කුප්‍රකට සමාජ මාධ්‍ය ව්‍යාපාරිකයකු වන ඉරාජ් වීරරත්න විසින් මෙවර මහ මැතිවරණයේ දී ජනතා විමුක්ති පෙරමුණ ඉලක්ක කර ගනිමින් නිෂ්පාදනය කරනු ලැබූ නවතම ගීතය එළිදැක්වීම කල්දමා ඇත.
අදාළ ගීතය එලිදල්වීමට තිබුනේ ඊයේ (21) ය.
ඒ සම්බන්ධව ඉරාජ් විසින් පූර්ව ප්‍රචාරණ කටයුතුද සිදුකර තිබිණ.
නමුත් වීඩියෝව නිකුත් නොකරමින් ඉරාජ් සිය ෆේස්බුක් ගිණුමේ මෙවැනි සටහනක් තබා තිබිණ.
"ගල්කිස්සේ වැලි , කරුනා , බුරියානි කතාව , බුවනෙකබාහු රාජ සභාව ඩෝසර් කිරීමේ සිද්ධිය සහ තවත් රටේ ආන්දෝලනාත්මක සිදුවීම් වලට ජනතාවගෙන් ඇතිවූ දැඩි විරෝධය නිසා 3% Music Video එක මේ වෙලාවේ Release කරන්න සුදුසු නැහැ කියලා තීරනය කරා අපරාදේ මේ පාර ගවුමක් නොවේ බිකිනියක් ඇන්දේ
මොනවා වුනත් රට සිංගප්පූරුවක් කරන්න JVP එක තමයි මේ රටේ එකම විකල්පය.
වෙන එකක් තව මාසයකින් දෙන්නම්...
ස්තූතිය 3% Audio Track එක Trending ගෙනාපු හැමෝටම
#3% #2030"
ජවිපෙ කලා සන්ධානය !
මේ අතර ජවිපෙ අභ්‍යන්තර ආරංචිමාර්ග වලින් වාර්තා වුයේ ඉරාජ් ගේ මෙම වීඩියෝව එළිදැක්වූයේ නම්, ඒ සමගම එයට පුළුල් ප්‍රචාරයක් ලබාදෙමින් මෙවර මැතිවරණයේදී උපරිම වාසියක් ලබාගැනීමට එම පක්ෂයේ කලා සන්ධානයේ තරුණ තරුණියන් පුර්ව සුදානමකින් සිට ඇති බවයි.
ජවිපෙ නායකයින් මිට ඉහත දී ඉරාජ් වීරරත්න විවේචනයට ලක් කරමින් සිටී නමුත්, එම පක්ෂයට හිතවත් බාහිර පාර්ශවයන් විසින් පෙන්වා දී ඇත්තේ, ඉරාජ් ගේ විවේචනය මෙවර මහ මැතිවරණයේදී ජවිපෙ වෙත ආකර්ෂණය නොවූ තරුණ කොටස් වෙත ළඟාවීමේ අවස්ථාවක් ලෙස යොදා ගැනීම වැදගත් බවයි.
ජායාරූප අන්තර්ජාලයෙනි
