විශේෂාංග

කොටුව පොලිස් බල ප්‍රදේශයේ හෝටල් සංකීර්ණයක රැදී සිටිමින් පරිඝණක ඔස්සේ යම් අපරාධ සිදු කරන බවට සැක පිට අත්අඩංගුවට ගෙන රක්ෂිත බන්ධනාගාර ගත කර සිටි  චීන ජාතිකයන් දෙදෙනා දැඩි ඇප කොන්දේසි මත මුදා හරින ලෙස කොටුව මහේස්ත්‍රාත් පසන් අමරසේන නියෝග කළේ ය.

සැකකරුවන් සම්බන්ධයෙන් පෙනී සිටි නීතිඥ මඩුල්ල සිදු කළ ඇප ඉල්ලීම සලකා බැලීමෙන් අනතුරුව මහේස්ත්‍රාත්වරයා මෙම නියෝගය සිදු කළේය.

සැකකාර චීන ජාතිකයන් දෙදෙනා රුපියල් ලක්ෂ පනහ බැගින් වූ ශරීර ඇප දෙකක් මත මුදා හරින ලෙස නියෝග කළ මහේස්ත්‍රාත්වරයා සැකකරුවන් ගේ විදේශ ගමන් තහනම් නියෝගයක් නිකුත් කළේ ය.

සැකකරුවන් ගේ ලැප් ටොප් සහ දුරකථන වාර්තා මෙතෙක් ලැබී නැතැයි පොලීසිය අධිකරණයට දන්වා සිටියේය.

නඩුව වැඩිදුර වාර්තා සදහා ලබන ජූලි 13 කැඳවන ලෙස නියෝග කෙරිණි.