පාස්කු ප්රහාරය සම්බන්ධයෙන් සිදුකරනු ලබන විමර්ශනවලට අනුව එම ප්රහාරයට සම්බන්ධ ස්වයං ඝාතකයින්ට ආධාර අනුබල ලබාදීමේ චෝදනාව මත පාර්ලිමේන්තු මන්ත්රී රිෂාඩ් බදුර්දීන් සහ ඔහුගේ සහෝදරයෙකු වන රියාජ් බදුර්දීන් අපරාධ පරීක්ෂණ දෙපාර්තමේන්තුව විසින් අද (24) අලුයම් කාලයේදී අත්අඩංගුවට ගෙන ඇත.
පොලිස් මාධ්ය ප්රකාශක නියෝජ්ය පොලිස්පති අජිත් රෝහණ සඳහන් කලේ, රිෂාඩ් බදුර්දීන් මන්ත්රීවරයා කොළඹ බෞධාලෝක මාවතේ පිහිටි නිවසේදී සහ රියාජ් බදුර්දීන් වැල්ලවත්ත ප්රදේශයේ පිහිටි නිවසේදී අත්අඩංගුවට ගෙන ඇති බවයි.
මොවුන්ට විරුද්ධව ත්රස්තවාදය වැළැක්වීමේ පනත යටතේ ඉදිරි විමර්ශන සිදුකරනු ලබන බව පොලිස් මාධ්ය ප්රකාශකවරයා වැඩිදුරටත් සඳහන් කළේය.
අත්අඩංගුවට ගැනීමට පෙර රිෂාඩ් බදියුදීන් මන්ත්රීවරයා සමාජ මාධ්ය වෙත වීඩියෝවක් නිකුත්කර ඇති අතර එහි සඳහන් වන්නේ තමන් අත්අඩංගුවට ගැනීමට වරෙන්තුවක් නොපෙන්වූ බවයි.
එමෙන්ම මන්ත්රීවරයෙක් වන තමන් අත්අඩංගුවට ගැනීම ගැන කතානායකවරයාද නොදැනුවත් බවත් කුමන චෝදනාවකට අත්අඩංගුවට ගන්නේදැයි නොදන්නා බවත් ඔහු කියා සිටියේය.
ඒ අතර පාර්ලිමේන්තු මන්ත්රී රිෂාඩ් බදියුදීන් විසින් තබා ඇති ට්වීටර් සටහනක් පහත දැක්වෙයි.