Language Switcher

V2025

එක් ඩෙල්ටා ආසාදිතයෙක් නිසා නවසීලන්තය නැවතත් ලොක්ඩවුන්

නවසීලන්තයේ ඕක්ලන්ඩ් නගරයෙන් ආසාදිතයෙකු වාර්ත වීමත් සමග සමස්ත රටම ලොක්ඩවුන් කිරීමට තීරණය කළ බව අග්‍රමාත්‍ය ජසින්ඩා අර්ඩ්න් පවසයි.

එම ආසාදිතයා අද (17) හමුවී ඇති අතර අදාල පුද්ගලයාට ආසාදනය වී තිබෙන්නේ ඩෙල්ටා ප්‍රභේදය බව හඳුනාගෙන තිබේ.

ඒ අනුව රටපුරා සිව්වැනි තත්ත්වයේ අගුලු දැමීමක් ප්‍රකාශයට පත්කර ඇති අතර, අවම වශයෙන් දින තුනක්වත් එය බලපැවැත්වෙනු ඇති බවයි වාර්තා වෙයි. ආසාදිතයා වාර්තා වූ ඕක්ලන්ඩ් නගරය ඇතුළු ප්‍රදේශය සතියක කාලයක් සඳහා වසා තබනු ඇත.

අගමැතිනිය ප්‍රවෘත්ති සාකච්ඡාවක් පවත්වා පවසා ඇත්තේ වෛරසයේ වේගය පාලනය කිරීමට සහ පැතිරීම පාලනය කිරීමට ඉතා ඉක්මනින් පියවර ගතයුතු බවත් ඒ අනුව රටම වසාදමා ‍පැතිරීම පාලනය කිරීමට කටයුතු කරන බවත්ය.

පාසල්, කාර්යාල, ව්‍යාපාරික ස්ථාන, පොදු ස්ථාන සියල්ල වසා දැමීමට තීරණය කර ඇති අතර අත්‍යවශ්‍ය ආහාර අලෙවිසැල් පමණක් විවෘතව තැබෙනු ඇත.

කොවිඩ් වසංගතය ලොවපුරා ව්‍යාප්ත වීමත් සමග නවසීලන්ත බළධාරීන් අවස්ථා කිහිපයකදී ඉතා සාර්ථකව වසංගතය මැඩපැවැත්වීමට සමත් වූ අතර විශේෂයෙන් නවසීලන්ත අගමැතිනියගේ ක්‍රියාකලාපය කැපී පෙනිණි.

මේ නිසා කෙ‍ාවිඩ් වසංගතයෙන් එරටට සිදු වූ හානිය ඉතා අවම වූ අතර ඒ පිළිබඳව ලොව බහුතරය‍කගේ ප්‍රසාදය හිමිව තිබේ.

Leave your comments

Post comment as a guest

0
Your comments are subjected to administrator's moderation.
terms and condition.
  • No comments found