන පරිදි ස්ථාපනය කෙරේ. ඒ මගින් නීති විරෝධීව ගුවන් විදුලි තරංග විමෝචන උපකරණ හා භාවිතා කරන්නන් ක්‍ෂණිකව අත්අඩංගුවට ගැනීමට කටයුතු කරන බවද අධ්‍යක්‍ෂ ජනරාල්වරයා වැඩිදුරටත් පැවසීය.

දැරණියගලදී අත්අඩංගුවට ගත් උපකරණ හා සැකකරුවන් අවිස්සාවේල්ල අධිකරණයට ඉදිරිපත් කිරීමට නියමිතය.

Studio

Building

 

Comment (0) Hits: 1085

බන්දුලගේ මැතිවරණ කාර්යාලයට මැර ප්‍රහාරයක්

යෝජිත පළාත් පාලන මැතිවරණය වෙනුවෙන් බොරලැස්ගමුව නගර සභාව සඳහා එක්සත් ජාතික පක්ෂයෙන් ඉදිරිපත්ව සිටින අපේක්ෂක බන්දුල චන්ද්‍රසේකරගේ මැතිවරණ කාර්යාලය වෙත මැර ප්‍රහාරයක් එල්ලවී ඇති බව වාර්තා වෙයි.

මැතිවරණයේ ප්‍රචාරක කටයුතු සඳහා බොරලැස්ගමුව විශ්වවිද්‍යාල මාවතේ මෙම මැතිවරණ කාර්යාලය ආරම්භ කරනු ලැබුවේ පසුගිය 30 වනදා වන අතර මැර ප්‍රහාරය එල්ලවී ඇත්තේද එදිනම රාත්‍රියේය.

මැර ප්‍රහාරය හේතුවෙන් එම කාර්යාලයේ විදුලි ආලෝක උපකරණ වලට හානි සිදුව ඇති අතර අදාළ පහරදීම සම්බන්ධව බොරලැස්ගමුව පොලිසිය වෙත පැමිණිල්ලක්ද සිදුකොට ඇත.

එළඹෙන පළාත් පාලන මැතිවරණය ජාතික හෙළ උරුමය පක්ෂය නියෝජනය කරමින් එක්සත් ජාතික පක්ෂයේ නාමයෝජනා ලැබූ බන්දුල චන්ද්‍රසේකර මහතා 2015 ජනාධිපතිවරණයේදී පොදු අපේක්ෂකයාගේ ජයග්‍රහණය සහ යහපාලන ආණ්ඩුව පිහිටුවීම වෙනුවෙන් විශාල කාර්යභාරයක් ඉටුකළ අයෙකි. එසේම ජාතික හෙළ උරුමය පක්ෂයේ මධ්‍යම කාරකසභිකයකු ලෙසද ඔහු කටයුතු කරයි.

View the embedded image gallery online at:
http://newstube.lk/news?start=9936#sigProIdf508a54cd4

 newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

 

 

Comment (0) Hits: 930

පුංචි ජන්දයෙන් පසුව අලි ඇතුන් පුජාවක්

එළඹෙන පළාත් පාලන මැතිවරණයෙන් පසුව දිවයින පුරා වෙහෙර විහාර වෙත අලි ඇතුන් 70ක් පමණ බෙදාදීමට බුද්ධශාසන, තිරසර සංවර්ධන හා වනජීවී අමාත්‍යංශය තීන්දුකර ඇති බව වාර්තා වෙයි.

විහාරස්‌ථාන සහ දේවාල විසින් සිදුකර ඇති ඉල්ලීම් සලකා බැලීමෙන් පසුව අමාත්‍යංශය මෙම පියවර ගෙන ඇති අතර මේ දිනවල එම විහාරස්ථානවලට අලි ඇතුන් නඩත්තු කිරීමේ හැකියාවක් ඇත් දැයි සොයා බැලීමේ විශේෂ වැඩසටහනක් ක්‍රියාත්මක කර ඇති බවද වාර්තා වෙයි.

එසේම අලි ඇතුන්ගෙන් හා වන සතුන්ගෙන් මිනිසුන්ට සිදුවන හානි සඳහා ගෙවන වන්දි මුදල් වැඩි කිරීමටත් විදුලි වැට ක්‍රියාත්මක කිරීමටත් යොදවා ඇති සිවිල් ආරක්ෂක භටයන් ඉවත් කර එම අවස්ථාව අදාළ ප්‍රදේශ වල ජනතාවට පැවරීමටත් අමාත්‍යංශය තීරණය කර ඇති බවද වාර්තා වෙයි.

ඊට අනුව වන සතුන්ගෙන් සිදුවන හානිය හා වගා විනාශයන් වෙනුවෙන් ලබාදෙන වන්දි මුදල රුපියල් ලක්ෂ 05 දක්වා වැඩි කිරීමටත් වගා වන්දි සඳහා අක්කරයකට රුපියල් විසිපන්දාහ බැගින් ගොවිජන රක්ෂණ මණ්ඩලය මඟින් වන්දි මුදල් ලබාදීමට ද අමාත්‍යාංශය තීරණය කර තිබේ.

 සංචාරක ක්ෂේත්‍රය සඳහා යොදවා ඇති හීලෑ අලි ඇතුන්ගේ පිට මත මිනිසුන් 04 දෙනකු පමණක් රැගෙන යා හැකි බවත් දවසේ පැය කීපයක් මේ සතුන්ට නිදහසේ සිටීමට ඉඩ ලබාදෙන නීති පද්ධතියක් හඳුන්වා දීමට පියවර ගැනීමටද නියමිත බව වාර්තා වෙයි.

 newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

 

 

Comment (0) Hits: 801

යුධහමුදාපති “හිටපු මේජර් අජිත් ප්‍රසන්නගේ” රෙදි ගලවයි

යුධ හමුදාවේ සෙබළුන්ගේ ණය ගෙවීමේ ගැටලුව විසඳීම සඳහා ගෙන ඇති ක්‍රියාමාර්ගයක් මැතිවරණ අල්ලසක් බවට හඳුන්වාදීම දේශපාලන වාසියක් ලැබීමේ චේතනාවෙන් සිදුකරන ලද්දක් බව හමුදාපති මහේෂ් සේනානායක සඳහන් කරයි.

පසුගියදා බීබීසී සිංහල සේවය සමඟ සම්මුඛ සාකච්ඡාවකට එක්වෙමින් යුධහමුදාපතිවරයා මේ අදහස් පලකළ අතර එහිදී ඔහු වැඩිදුරටත් සඳහන් කර සිටියේ විශ්‍රාමික මේජර්වරයෙකු බුද්ධියකින් තොරව සිදුකරන මෙවැනි හැසිරීම් හේතුවෙන් අවසානයේ රණවිරුවන්ම දුෂ්කරතාවන්ට පත්වන බවත්ය.

එසේම අද වන විට මේජර් සහ කපිතාන් නිලයන් සහිතව විශ්‍රාම ගොස් සිටින ඇතැම් පාර්ශව එවැනි තත්වයකට පත්ව ඇත්තේ යුද්ධය සමයේ හරිහැටි රාජකාරි කිරීමට අපොහොසත්වීම නිසා බවත් ඔවුන් විනයක් ඇතිව නිසිලෙස රාජකාරි සිදුකළා නම් මේ වන විට මෙජර්ජනරාල් වැනි ඉහල නිලයකට පත්වීමට අවස්ථාව තිබු බවද යුධහමුදාපතිවරයා සඳහන් කර සිටියේය.

එසේම පසුගිය සමයේ හමුදා සෙබළුන්ගේ විශ්‍රාම වැටුප පදනම් කරගෙන ගෙනගිය උද්ඝෝෂණයද දේශපාලන වාසිපතා සුළුදෙනෙක් සංවිධානය කල දෙයක් බවත් එම ගැටළුව විසඳීම සඳහා විශ්‍රාම වැටුප් දෙපාර්තමේන්තුව ක්‍රියා කරමින් සිටියදී එය සිදුකල බවත් හමුදාපතිවරයා පැවසීය.

තමන් යුධ හමුදාපති වශයෙන් කටයුතු කරන සමයේ හමුදා නිලධාරීන්ගේ ණය ගෙවීමේ කටයුත්තේ පවතින අර්බුදය දැක ඒ සඳහා නිසි ක්‍රමවේදයක් සකස් කිරීමට අපේක්ෂා කළ බවත් එය තේරුම් නොගෙන කටයුතු කිරීම කණගාටුදායක බවද ඔහු පැවසීය.

පසුගියදා මාධ්‍ය හමුවක් පවත්වමින් හමුදා නිලධාරීන්ගේ ණය ගෙවීම ක්‍රමවත් කිරීම වෙනුවෙන් දියත්කර ඇති ක්‍රියාමාර්ගය තැපැල් ජන්දය වෙනුවෙන් ලබාදුන් මැතිවරණ අල්ලසක් බව සඳහන් කර සිටියේ විශ්‍රාමික මේජර් අජිත් ප්‍රසන්නය.

ඔහු මේ වන විට හිටපු ජනාධිපති මහින්ද රාජපක්ෂ සමඟ දේශපාලනය කරන අතර මව්බිම වෙනුවෙන් රණවිරුවෝ නම් සංවිධානයක්ද පිහිටුවාගෙන සිටියි.

 newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 845

දරුවන් රට පැටවීම ගැන ලියැවුනු “සිරිලක කඳුල” එලිදකී (වීඩියෝ)

දරුකමට හදා ගැනීමට විදේශ වෙත ලබා දුන් දරුවන්ගේ සහ එම මව්වරුන්ගේ දුක්ඛාන්තය ඇතුලත් පොතක් එළිදක්වා තිබේ.

ශ්‍රී ලංකාවේ ඉපිද නෙදර්ලන්ත ජාතික යුවළකට හදාවඩා ගැනීමට දුන් සන ෆන් රොසන් රචිත “සිරිලක කඳුල” (The Sadness of Sri Lanka) කෘතිය මොරිස් ඇම්බොම් විසින් සංස්කරණය කර ඇත.

3 3

සඳමාලි හෙවත් සන ෆන් රොසන් සිය වැදු මව්පියන් සොය ගිය ගමන සහ ශ්‍රී ලංකාවේ ළදරුවන් දසදහස් ගණනක් හොර රහසේ විදේශ වලට අලෙවි කිරීමේ ජාවාරම පිලිබඳව මෙම පොතෙහි ඇතුලත් බවයි අ‍ැය පවසන්නේ.

“මේ ගමනේදී මට ළදරුවන් හදාවඩා ගන්න දීමේ අඳුරු පැත්ත මුණ ගැසුණා. බොහෝ මව්වරුන්ට තම දරුවන් අතහැර දාන්න හෝ බොරු මවාපෑම් යටතේ අතහැර දැමීමට සිදුව තිබෙනවා” සන ෆන් රොසන් සිලෝන් ජර්නල්ස් හා කියා සිටියාය.

ලන්දේසි බසින් රචිත මෙම කෘතිය දෙසැම්බර් 20 වනදා නෙදර්ලන්තයේදී එළිදක්වා ඇති අතර එය ඉංග්‍රීසියට සහ සිංහල භාෂාවට පරිවර්තනය කිරිමට බලාපොරොත්තු වන බවද ඇය සඳහන් කළාය.

මෙහි මුල්ම කෘතිය පිරිනමා ඇත්තේ සන ෆන් රොසන්ගේ පුතු වන සෙම් හටය.

ළමා ගොවිපොළවල්

ශ්‍රී ලංකාවේ ළදරුවන් දසදහස් ගණනක් හොර රහසේ විදේශ වලට අලෙවි කිරීමේ ජාවාරමක් පවත්වාගෙන යන ලද බව රජය විසින් පිළිගෙන තිබුණි.

1980 ගණන්වල ශ්‍රී ලංකාව තුල නීති විරෝධී “ළමා ගොවිපොළවල්” පැවති බව අමාත්‍ය රාජිත සේනාරත්න සෙම්බ්ලා නෙදර්ලන්ත රූපවාහිනී වාර්තාමය වැඩසටහනකට හෙළි කර තිබු අතර එම කාල වකවානුවේ උපත ලැබූ බිලිඳුන් එකොලොස් දහසක් පමණ දරුකමට හදාවඩා ගැනීම සඳහා වංචනික ලෙස යුරෝපා රටවලට අලෙවි කිරීම සම්බන්ධයෙන් එම රූපවාහනි නාළිකාව කළ හෙලිදරව්වකින් පසුව විමර්ශනයක් ආරම්භ කිරීමට ශ්‍රී ලංකා රජය කටයුතු කරන බවද ඔහු ප්‍රකාශ කළේය.

1 2

ජේආර් ජයවර්ධන පාලනය පැවති ඒ වකවානුව තුල “බේබි ෆාම්” පවත්වාගෙන ගිය බවට රජයේ ඉහල පෙලේ බලවතුන්ට චෝදනා එල්ල වී තිබුනි.

ඒ සම්බන්ධයෙන් මේතාක් කිසිදු පරීක්ෂණයක් සිදු කර නොමැත.

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 766

'ලංකා ඊ නිව්ස්' තහනම ඉවත් කරන්න - PWJA ජනපතිට නොකියා කියයි !

ශ්‍රී ලංකාව තුල වෙබ් අඩවි කිහිපයකට පනවා ඇති තහනම ඉවත් කිරීමට කටයුතු කරන්නැයි වෘත්තීය වෙබ් මාධ්‍යවේදීන්ගේ සංගමය (PWJA ) ජනාධිපතිවරයාගෙන් ඉල්ලා සිටියි.

එම සංවිධානයේ ලේකම් කැලුම් ශිවන්ත මහතා එම ඉල්ලීම කරනු ලැබුවේ වෙබ් අඩවි සඳහා ආචාර ධර්ම පද්ධතියක් ප්‍රකාශයට පත්කිරිම වෙනුවෙන් පෙරේදා(29) කොළඹ ජැයික් හිල්ටන් හෝටලයේ පැවති විශේෂ උත්සවයේදීය.

මෙම අවස්ථාවට ජනාධිපති මෛත්‍රීපාල සිරිසේන මහතා හා මුදල් හා මාධ්‍ය අමාත්‍ය මංගල සමරවීර මහතා ද සහභාගී වී සිටියේය.

මේවනවිට 'ලංකා ඊ නිව්ස්' හා 'තමිල් නෙට්' වැනි විදේශයන්හි සිට පවත්වා ගෙන යන වෙබ් අඩවි කිහිපයකට ශ්‍රී ලංකාව තුල ප්‍රවිෂ්ඨවිමට බාධා පමුණුවා ඇත.

'ලංකා ඊ නිව්ස්' තහනම් කිරීමට එරෙහිව අදාළ වෙබ් අඩවිය විසින් කරන නොනවතින අරගලය හැරෙන්නට රට තුළ දැකිය හැකි විරෝධය බයාදු එකකි. වෘත්තීය වෙබ් මාධ්‍යවේදීන්ගේ සංගමයේ ප්‍රධානින් පවා ජනාධිපතිවරයා ඉදිරියේ 'ලංකා ඊ නිව්ස්' නම හෝ 'තමිල් නෙට්' නමින් ප්‍රකාශ නොකිරීමට ප්‍රවේශම් සහගතවිය.

SCP 6946

''නුතන සන්නිවේදන සමාජය තුල වාරණය හෝ අවහිරතා යථාර්ථයක් නොවේ..''

 වෘත්තීය වෙබ් මාධ්‍යවේදීන්ගේ සංගමයේ යෝජනා ඉදිරිපත් කරමින් සභාව ඇමතු එම සංගමයේ ලේකම්වරයා මෙසේ පැවසිය.

''පසුගිය ආණ්ඩු කාලයේදී වෙබ් අඩවි 8 ක් වාරණයට ලක්කර තිබුණා. 2015 ජනවාරි 09 වෙනිදා ඔබතුමාගේ මූලිකත්වයෙන් ඇරඹි යහපාලන ආණ්ඩුව විසින් මේ සියලු අවහිරතා මුදාහරිනු ලැබුවා.

නුතන සන්නිවේදන සමාජය තුල වාරණය හෝ එවැනි අවහිරතා යථාර්ථයක් නොවන බව අපගේ විශ්වාසයයි.

කෙසේවුවද මෑතකදී සිට වෙබ් අඩවි කිහිපයකට නැවත අවහිරතා ඇතිවී තිබෙනවා. අප ඔබතුමන්ගෙන් ඉල්ලා සිටින්නේ ප්‍රවෘත්ති වෙබ් අඩවි සඳහා පනවා ඇති එම අවහිරතා සම්බන්ධයෙන් සොයා බලා ඒවා නිදහස් කර මුදා හරින ලෙසයි.''

 වීඩියෝ

අනතුරුව සභාව ඇමතු ජනාධිපති මෛත්‍රීපාල සිරිසේන මහතා, නිවාඩු නැති ඕනෑම දිනයක “හිතවතුන්, මිත්‍රයන්, පන්දම්කාරයන්, බ්‍රෝකර්ලා” නොමැතිව පෙරවරුවේ තමන් මුණගැසීමට අවස්ථාව ඇතත්, වසර තුනක කාලයක් තිස්සේ බලයේ සිටි තමන් සමග ගැටළු සාකච්ඡා කිරීමට එම උත්සවය සංවිධානය කළ මාධ්‍ය සංගමය තමන් හමු නොවීම ගැන බලවත් සේ කණස්සල්ල පල කළේය.

උතුරේ මාධ්‍යවේදීන්ගේ අතුරුදහන්වීම් සහ ඝාතන පිලිබඳ පරීක්ෂණ සිදු නොවීම, මාධ්‍යවේදීන් අතුරුදහන් වීම සහ වෙබ් අඩවි සඳහා වෙළෙඳ දැන්වීම් ලබා ගැනීම ඇතුළු ප්‍රශ්න “විවෘතව සාකච්ඡා කළ හැකි” බව කී ජනාධිපතිවරයා ඒ සඳහා ලබන සතියේ තමන් හමුවන ලෙස එම සංවිධානයට ආරාධනාවක් ද කළේය.

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 965

පොලිසිය සොයන පාතාල 'සුජී'ගේ විවාහයට අත්සන් කල ඇමති ?

පාතල නායකයෙකු ලෙස සැලකෙන කොස්ගොඩ සූජී නමැත්තාගේ විවාහයට එහි සාක්ෂිකරුවෙකු වශයෙන් අත්සන් තබා ඇත්තේ, නීතිය හා සාමය සහ දක්ෂිණ සංවර්ධන රාජ්‍ය අමාත්‍ය පියසේන ගමගේ මහතා බව වාර්තාවේ.

ඒ, කොස්ගොඩ සුජී නොහොත් ජයමුණි සුජීව ද සොයිසා නමැත්තා අත්අඩංගුවට ගැනීම සඳහා ජාත්‍යන්තර පොලීසිය හෙවත් ඉන්ටපෝල් විසින් ඔහු දුටු තැන අත්අඩංගුවට ගන්නා ලෙස රතු නිවේදනයක්ද නිකුත් කර තිබියදීය.

කොස්ගොඩ සුජී නමැත්තාට බලපිටිය අධිකරණයේ අධිචෝදනා පත්‍ර ද ගොනුකර ඇති අතර ඔහු ඝාතන රැසකට සහ පාතාල ක්‍රියාකරකම් ගණනාවකට සම්බන්ධ බවට චෝදනා ලබා ඇත.

මේ අතර පියසේන ගමගේ රාජ්‍ය අමාත්‍යවරයාගේ පුත් රන්දිම ගමගේ මහතා සමග පාතාල සාමාජිකයෙකු වන මධුෂ් නමැත්තාද සබඳතා පවත්වා ඇති බව අනාවරණ වී තිබේ.

මාකඳුරේ මදුෂ් නොහොත් සමරසිංහ ආරච්චිගේ මධුෂ් ලක්ෂිත නමැත්තා කලක් ඔහුගේ නිවසේ නවාතැන්ගෙන සිටි බව වැඩිදුරටත් වාර්තාවේ.

මධුෂ් නමැත්තාද අත්අඩංගුවට ගැනීම සඳහා ජාත්‍යන්තර පොලීසිය හෙවත් ඉන්ටපෝල් විසින් නිල් නිවේදනද නිකුත් කර ඇත.

(නෙත් නිව්ස්)

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 936

යාපනයේ භූත කතා බොරු - සත්‍ය කතාව මෙන්න

යාපනයේ මරණ පැහැදිලි රෝගී තත්ත්වයන් හේතුවෙන් සිදුව ඇති බව හෙළි වෙයි.

යාපනය සහ මුලතිව් ප්‍රදේශවල පසුගිය මාස 03 ක පමණ කාලය තුල වාර්තා වූ මරණ පිළිබදව වසංගත රෝග විද්‍යා අංශයේ අධ්‍යක්ෂ අනිල් දිසානායක මහතාගේ මුලිකත්වයෙන් විධිමත් පරීක්ෂණයක් සිදු කර ඇති අතර එම විමර්ශණයට අනුව යාපනය ප්‍රදේශයේ මෙම කාලය තුල වාර්තා වී ඇති මරණ සියල්ලම පැහැදිලි රෝගී තත්ත්වයන් හේතු කොට සිදු වූ මරණ බවට තහවුරු කර ඇත.

මෙම මරණ සියල්ලම සායනිකව තහවුරු කළ විවිධ රෝගී තත්ත්වයන් හේතු වී ඇති බවට වෛද්‍ය සාක්ෂි ඇත.

තවද මෙම මරණ එකම පවුලක හෝ ඔවන්ගේ ඥාතීන් අතර සිදුව නැති බව ද තහවුරු වී තිබේ.

අදාල මරණ යම්කිසි හදුනා නොගත් හේතුවක් මත සිදු වී ඇති බවට පැතිර ඇති වාර්තා වල කිසිදු සත්‍යතාවයක් නොමැති බව විද්‍යාත්මකව තහවුරු කර ඇති බව සෞඛ්‍ය අමාත්‍යාංශයේ වසංගත රෝග විද්‍යා අංශය වැඩිදුරටත් සදහන් කරයි.

ඒ අනුව යාපනය ප්‍රදේශයේ භූත දෝෂයක් හේතුවෙන් එකම පවුලට අයත් පුද්ගලයින් 9 දෙනෙකු ජිවිතක්ෂයට පත්ව ඇති බවට පැතිර ඇති මාධ්‍ය වාර්තා අසත්‍ය බව තහවුරු වී ඇත.

 newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 808

ජාතිවාදි ආගම්වාදි අදහස් වලින් රට පාවා දෙනවා – බාහු (වීඩියෝ)

ජාතිවාදය සහ ආගම්වාදය මෙරට දරුණුතම වසංගතය වී ඇති බව පෙන්වා දෙන ප්‍රමුඛ පෙළේ වාමාංෂික නායකයෙකු එම අදහස් හරහා අධිරාජ්‍යවාදීන් හට රට පාවා දෙන බව පෙන්වා දෙයි.

වර්ගවාදී අපරාධ හරහා හැම විටම අධිරාජ්‍යවාදීන් හට අපව පාගා දැමීමට අවස්ථාව ලැබෙන බව මෙන්ම “අපට තහංචි දාලා අපිට යට කරන්න ඉඩ දෙන පැත්ත තමයි ඒ ජාතිවාදි ආගම්වාදි දේවල් කලහම අපිට කවුරුවත් සහායකට ගන්න බැහැ අපේ සමාජයම විනාශයට යනවා ” යි නව සම සමාජ පක්ෂ නායක ආචාර්ය වික්‍රමබාහු කරුණාරත්න කියා සිටි.

ජාතිවාදි ආගම්වාදී අදහස් බිඳදමින් සාධාරණ ප්‍රජාතන්ත්‍රවාදී ව්‍යවස්ථාවක් නිර්මාණය කර ගැනීම යුගයේ සටන් ඇරඹුම බව ආචාර්ය වික්‍රමබාහු කියා සිටියේ “නිර්ධන බලය ප්‍රජාතන්ත්‍රීය බහුජන අරගලය තුලින් ගොඩනඟමු” යන තේමාව යටතේ 29 සිකුරාදා කොළඹ දී මුළු දුන් නව සම සමාජ පක්ෂ 40 වන සංවත්සරයේ ප්‍රධාන දෙසුම පවත්වමිනි.

ප්‍රජාතන්ත්‍රවාදී අරගලය තුලින් නිර්ධනයින්ගේ බලය සඳහා ගමන් කල යුුතු යැයි පෙන්වා දුන් වාමාංෂික නායකයා ඒ සඳහා වෙනත් මාර්ග නොමැති බව අවධාරණය කළේය.

“ජාතිවාදියට විරුද්ධව ආගම්වාදය විරුද්ධව ඒකාධිපතිත්වයට විරුද්ධව තනි බලය තියෙන ජනාධිපති ධුර වලට විරුද්ධ වීම තුලින් පාර්ලිමේන්තුව ශක්තිමත් කිරිමෙන් සටනට දායක වන ප්‍රමාණයෙන් නිර්ධනයින්ට වැඩ කරන ජනතාවට ඉස්සරහට යන්න තියෙන්නෙ” යැයි ආචාර්ය බාහු කියා සිටියේය.

මහින්ට වඩා රනිල් අධිරාජ්‍ය විරෝධි

අධිරාජ්‍ය විරෝධි බව පෙන්වමින් හිටපු ජනපති මහින්ද රාජපක්ෂ විසින් මෙරට සියලු ජනයාගේ අයිතීන් විනාශ කරමින් අධිරාජවාදින්ට අත්‍යවශයම දේ සිදු කල බවටයි ඔහු චෝදනා කරන්නේ.

“මහින්ද රාජපක්ෂත් ආධිරාජ්‍ය විරෝධිය වුණා මිනිහා අධිරාජ්‍ය විරෝධී නමුත් මෙහෙ ඉඳගෙන සියලු ජන කොටස් වලට තියෙන අයිතිවාසිකම් නැති කළා එහෙම අධිරාජ්‍ය විරෝධියෙක්ගෙන් ඇති වැඩක් තියෙනවද” යි ආචාර්ය බාහු ප්‍රශ්න කරයි’

අධිරාජ්‍ය විරෝධය “බහුබුතයක්” වී ඇති බව ප්‍රකාශ කල නව සම සමාජ පක්ෂ නායක ආචාර්ය වික්‍රමබාහු කරුණාරත්න එසේ බැලුවහොත් රනිල් වික්‍රමසිංහද අධිරාජ්‍ය විරෝධි බවයි වැඩි දුරටත් කියා සිටියේය.

(ceylonjournals)

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 922

බැඳුම්කරයෙන් රජයට පාඩුවක් සිදුවෙලා !

2015 වසරේ ශ්‍රී ලංකා මහ බැංකුවේ සිදුව ඇතැයි කිය ප්‍රශ්නගත බැදුම්කර ගණුදෙනුවේදී රටට අලාභයක් සිදුව ඇතැයි ඒ සම්බන්ධයෙන් සොයා බැලීමට පත් කරන ලද ජනාධිපති විශේෂ විමර්ෂණ කොමිෂන් සභා වාර්තාවේ සඳහන් වන බව ඉතා විශ්වාසවන්ත කටයුතු ආරංචිමාර්ග වලින් 'නිව්ස් ටියුබ්' වෙත වාර්තාවේ.

ඊට වගකිවයුත්තන් ලෙස කිහිප දෙනෙකුගේම නම් සඳහන් වන බව එම ආරංචිමාර්ග වැඩිදුරටත් පවසයි.

කොමිසමේ සභාපති ශ්‍රේෂ්ඨාධිකරණ විනිසුරු කේ.ටී. චිත්‍රසිරි මහතා විසින් අද (30) දහවල් එම වාර්තාව ජනාධිපතිවරයාට පිළිගන්වා ඇති අතර කොමිසමේ ලේකම් එස්. උඩුගමසූරිය මහතා සහ එහි සාමාජිකයින් වන ශ්‍රේෂ්ඨාධිකරණ විනිසුරු පී.එස්. ජයවර්ධන, විශ්‍රාමික නියෝජ්‍ය විගණකාධිපති වී. කන්දසාමී යන මහත්වරුන් මෙම අවස්ථාවට එක්ව සිටියහ. ජනාධිපති ලේකම් ඔස්ටින් ප්‍රනාන්දු මහතා ද ඊට සහභාගී විය.

මෙම කොමිසම හමුවේ සාක්‍ෂි දුන් සාක්‍ෂිකරුවන් අතර අගමැති රනිල් වික්‍රමසිංහ, හිටපු ඇමති රවී කරුණානායක, ඇමති මලික් සමරවික්‍රම, ඇමති කබීර් හෂීම් මෙන්ම හිටපු මහ බැංකු හිටපු අධිපති අර්ජුන් මහේන්ද්‍රන් ද වෙති.

ජනාධිපතිවරයා මෑතකදී කියා සිටියේ වංචා දුෂණ කල ඕනෑම පැද්ගලයෙතු තරාතිරම නොබලා තමන්ගේ කඩුවට කැපී යනු ඇති බවයි.

bedumkara boook

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 1005

ගෝඨා ජනපති වන බව කී සුමනදාසට නාමල් බැන වදියි !

ප්‍රසිද්ධ දේශපාලනයට සම්බන්ධයක් නොමැති රාජපක්ෂ කෙනෙකු ජනාධිපති ධුරයට පත්වන බව ජාතික පුවත්පතකට ප්‍රකාශයක් කල ජෝතිෂ්‍යවේදී සුමනදාස මහතාට පාර්ලිමේන්තු මන්ත්‍රී නාමල් රාජපක්ෂ මහතා බැනවැදී ඇතැයි දේශපාලන ආරංචිමාර්ග පවසයි.

''මහින්ද රාජපක්ෂ මහතා සිටියදී වෙනත් රාජපක්ෂලා ගැන කියන්නේ ඇයි ? '' විමසා ඇති නාමල් රාජපක්ෂ මහතා, රාජපක්ෂ පවුල තුල අනවශ්‍ය ගැටුමක් ඇති නොකරන ලෙස සුමනදාස මහතාට තරවටු කර ඇතැයි ද එම ආරංචිමාර්ග පවසයි.

කෙසේවුවද පසුදිනම සුමනදාස මහතාට දුරකථන ඇමතුමක් ලබාදී ඇති පාර්ලිමේන්තු මන්ත්‍රී මහින්ද රාජපක්ෂ මහතා, '' සුමිත්, නාමල්ගේ කතා ගනන්ගන්න එපා '' යයි පවසා ඇතැයි ඉහත ආරංචිමාර්ග වැඩිදුරටත් කියා සිටියි.

රොෂාන් කී කතාව ?

මේ අතර පාර්ලිමේන්තු මන්ත්‍රී රොෂාන් රණසිංහ මහතා පවසන්නේ, 2020 වසරේදී පැවැත්වීමට නියමිත මීලග ජනාධිපතිවරණය සදහා ඒකාබද්ද විපක්‍ෂය නියෝජනය කරමින් ඉදිරිපත් වන්නේ ආරක්‍ෂක අමාත්‍යංශයේ හිටපු ලේකම් ගෝඨාභය රාජපක්‍ෂ මහතා බවයි.

ව්‍යවස්ථාව අනුව මහින්ද රාජපක්‍ෂ හිටපු ජනාධිපතිට නැවත ජනාධිපතිවරණයකට තරග කිරීම නොහැකි නිසා ගෝඨාභය රාජපක්‍ෂ මහතා ඊට තරග කරනු ඇති බවද ඔහු සදහන් කලේය.

මන්ත්‍රීවරයා මෙම අදහස් පල කරන ලද්දේ පොලොන්නරුවේදී පැවති ජනහමුවක් අමතමිනි.

newstube.lk  වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ  ප්‍රතිචාර This email address is being protected from spambots. You need JavaScript enabled to view it.යන විද්‍යුත් ලිපිනයට යොමුකරන්න.

Comment (0) Hits: 859

2018 ජනවාරි 01 සිට පොලිතින් තහනම්

එළඹෙන වසරේ ජනවාරි 01 වනදා සිට පොලිතීන් අලෙවි කිරීම සම්පුර්ණයෙන් තහනම් කිරීමේ නීතිය ක්‍රියාවට නගන බව මධ්‍යම පරිසර අධිකාරියේ ආරංචිමාර්ග සඳහන් කර සිටියි.

ඒ අනුව එදින සිට පොලිතින් අලෙවිකිරීම සම්බන්ධව සොයා බැලීම සඳහා රට පුරා වැටලීම් සිදු කිරීමට නියමිත බවද වාර්තා වෙයි.

මධ්‍යම පරිසර අධිකාරිය වෙනුවෙන් නිවේදනයක් නිකුත් කරන එහි කලමණාකාර අධ්‍යක්‍ෂ අජිත් වීරසුන්දර මහතා පවසන්නේ තහනම නොතකා කටයුතු කරන පුද්ගලයන්ට රුපියල් 10,000ක දඩ මුදලක් හෝ දෙවසරක සිර දඬුවම් නියම වනු ඇති බවය.

මෙම පොලිතීන් තහනමට අදාළ නීති ඇතුලත් ගැසට් නිවේදනය පසුගිය සැප්තැම්බර් මාසයේදී නිකුත් කර තුබූ අතර ජනතාව මුහුණදෙන දුෂ්කරතා සලකා බලා ඒ සඳහා මාස හතරක සහන කාල සීමවක් ලබා දී තිබූ බවද කළමනාකාර අධ්‍යක්ෂවරයා සඳහන් කර ඇත.

 

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට එයට ප‍්‍රතිචාර දැක්වීමට අදාළ පාර්ශ්වයට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

 

 

Comment (0) Hits: 783

බැඳුම්කර කොමිසමේ වාර්තාව ජනාධිපති අතට

ආන්දෝලනයට තුඩුදුන් බැඳුම්කර ගනුදෙනුව සම්බන්ධ පත්කළ ජනාධිපති බැඳුම්කර කොමිසමේ වාර්තාව අද (30) ජනාධිපති ලේකම් කාර්යාලයේදී ජනාධිපතිවරයා වෙත ලබාදී ඇති බව වාර්තා වෙයි.

එම අවස්ථාව සඳහා ජනාධිපති බැඳුම්කර කොමිසමේ සාමාජිකයන් තිදෙනාම සහභාගී වී ඇත.

ප්‍රශ්නගත බැඳුම්කර ගනුදෙනුව සම්බන්ධ ජනාධිපති කොමිසම හමුවේ අග්‍රාමාත්‍ය රනිල් වික්‍රමසිංහ, හිටපු අමාත්‍ය රවී කරුණානායක, අමාත්‍ය මලික් සමරවික්‍රම, අමාත්‍ය කබීර් හෂීම් ,හිටපු මහ බැංකු හිටපු අධිපති අර්ජුන් මහේන්ද්‍රන්, ඔහුගේ බෑණා වන පර්පෙචුවල් ට්‍රේෂරීස් හිමිකරු අර්ජුන් ඇලෝසියස්, එම සමාගමේ ප්‍රධාන විධායක නිලධාරී කසුන් පලිසේන, රාජ්‍ය නිලධාරීන් රැසක් සාක්ෂි ලබාදී ඇත.

එසේම ජනාධිපතිවරයා අවස්ථා ගණනාවකදී සඳහන් කර සිටියේ වංචා දුෂණ කල ඕනෑම අයෙකුට එරෙහිව තරාතිරම නොබලා ක්‍රියා කිරීමට තමන් පසුබට නොවන බවය.

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 891

හානියටපත් මුදල් නෝට්ටු හුවමාරු කර ගැනීමේ කාලසීමාව මාස 3 කින් දීර්ඝ කරයි

විකෘති කළ සහ හානියටපත් මුදල් නෝට්ටු බලපත්‍රලාභී වාණිජ බැංකු ශාඛාව වෙතින් හුවමාරු කර ගැනීමේ කාලසීමාව තවත් මාස 03 කින් දීර්ඝ කිරීමට ශ්‍රී ලංකා මහ බැංකුව තීරණය කර ඇති බව රජයේ ආරංචිමාර්ග සඳහන් කරයි.

ශ්‍රී ලංකා මහ බැංකුව මෙම තීරණය ගෙන ඇත්තේ අග්‍රාමාත්‍ය රනිල් වික්‍රමසිංහ විසින් ලබාදුන් උපදෙස් අනුවය.

අග්‍රාමාත්‍යවරයා මෙම උපදෙස් ලබාදී ඇත්තේ විකෘති කළ හෝ හානියටපත් මුදල් නෝට්ටු 2017 දෙසැම්බර් 31 වනදාට පෙර එනම් හෙට දිනයට පෙර හුවමාරු කරගැනීම අනිවාර්යවීමත් සමඟ වෙළඳපොල තුළ එම මුදල් නෝට්ටු හුවමාරු කරගැනීම වෙනුවෙන් ඇතිවූ තදබදය සහ ඒ තුළ සාමාන්‍ය ජනතාව දැඩි පීඩාවකට පත්ව ඇති බවට ලැබුණු පැමිණිලි සැළකිල්ලට ගැනීමෙන් පසුවය.

අද (30) දිනය වන විට වෙළඳ සැල්, ඉන්ධන හල් ඇතුළු බොහෝ ව්‍යාපාරික ස්ථාන ගනුදෙනු වලදී යන්තම් හෝ හානි වූ සහ විවිධ විකෘති කිරීම වලට ලක්වූ මුදල් නෝට්ටු භාරගැනීම ප්‍රතික්ෂේප කර ඇති අතර එවැනි මුදල් නෝට්ටු හුවමාරු කරගැනීම වෙනුවෙන් බැංකු තුළද දැඩි තදබදයක්ද ඇතිව තිබේ.

එම හේතුව මත බැංකුවල දෛනික කටයුතුවලටද බාධා පැමිණ ඇති අතර රට පුරා මතුව ඇති මේ තත්ත්වය පිළිබඳ newstube.lk වාර්තාකරුවන්ද තහවුරු කර සිටියේය.

ඒ අනුව විකෘති කළ හෝ හානියටපත් මුදල් නෝට්ටු 2017 දෙසැම්බර් 31 වනදාට පෙර හුවමාරු කරගන්නා ලෙසට මහ බැංකුව විසින් සිදුකළ දැනුම්දීම සංශෝධනය වන අතර ඒ සඳහා තවත් මාස 03 ක කාලයක් ලැබී ඇත.

මේ බව සඳහන් කරමින් රජයේ ප්‍රකාශකයකු සඳහන් කර සිටියේ අදාළ කාල සීමාව දීර්ඝ කර ඇති බැවින් අනවශ්‍ය ලෙස කළබල වියයුතු නැති බවත් නිදහසේ තමන් සන්තකයේ ඇති හානිවූ මුදල් නෝට්ටු හුවමාරු කරගැනීමට ජනතාවට අවස්ථාව ලැබී ඇති බවත්ය.

එසේම කාලසීමාව දීර්ඝ කර ඇති නිසා ගනුදෙනු වලදී ජනතාව දුෂ්කරතාවට පත් නොවන ලෙස කටයුතු කරන ලෙස වෙළඳ ප්‍රජාව වෙතින්ද ඉල්ලා සිටින බව එම ප්‍රකාශකයා අප වෙත පැවසීය.

newstube.lk වෙබ් අඩවියේ පළවන සියළු ප්‍රවෘත්ති සහ විශේෂාංග ආශ්‍රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්‍රතිචාර දැක්වීමට ඇති අයිතියට අපි ගරු කරමු. ඔබගේ ප්‍රතිචාර This email address is being protected from spambots. You need JavaScript enabled to view it. යන විද්‍යුත් ලිපිනයට යොමුකරන්න.

Comment (0) Hits: 792

මානව හිමිකම් නඩුවක් නිසා කුරුවිට රැඳවියෙකුගේ අතපය කුඩු

කුරුවිට බන්ධනාගාරයේ නිලධාරීන් සිදුකළ පහරදීමක් හේතුවෙන් බරපතල තුවාල ලැබූ රැඳවියෙකු රත්නපුර මහ රෝහලට ඇතුළත් කර තිබේ.

ජීවානන්ද රාජපක්ෂ නම් මෙම රැඳවියා සඳහන් කරන ආකාරයට ඔහු සහ බන්ධනාගාරයේ තවත් රැඳවියෙකු සමඟ ඇතිවූ බහින්බස් වීමකින් පසුව මෙම පහරදීම සිදුකර ඇත.

එසේම මීට පෙරද කුරුවිට බන්ධනාගාර අධිකාරී ඇතුළු පිරිසක් තමන්ට පහරදුන් බවත් ඒ සම්බන්ධව ගොනුකර ඇති මානව හිමිකම් නඩුව හේතුවෙන් බන්ධනාගාර පාලනාධිකාරිය තමන්ගෙන් පළිගනිමින් සිටින බවද ඔහු සඳහන් කර සිටියි.

රෝහල් ආරංචිමාර්ග සඳහන් කරන ආකාරයට මෙම පහරදීම හේතුවෙන් රැඳවියාගේ අත් සහ පාද බිඳීගොස් ඇත.

ජීවානන්ද රාජපක්ෂ නම් මෙම රැඳවියා සිරභාරයට පත්ව ඇත්තේ බෝම්බයක් ළඟ තබා ගැනීම, යුතු ලෙස පුද්ගලයෙකු නිවසේ සිරකරගෙන සිටීම සහ පොලිස් නිලධාරීන්ගේ රාජකාරියට බාධා කිරීම සම්බන්ධවය.

එසේම මෙම සිදුවීම පිළිබඳ පැමිණිල්ලක් පුනරුත්ථාපන සහ බන්ධනාගාර ප්‍රතිසංස්කරණ අමාත්‍යංශය වෙත ලැබී ඇති බවත් ඊට අදාළ විමර්ශනයක්ද මේ වන විට ආරම්භ කර ඇති බව එම අමාත්‍යංශ ආරංචිමාර්ග සඳහන් කර සිටියි.

Comment (0) Hits: 811

මන්ත්‍රි සොයුරෙක් පොහොර වංචාවක

රජය මඟින් සහනාධාර යටතේ ලබාදෙන පොහොර එජාප පාර්ලිමේන්තු මන්ත්‍රිවරයකුගේ සොහොයුරකු විසින් වැඩි මිලට අලෙවි කරමින් සිටින බවට තොරතුරු ලැබී ඇතැයි දූෂණ විරෝධී හඬ හෙළිදරව් කරයි.

එම සංවිධානයේ කැඳවුම්කරු, වසන්ත සමරසිංහ මහතා පැවසුවේ රජයේ සහනාධාර යටතේ ලබාදෙන රුපියල් 2,500ක පොහොර මිටියක් රුපියල් 2,700 - 2,800 මිල ගණන්වලට එජාප මන්ත්‍රිවරයාගේ සහෝදරයා විසින් අලෙවි කරන බවට තහවුරු වී ඇති බවයි.

එජාප මන්ත්‍රිවරයාගේ සොහොයුරාට අයත් මැදිරිගිරියේ වෙළෙඳසලක මේ පොහොර මිටි තොග වශයෙන් ගබඩා කර ඇති බව දැනගන්නට ලැබී ඇතැයි පවසන සමරසිංහ මහතා, මෙකී පොහොර ජාවාරමට තවත් දේශපාලනඥයන් සහ ඔවුන්ගේ හිතවතුන් හවුල් වී ඇති බව කියා සිටියේය.

සුදුසුකම් නොමැති තීන්ත සමාගමකට පොහොර ගෙන්වීමට කෘෂිකර්ම අමාත්‍යාංශය ලබාදුන් ටෙන්ඩරය අවලංගුවීමෙන් මෙවැනි අර්බුදයක් හටගෙන ඇති බවත් ඒ හේතුවෙන් රජයේ සහ වෙනත් සමාගම්වලින් පොහොර වැඩි මිලට විකිණීම දිගින් දිගටම සිදුවන බවත් ඒ මහතා වැඩිදුරටත් කීය.

Comment (0) Hits: 870

Page 553 of 564