'ඇමරිකානු ඩොලර් මිලියන 23,000 ක් ලැබුනත් ආරක්ෂිත ඇදුම් නොදී රාජකාරි යොදවා ඇති නිලධාරින්ගේ ජීවිත අනතුරේ' යන ශීර්ෂයෙන් යුතුව lankadawasa.com වෙබ් අඩවියේ විශේෂ වාර්තාවක් ද පළකර ඇත.
කොරෝනා වසංගත තත්වය මර්ධනය කිරීම වෙනුවෙන් මේ වන විට ශ්රී ලංකාවේ සෞඛ්ය ක්ෂේත්රය මෙන්ම ත්රිවිධ හමුදාව සහ පොලිසිය සුවිශාල කාර්ය භාරයක් ඉටුකරමින් සිටියි.
මෙසේ අවදානම් සහගත රාජකාරියක නියුතුව සිටින ත්රීවිධ හමුදාවේ මෙන්ම ලංකා පොලිසියට ආරක්ෂිත ඇඳුම් කට්ටල (personal protection equipment ) සැපයීමට රජය වහාම කටයුතු කටයුතු කළ යුතුව තිබේ.
එසේ නොමැතිව රජය වෙතට මේ වනවිට ලැබී ඇති ඩොලර් මිලියන 23,000 ක පමණ විදේශ මුදල් සියල්ලම රට වෙනුවෙන් වැඩ කරගෙන යාම සඳහා යයි කියමින් බැසිල් රාජපක්ෂට පවරා තිබීම ඉතාමත්ම අවාසනාවන්ත සිද්ධියක් බවද ඉහත වෙබ් අඩවියේ සඳහන් වේ.
කොරෝනා විශේෂ රාජකාරි සාමාන්ය නිල ඇඳුමින් !
වැලිසර නාවික හමුදා කඳවුරට අනුයුකත්ත නාවික සෙබලූන්ට නව කොරෝනා ආසාධනය වී ඇත්තේ ජාඇල, සුදුවැල්ල ප්රදේශයේ මත්ද්රව්යවලට ඇබ්බැහි වු පිරිස නිරෝධායනයට ලක් කිරීම සඳහා වූ මෙහෙයුමේදීය.
ඒ පිළිබඳ වැඩිදුරටත් කරණු දැක් වූ යුද්ධ හමුදාපති ලූතිතන් ජෙනරාල් ශවේන්ද්ර සිල්වා කියා සිටියේ, "මෙම නාවික හමුදා භට පිරිස් පසුගිය දින කිහිපය පුරාවටම ජා - ඇල සුදුවැල්ල ප්රදේශයේ මත්කුඩුවලට ඇබ්බැහි වී සිටි අය නිරෝධායන කටයුතු සඳහා යොමු කිරීමේ රාජකාරීවල යෙදී සිට තිබුණා. එහිදී එහි සිටි ඇතැම් පිරිස් හඳුනා ගැනීම සඳහා ඔවුන් සමග ළඟින් ඇසුරු කරන්නට සිදු තිබීමත් ඇතැම් අය පැන යන්නට කටයුතු කිරීම තුළ ඔවුන් පාලනය කර ගැනීමටත් සිදුව තිබුණා. එහිදී මේ ආකාරයෙන් වෛරසය ආසාදනය වෙන්න ඇති යනුවෙනුයි දැනට සැක කරන." බවය.
