ගොසිප්

කලහකාරි ගම්වැසියන් පිරිසක් විසින් ඉන්දුනීසියාවේ බටහිර පැපුවාහි පිහිටි රක්ෂිත භූමියක සිටි කිඹුලන් තුන්සියයකට ආසන්න ප්‍රමාණයක් මරාදමා තිබෙන බව විදෙස් මාධ්‍ය වාර්තා කරයි.

ගම්වැසියෙක් එම රක්ෂිත භුමියට ඇතුල් වී ඇති අවස්ථාවේ කිඹුල් ප්‍රහාරයකින් මිය ගොස් ඇත. ඒ හේතුවෙන් කෝප වූ ගම්වැසියන් අනෙක් කිඹුලන් මැරීමට යොමු වී තිබේ.

මේ ආකාරයට කිඹුලන් මැරීම වැළැක්වීමට නොහැකි වූ බව එරට පොලිසිය හා බලධාරීන් පවසන අතර ගම්වැසියන් බොහෝ දෙනෙක් මේවනවිට චෝදනාවට ලක් වී සිටින බවයි විදෙස් මාධ්‍ය වාර්තා කරන්නේ.

කිඹුලා ආරක්ෂිත සත්ත්වයෙක් ලෙස ඉන්දුනීසියාවේ හඳුන්වන අතර කිඹුලා මැරීම අපරාධයක්  ද වෙයි. ඒ අනුව එරට නීතියට අනුව  එසේ කරන පුද්ගලයන් සඳහා දඩයකට හා සිරගත කිරීමටකට යටත් කළ හැකි වෙයි.

රක්ෂිතයට ඇතුල් වූ ගැමියා රක්ෂිතයේ අභිජනන කළාපයේ ආහාරය සඳහා අමුද්‍රව්‍ය රැස්කරමින් සිටින අතරතුරදී කිඹුලාගේ ප්‍රහාරයට ලක් වී ඇත.

ඉන්දුනීසියාවේ ස්වභාවික සම්පත් සංරක්ෂණ ආයතනයේ, බටහිර පැපුවාහි ප්‍රධානියා සඳහන් කරන්නේ වැඩ කරන කෙනෙකු හට උදව් ඉල්ලා කෑ ගසන හඬක් ඇසී ඇති අතර ඒ අවස්ථාවේදී ක්ෂණිකව ඒ දෙසට ගිය විට කිඹුලෙකු පුද්ගලයකුට පහර දෙන අයුරු දැක ඇති බවයි.

මේ අවස්ථාව දුටු ගැමියන් කෝප වී තියුණු ආයුධ ඇතිව රක්ෂිතයට ඇතුළු වී කිඹුල් ගොවිපලේ කාර්යාලයට පහර දුන් බවත් පසුව රක්ෂිතයේ සිටි සියලුම කිඹුලන් 292ක් ඝාතනය කළ බවත් විදෙස් මාධ්‍ය වාර්තා කරයි.

මෙම ගොවිපොළ සංරක්ෂණ අරමුණු ඇතිව පවත්වාගෙන යන ලද කිඹුලන් බෝකිරීමේ බලපත්‍ර සහිත මධ්‍යස්ථානයක් බවත් සඳහන් වෙයි.

ජනප‍්‍රිය සංගීත කණ්ඩායමක ගායන ශිල්පිනියක් හා රූපලාවන්‍ය ශිල්පිනියක් විදෙස්ගතව සිට ආපසු මෙරටට පැමිණෙන විට  ගුවන් තොටුපල රේගු නිලධාරීන් විසින් අත්අඩංගුවට ගෙන ඇත.

ඒ ඔවුන්  PowerBank වල සගවාගෙන නීති විරෝධී ලෙස රත‍්‍රන් ගෙනඒම නිසාය.

ගෙන ලද රත‍්‍රන් කිලෝ දෙකක් වන අතර එහි වටිනාකම රුපියල් එක්කෝටි තිස්හය ලක්‍ෂයක් පමණ වෙතැයි තක්සේරු කර ඇත.

ඩුබායි සිට පැමිණි ගුවන් යානයක මොවුන් දෙදෙනා කටුනායක ගුවන් තොටුපලට පැමිණ ඇත.

ඕස්ට්‍රේලියාවේ කෝටිපති ව්‍යාපාරිකයකු වන ජේම්ස් පැකර් සිය ව්‍යාපාරවලින් මුළුමනින්ම ඉවත් වීමට තීරණය කර තිබේ. 

විදෙස් මාධ්‍ය පෙන්වා දෙන්නේ ජේම්ස්  පැකර් පසුගිය කාලය තුළ මුහුණ දුන් ගැටළු රාශියක් හේතුවෙන් දැඩි මානසික ආතතියකට පත්ව තිබීම හේතුවෙන් මෙසේ  සියලු ආයතනවලින් ඉවත් වීමට තීරණය කර ඇති බවයි.  

ක්‍රවුන්  රිසෝර්ට් කැසිනෝ අධිරාජ්‍යයේ (board of casino operator Crowns Resorts)  හිමිකරු වූ පැකර් ඒ  අධිරාජ්‍යයෙන් ඉවත්වී  දැනට මාස හතරක් පමණ ගතවූ අවස්ථාවේ මෙම තීරණය ගෙන ඇත. 

කොන්සොලිඩේටඩ් පෝස් හෝල්ඩිංස් මණ්ඩලයේ 47%ක කොටස් හා එක්සත් ජනපද දේපල වෙබ් අඩවිය වන සිලෝව්, Zillow ආසියානු ඔන්ලයින් රැකියා වෙළඳපොල වන ෂාපින් Zhaopin, ඕස්ට්‍රේලියානු විලාසිතා කණ්ඩායමක් වන PrettyGirl හා විවිධාකාර වූ වත්කම් ද ඔහු සතුව ඇත. 

කෙරී පැකර් නම් සුප්‍රකට ව්‍යාපාරිකයෙකුගේ පුත්‍රයා ද  වන ජේම්ස් පැකර් 50 වන වියේ පසුවෙයි.            

රාජකීය විවාහය සමඟින් නිර්මාණය කෙරුණු ටෙලි චිත්‍රපටය ගැන මේ දිනවල බොහෝ දෙනෙකුගේ අවධානය දිනා ඇත.

Harry & Meghan: A Royal Romance නම් වූ එය  බංග්ලාදේශ ජාතික අධ්‍යක්ෂ මෙනාජ් හූදා විසින් අධ්‍යක්ෂණය කර ඇති අතර එහි ස්කොට්ලන්ත ජාතික නළු මුරේ ෆ්‍රේසර්, හැරි කුමරු ලෙසත් ජැමෙයිකානු සම්භවයක් සහිත‍ අමෙරිකානු නිළි පරීසා ෆිට්ස් හෙන්ලේ මේගන් මාර්කල් ලෙසත් චරිත නිරූපණය කරනු ලැබේ.

පැය එකයි මිනිත්තු විසිපහක ධාවන කාලයකින් යුතු Harry & Meghan: A Royal Romance චිත්‍රපටය අමෙරිකාවේ සහ බ්‍රිතාන්‍යයේ රූපවාහිනි නාලිකාවල විකාශය කර ඇත.

මෙහි  දිවියෙන් සමුගෙන ගිය ඩයනා කුමරියගේ චරිතය නවසීලන්ත ජාතික නිළි බොනී සෝබර් විසින් ඉදිරිපත් කර ඇත.

වැටී තිබෙන සංචාරක කර්මාන්තය නැංවීම සඳහා නැගෙනහිර ලෙබනනයේ බ්‍රොම්මානා නමැති නගරයේ පොලිස් කාන්තාවන්ගේ නිල ඇඳුම වෙනස් කිරීමට එහි නගරාධිපතිවරයා තීරණය කර ඇති බව විදෙස් මාධ්‍ය වාර්තා කරයි.

ඒ අනුව බ්‍රොම්මානා නගරාධිපති පියේ අච්කාරා යෝජනා කර ඇත්තේ  පොලිස් කාන්තාවන්ගේ නිල ඇඳුම  කළු පැහැති කොට කලිසමකින් සහ රතු පැහැති තොප්පියක් ඇතුළත් කිරීමය.

නගරාධිපතිවරයා සඳහන් කර ඇත්තේ බ්‍රොම්මානා නගරයට සංචාරකයන් පැමිණීමේ ප්‍රතිශතය සියයට 99 කින් පහළ වැටී ඇති හෙයින් තමන් මෙම යෝජනාව ගෙනා බවය.

නමුත් නගරාධිපතිවරයාගේ මේ යෝජනාවට එරට දැඩි විවේචනයක් ඉදිරිපත්ව ඇති බවද වාර්තා වෙයි.

නවසීලන්ත ජාතික කාන්තා ක්‍රිකට් කණ්ඩායමේ සාමාජිකාවන් දෙදෙනෙකු වන amy satterthwaite සහ  lea tahuhu සමලිංගික විවාහයක් සිදුකරගෙන ඇති බවට විදෙස් මාධ්‍ය වාර්තා කරයි.

නවසීලන්තයේ සිදුව ඇති මේ විවාහය පසුගියදා ප්‍රසිද්ධ වුවත් වසරකට අධික කාලයක් තිස්සේ ඔවුන් එකට ජීවත්වූ බවද එම වාර්තා සඳහන් කර තිබෙනවා.

amy satterthwaite නවසීලන්ත කාන්තා ක්‍රිකට් කණ්ඩායම සතු දක්ෂතම පිතිකාරිනියක් වන අතර  lea tahuhu සැළකෙන්නේ එම කණ්ඩායම සතු දක්ෂතම වේග පන්දුයවන්නිය ලෙසය. ඇය සාමාන්‍යයෙන් පැයට කිලෝමීටර් 125 ක වේගයකින් පන්දු යැවීමට සමත්. 

එසේම අන්තර් ජාතික ක්‍රිකට් පිටියේ එකම කණ්ඩායමක  සිටින එකම විවාපත් යුවල ලෙසද සැළකෙයි.

පාපන්දු ලෝක කුසලානයේ ජපානය සහභාගි වන තරග ප්‍රතිඵල නිවැරදිව පුරෝකථනය කර ප්‍රසිද්ධියට පත් බූවල්ලෙකු ඝාතනය කර සෂිම් නම් ආහාරය සාදා රාත්‍රී භෝජන සංග්‍රහයක් සදහා යවා ඇති බව විදෙස් මාධ්‍ය වාර්තා කරයි.

හොකීඩෝහි ඔබීරා හි හොකයිඩෝහි අල්ලාගත් දැවැන්ත පැසිෆික් මෙම බූවල්ලා “රේබීයෝ” යන නාමයෙන් හදුන්වා ඇති අතර ප්‍රාදේශීය ධීවරයෙක් වන ‘කිමියෝ අබේ’ රේබීයෝගේ හිමිකරුය.

ඔහු විදෙස් මාධ්‍ය වෙත පවසා ඇත්තේ ආහාර සඳහා රේබීව විකිණීමෙන් වැඩි මුදලක් ලබා ගත හැකි බැවින් තම ජීවනෝපාය මාර්ගය බූවල්ලාගෙන් ලැබුණ කීර්තියට වඩා වැදගත් බවයි.

රේබීයෝ නම් වූ මොලුස්කාව, වීදුරු බඳුනක් තුළට දමා අනාවැකි පළකිරීම පිළිබද අත්හදා බැලීම් කිරීමෙන් පසු අධ්‍යාත්මික බලයක් ඇතැයි විශ්වාස කර ඇත.
 
ජපානය පාපන්දු කණ්ඩායම කොලොම්බියාව පරාජය කර ලැබු ජයග්‍රහණය මෙන්ම ජල තටාකයේ විවිධ ස්ථානවලට පිහිනීමෙන් ජපානය, සෙනෙගාලය සමග පැවති තරගය ජය පැරදුමෙන් තොරව අවසන් වන බවට ද අනාවැකි පළ කර තිබුණි.

රේබියෝ නම් බූවල්ලාට අනාවැකි පළ කිරීම සදහා ජල තටාකය තුළට ආහාර කට්ටල තුනක් දමා තිබුණි. 2010 වසරේ ජර්මනියේ සිටි “පොල්” නමැති බූවල්ලෙකු ද මෙවන් අධ්‍යාත්මික බලයක් ඇතැයි විශ්වාස කරමින් පාපන්දු තරග හයක් පිළිබද අනාවැකි පළ කර ප්‍රසිද්ධියට පත්ව ඇත.
 බිලේෂා පරණගේ

ශාන්ත ජෝර්ජ් දේවස්ථානයේ කැන්ටබරි හි අගරදගුරු ජස්ටින් වෙල්බිගේ ප්‍රධානත්වයෙන්  පැවති  හැරී කුමරු සහ මේගන්  මාකල් විවාහයෙන් පසුව වින්ඩ්සර් නගරය වටා සංචාරය කර ඇත.

මෙහිදී නව යුවල දැකගැනීම සඳහා  120,000 කට අධික පිරිසක්  වින්ඩ්සර් නගරයට රැස්ව සිටි බව විදෙස් මාධ්‍ය වාර්තා සඳහන් කරන අතර පළමුව වින්ඩ්සර් මාලිගයේ ශාන්ත ජෝර්ජ් දේවස්ථානයේ පැවති විවාහ  උත්සවයෙන් අනතුරුව නව යුවල මුලින්ම මාලිගය පරිශ්‍රයේ රැස්ව සිටි ආරාධිත සෙනග අතරින් 'ඇස්කොට් ලන්ඩෝ' වර්ගයේ අශ්ව කරත්තයක නැගී සංචාරය කර ඇත.

නව යුවල රැගත් අශ්ව කරත්ත පෙළ වින්ඩ්සර්  නගරයේ සංචාරය කර තිබෙන්නේ  ඉන් අනතුරුවය.

 පහත පළවන්නේ එම විවාහයේ අවස්ථා කිහිපයකි.

අභාවප්‍රාප්ත සුපිරි පොප් ගායක මයිකල් ජැක්සන්ගේ පියා වන ජෝ ජැක්සන් මියගොස් ඇත.

පිළිකා රෝගී තත්ත්වයකින් පීඩා විදි ඔහු මියයනවිට 89 වන වියේ පසුව තිබේ.  

ජෝ ජැක්සන් ප්‍රසිද්ධ පොප් ගායිකා ජෙනට් ජැක්සන්ගේද පියා වෙයි.

"ලොව පුරා ජනප්‍රිය වූ තරු බිහිකිරීමට තමන් වාසනාවන්ත වීම පිළිබඳව ආඩම්බර වන බව ඔහු මියයාමට පෙර සඳහන් කර ඇති බවද විදෙස් මාධ්‍ය වාර්තාවල සඳහන් වෙයි.

බ්‍රිතාන්‍යයේ හැරී කුමරුගේ සහ මේගන් මාකල්ගේ රාජකීය විවාහ උත්සවය අද (19) බ්‍රිතාන්‍යයේ ශාන්ත ජෝර්ජ් දේවස්ථානයේදි පැවැත්වීමට නියමිතව ඇත.

අයහපත් සෞඛ්‍ය තත්ත්වය හේතුවෙන් මේගන් මාකල්ගේ පියා විවාහයට සහභාගී නොවන බවද වාර්තා වෙයි. 

මනාලියගේ පාර්ශවයෙන් ඇය දේවස්ථානය වෙත රැගෙන ඒම බ්‍රිතාන්‍ය ඔටුන්න හිමි චාර්ල්ස් කුමරු විසින් සිදුකිරීමට නියමිතව ඇති අතර  හැරී කුමරුගේ වැඩිමහල් සොහොයුරු විලියම් කුමරුගේ තුන් හැවිරිදි දියණිය චාලට් කුමරිය මල් කුමරියක ලෙසත් ඇයගේ වැඩිමහල් සොහොයුරු සිව් හැවිරිදි ජෝර්ජ් කුමරු මල් කුමරෙකු ලෙසත් පෙනී සිටිමට නියමිත බවද විදෙස් මාධ්‍ය වාර්තාවල සඳහන්ව ඇත.

එසේම මෙම විවාහ උත්සවය සඳහා කිසිඳු දේශපාලනඥයකු ට ආරාධනා කර නොමැති බවත් වින්ඩ්සර් මාලිගයේ  දී පැවැත්වෙන සාදය සඳහා ආරාධිතයින් 600 දෙනෙකු සදහා ආරධනා ලැබී තිබෙන බවද වාර්තා වන අතර සාමාන්‍ය ජනතාව අතුරින් 2000කට පමණ ද ඒ සඳහා අවස්ථාව හිමිව ඇති බව වාර්තා වෙයි.

Fill T  විසින් අන්තර්ජාලයට මුදා හැර ඇති "මල්ලී" නම්  ගීත වීඩියෝව කෙරෙහි  සමාජ ජාලාවන්හි දැඩි අවධානයක් යොමුව ඇත.

නිරුවත හා ලිංගිකත්වය ඉතා වැඩි වශයෙන් යොදා ගනිමින් නිර්මාණය කර ඇති මෙම වීඩියෝවට දැඩි විවේචන එල්ල වුවද දින දෙකක කාලය තුලදී ශ‍්‍රී ලංකාවේ

You tube අංක එකේ පිවිසුම් ඇති වීඩියෝව බවට පත්ව ඇත.

noize tv  හරහා මෙම  වීඩියෝව අන්තර්ජාලය වෙත මුදාහැර තිබේ.

එම වීඩියෝව පහතින් :

කිරි එළදෙනුන්ගේ තන බුරුල්ලේ හට ගන්නා දැඩි වේදනාකාරී තත්වය මග හැරීම සඳහා පැරණි කාන්තා තනපටයක් ඇන්දවූ අවස්ථාවක් පිළිබඳ ස්කොට්ලන්තයෙන් වාර්තා විය.

එළදෙනුන්ගේ තන බුරුල්ලේ හටගන්නා එම වේදනාකාරී තත්ත්වය 'මැක්ටිටීස්' ලෙස හැඳින්වේ.

තමන්ගේ එළදෙනක් එම තත්වයට පත්ව වේදනාවට ලක්වීමෙන් වලක්වා ගැනීම සඳහා ස්කොට්ලන්තයේ ජීවත් වන ගොවි යුවලකට අයත් මෙම අපූරු අදහස පහළ වී ඇත.

ගව පැටවා කිරි උරා බොන්නේ තන බුරුල්ලේ ඉදිරි කොටසින් නම් පසුපස කොටසට කිරි එකතු වීමෙන් එළදෙනට දැඩි වේදනාවක් ගෙන දෙයි.

කිරි උරා බොන කොටස හැර අනෙක් කොටස වැසෙන සේ තනපටයක් ඇන්දවීමෙන් තන බුරුල්ලට ඇති වන පීඩනය අවම කිරීම සඳහා මෙසේ තනපටක් භාවිත කළ හැක.

ගොවි යුවලගේ තවත් මිතුරු ගොවියකු වන ඩොනල්ඩ් රොස් මේ පිළිබඳ ඡායාරූප බෙදාහැර තිබේ.

"මම කැමතියි ගොවි ජනයා සමග අලුත් අදහස් හුවමාරු කරගන්න," රොස් පැවසීය.

"මෙම ක්‍රියාවේ පොඩි හාස්‍යඋත්පාදක ස්වරූපයක්ද දකින්න පුළුවන්."

"තනපටයක් ඇන්දවීමෙන් බලාපොරොත්තු වන්නේ එළදෙන සුව පහසුව සිටීමයි. තනපටයකට භාවිත කරන රෙදි ඉතා මෘදුයි. එයට රබර් පටියක් එක්කොට එළදෙනගේ බඳ වටා සවි කරනවා," යැයි රොස් තවදුරටත් පැවසුවේය.

"තන බුරුල්ලට ඇති පීඩනය අවම කරගන්න අතින් කිරි දොවන්න පුළුවන්. හැබැයි එයින් එළදෙන තවත් පීඩනයට පත් වෙලා කිරි දොවන්න පැමිණෙන පුද්ගලයාට පහර දී තුවාල කිරීමේ අවදානමත් තිබෙනවා."බීබීසී

ලෝක කුසලාන පාපන්දු තරඟාවලියේ පළමු තරඟය වූ සත්කාරක රුසියා - සෞදි අරාබිය අතර තරඟය ගෝල 5-0ක් ලෙස රුසියාව ජයගනිද්දී එහි සිටි ප්‍රේක්ෂිකාවක් වෙත ලෝකයේම ජයාරූප ශිල්පීන්ගේ අවධානය යොමුව ඇත.

ඒ රුසියාවේ ප්‍රකට නිරූපිකාවක් සේම නිල් චිත්‍රපට නිලියක් වන Natalya Nemchinova ය.

මේ ගැන අදහස් දක්වමින් ඇයව සිය කාචයේ සලකුණු කරගත් ජායාරූප ශිල්පීන් සඳහන් කර ඇත්තේ සෞදි තරුණියන් මුහුණ වසාගෙන තරගය නරඹන අවස්ථාවේ සරාගී ලෙස පැමිණි ඇය වෙත තම අවධානය යොමුවූ බවය.

පසුගියදා විවාහවූ ජනප්‍රිය බොලිවුඩ් නිලි  සෝනම් කපූර්ගේ විවාහ උත්සවයේ වැඩි දෙනෙකුගේ අවධානයට යොමුවූ අවස්ථා කිහිපයක්.

දහම් සිරිසේන මහතා විසින් පොළොන්නරුව  ප්‍රදේශයේ තරුණයින් වෙනුවෙන් සංවිධානය කර තිබූ  ක්‍රිකට් තරගාවලිය නැරඹීම  සඳහා  මුලතිව් විශ්වමඩු ප්‍රදේශයේ සිට ස්ථාන මාරුවක් ලබා පසුව එය අවලංගු වූ  කර්නල් රත්නප්‍රිය බන්ධු පැමිණ සිටි බවට සමාජ ජාල වාර්තා පළවේ.

මෛත්‍රිපාල සිරිසේන අභියෝගතා සය සාමාජික සැහැල්ලු පන්දු ක්‍රිකට් තරගාවලිය ලෙස නම් කර තිබු එම තරගාවලිය පසුගිය සෙනසුරාද පවත්වා ඇත.

යුද හමුදාවේ කර්නල් රත්නප්‍රිය බන්ධු මුලතිව් විශ්වමඩු ප්‍රදේශයේ සිට අඹේපුස්සට මාරු කල  අවස්ථාවේ විශ්වමඩු ප්‍රදේශයේ ජනතාව ඔහුව වැළදගෙන හඩා වැටුන අකාරය සමාජ මාධ්‍ය තුල දැඩි කතා බහකට ලක්විය.

පසුව ජනාධිපතිවරයා විසින් වහාම එම ස්ථාන මාරුව අවංගු කර කර්නල් රත්නප්‍රිය බන්ධු මහතා විශ්වමඩු ප්‍රදේශයේම සේවය සදහා යොදවන ලෙස අදාළ අංශ වෙත උපදෙස් ලබා දීම සමාජ මාධ්‍ය තුල දැඩි ප්‍රශංසාවටද ලක්විය.

ජනප්‍රිය බොලිවුඩ් නිලි සෝනම්  කපූර් සහ ආනන්ද් අහුජගේ විවාහය මැයි  08 වනදා පැවැත්වෙන බව ඉන්දීය මාධ්‍ය වාර්තා කර ඇත.

ඒ වෙනුවෙන් සකසා ඇති ඔවුන්ගේ විවාහ  ආරාධනපත්‍ර  "ස්වභාව ධර්මය" නම් තේමාවට නිර්මාණය කර ඇති අතර ඒවා මුද්‍රණය නොකර e විවාහ ආරාධනා පත්‍ර ආකාරයට ආරාධිතයන් වෙත යවා ඇති බවද වාර්තා වෙයි. 

එම විවාහයේ මෙහෙන්දි උත්සවය මැයි 7 වන දින පැවැත්වීමට නියමිතව ඇති අතර   විවාහ උත්සවය පන්ජාබ්  සම්ප්‍රදායට පැවැත්වීමට නියමිත බවද ඉන්දීය මාධ්‍ය වාර්තා කර ඇත.

රම්බෝ චිත්‍රපට පෙළ හරහා ලොව පුරා ප්‍රේක්ෂක ආකර්ෂණය දිනාගත් හොලිවුඩ් නළු සිල්වෙස්ටර් ස්ටැලෝන් වෙත ලිංගික  අපචාර  චෝදනා එල්ලවී  ඇති බව විදෙස් මාධ්‍ය වාර්තා පලවී ඇත.

ඊට අනුව  සිල්වෙස්ටර් ස්ටැලෝන් ට එරෙහිව ලිංගික අපචාර චෝදනා නගමින්  ශාන්ත මොනිකා  පොලිසියේ පැමිණිල්ලක් ඉදිරිපත් කර ඇති බවත් එහෙත් එම  පැමිණිල්ල  ඉදිරිපත් කර තිබෙන කාන්තාවගේ අනන්‍යතාව මෙතෙක් හෙළිකර නොමැත.

මේ වන විට 71 වියේ පසුවන මෙම සුපිරි නළුවා තමන් සම්බන්ධව එල්ලවී ඇති චෝදනාව ප්‍රතික්ෂේප කර ඇති බවද සඳහන් වන අතර කෙසේ වුවත්    පැමිණිල්ල ගැන එරට  නඩු අධ්‍යයන කාර්යාලය විමර්ශනයක්‌ ආරම්භ කර ඇති බවද සඳහන්ය.

ගම්පෙරළිය චිත්‍රපටය වෙනුවෙන් 1965 වසරේදී ඉන්දියාවේ නවදිල්ලි සිනමා උළලේදී අභාවප්‍රාප්ත ලෙස්ටර් ජේම්ස් පිරිස් මහතාට  හිමිවූ “රණ මයුර” සම්මානය සමග ලැබුණු “පදක්කම” ඊයේ (02) උදෑසන සිට අතුරුදහන්ව ඇති බව වාර්තා වෙයි.

මේ සම්බන්ධව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සඳහන් කර සිටින්නේ කොළඹ බම්බලපිටියේ පිහිටි එතුමාගේ නිවසේදී මෙම “පදක්කම” අතුරුදහන්ව ඇති බවට පොලිසියට ලද පැමිණිල්ලක් අනුව පොලිසිය විමර්ෂණයක් ආරම්භ කර තිබෙන බවය. 

ආචාර්ය ලෙස්ටර් ජේම්ස් පීරිස්ගේ  අවසන් කටයුතු සිදුවූ ඊයේ දිනයේ දේහයට  අවසන් ගෞරව දැක්වීම සඳහා විශාල ජනකායක් බම්බලපිටියේ පිහිටි  නිවසට පැමිණි අතර එහිදී යමි කිසි අයෙක් එය සොරා ගත්තාද යන්න ගැන සැකයක් පවතින බවද වාර්තා වෙයි.