Language Switcher

V2025

ඕස්ට්‍රේලියානු උප අගමැති ඉල්ලා අස්වෙයි

ඕස්ට්‍රේලියානු උප අගමැති බානබි ජොයිස් සිය ධුරයෙන් ඉල්ලා අස්වන බව ප්‍රකාශ කර තිබේ. මීට සති දෙකකට පමණ පෙර උප අගමැතිවරයාට සිය කාර්ය මණ්ඩලයේ හිටපු සාමාජිකාවක සමග ලිංගික සබඳතාවක් පැවැත්වූ බවට චෝදනා එල්ල විය.

බානබි ජොයිස් තම ඉල්ලා අස්වීම ප්‍රකාශයට පත්කරමින් පවසා ඇත්තේ ලබන සඳුදා දින රජයේ පාර්ශවකරුවෙකු වන ජාතික පක්ෂයේ නායකත්වයෙන් මෙන්ම අගමැති ධූරයෙන්ද ඉල්ලා අස්වන බවයි.

උප අගමැතිවරයාගේ සිය කාර්ය මණ්ඩල සේවිකාවක සමඟ තිබූ රහස් සම්බන්ධය සහ ඇය ඒ හේතුවෙන් ගැබිණියක් බව හෙළිදරව් වීම නිසා සති දෙකක පමණ කාලයක් ඕස්ට්‍රේලියානු දේශපාලනයේ විශාල කැළඹීමක් ඇතිව තිබේ.

මේ හේතුවත් සමඟ සිය කැබිනට් මණ්ඩලයේ අමාත්‍යවරුන්ට ඔවුන්ගේ කාර්ය මණ්ඩලයේ සේවකයන් සමග ලිංගික පහස ලැබීම තහනම් කරන බව ඕස්ට්‍රේලියාවේ අගමැති මැල්කම් ටර්න්බුල් පසුගිය සතියේ මාධ්‍ය හමුවක් අමතා පවසා තිබුණි.

මෙම නිවේදනය නිකුත් කිරීමෙන් සුළු මොහොතකට පසු නිවේදනයක් නිකුත්කරමින් ඕස්ට්‍රේලියානු අගමැතිවරයා බානබි ජොයිස්ගේ තීරණය පිලිබඳ ස්තුතී කර තිබේ.