ශ්‍රී ලංකාවට යුක්රේන සංචාරකයන් ගෙන්වීමේදී අඩුපාඩුවක් සිදුවු බව ආරක්ෂක ලේකම් ජෙනරාල් කමල් ගුණරත්න සඳහන් කර ඇති බව ආණ්ඩු හිතවාදී වෙබ් අඩවි වාර්තා කර ඇත.
ඊට අනුව උත්සව අවස්ථාවක් අමතමින් ආරක්ෂක ලේකම් මෙසේ පවසා ඇති අතර එම අඩුපාඩු නිවැරදි කරගෙන ඉදිරියේදීත් සංචාරකයන් ගෙන්වීමට කටයුතු කරන බවද පවසා තිබේ.
එසේම සංචාරක කර්මාන්තයෙන් ජීවත් වන ලක්ෂ ගණනක පිරිසක් මෙරට සිටිනා බවත් එම ව්‍යාපාරය කඩා වැටීමෙන් ඔවුන්ගේ දරු පවුල් අනාථ වී සිටිනා බවත් ඔහු කියා සිටී.
සෞඛ්‍ය මාර්ගොපදෙස යටතේ විදේශීය සංචාරකයන්ට රට විවෘත කිරීමට රජය තීරණය කළේ මෙම තත්ත්වය නිසා බවද ඔහු පැවසීය.
එසේ මුලින්ම ගෙන්වන ලද කියන යුක්රේන ජාතික සංචාරකයන්ගෙන් යම් අඩුපාඩුවක් වූ බව සියලු දෙනා පිළිගත යුතු නමුත් එහි අඩුපාඩු හදාගෙන සංචාරකයන් සෞඛ්‍ය මාර්ගෝපදේශ අනුව ඉදිරියේදී ගැනීමට කටයුතු කරන බවත් ඔහු පවසයි.
හැමදාම රට වසා ගෙන සිටීමට නොහැකි බවත් ඔහු කියා ඇත.
(මුලාශ්‍රය -cnews )
