හරි නම් ඇමති මණ්ඩලයම ඉල්ලා අස්වෙන්න ඕන - ඉරාන්

රජය ඉන්ධන මිල වැඩිකළා මෑතදී.2019 සැප්තැම්බර් මස අපි රජයෙන් ඉවත් වන විට ජාත්‍යන්තර වෙළඳපොලේ ඉන්ධන බැරලය මිල් ඩොලර් 63 ක් පමණ විය.අපි එතකොට ඉන්ධන වලට මිල සූත්‍රයක් ක්‍රියාත්මක කළා.එයට ප්‍රධාන හේතුව විනිවිදභාවයෙන් යුතුව මිල තීරණය කිරීමයි. එවිට දූෂණය හා අමර්මන්‍ය කළමනාකාරිත්වය අඩු වෙනවා.මිල සූත්‍රයෙන් සිදු වූයේ එයයි.2001 රජයත් මිල සූත්‍රය ගෙන ආවත් පසුව පැමිණි ආණ්ඩුව එය නැති කළා.

 

රටට අවශ්‍ය තේරුමක් තිබෙන විද්‍යාත්මක පදනමින් සිදුවන ආර්ථිකයක් ගොඩ නැගීමේ අවශ්‍යතාවය මතයි මිල සූත්‍රය හඳුන්වා දුන්නේ.ආර්ථිකය පිළිබඳව නොදන්නා අය ආර්ථිකය පාලනය කරන්න ගියාම වෙන දේවල්වලටයි රට දැන් මුහුණ දෙමින් තිබෙන්නේ.

 

20199 දී අපි රජයෙන් ඉවත් වන විට තෙල් බැරලයක් ඩොලර් 63 ක් ව පැවති අතර එහි මිල පහලටම ආවා.2020 අප්‍රේල් මස වනවිට ලංකාව තෙල් බැරලයක් ඩොලර් 19 ට ගත්තේ.කැලිෆොර්නියාවේ මිනිසුන්ට මුදල් නොගෙවා තෙල් අරන් යන්න කිව්වා. ඒ කියන්නේ ඒ රටේ තෙල් වල මිල බිංදුවයි.

 

2020 අප්‍රේල් වල කෝවිඩ් නිසා ලංකාව තෙල් ගත්තේ ඩොලර් 19 යි. තෙල් බැරලයක් මිල ඩොලර් 63/ සිට ඩොලර් 19 ට අඩුවුනා.

 

නමුත් පාරිභෝගිකයාට එහි වාසිය ලබා දුන්නේ නැහැ. අපේ ක්‍රමවේදය පාවිච්චි කළා නම් පාරිභෝගිකයාට තෙල් ලීටරයකින් රු 20/ ක ලාභයක් තිබුණා.හැම ඉන්ධන වර්ගයකම මිල එදා රු 20/ කින් අඩුවන්නට ඉඩ තිබුණා.

 

ඒ අනුව ඔක්ටේන් 92 පැට්‍රල් රු 117 සිට රු 97 ට අඩුවන්නට තිබිණි. ඔටෝ ඩීසල් 84/ සිට 64 ට අඩුවන්නට තිබුණි.මේ රජය එම මිල අඩුකිරීම එදා කළේ නැහැ. ඉන්ධන මිල අඩුවීමේ වාසිය රජය ලබා ගත්තා.

පොහොසත් ව්‍යාපාරිකයන්ගේ බදු අඩු කර රු බිලියන 600 ක වාසියක් දීලා දුප්පත් මිනිසුන් ගැනැ සැලකුවේ නැහැ.ඉන්ධන මිල දැන් වැඩි කර ඇති බැවින් ඒ බදු සහනය වෙනුවෙන් දුප්පතා ගෙවන්න වෙලාය.

 

ඉන්ධන මිල ඩොලර් 69 ට ආවේ මාස 18 ට පස්සෙ 2021 මාර්තු මාසයේ දීය.ජූනි මාසයේ ඩොලර් 70 පැන්නේ ජූනි මාසයේ. 2019 සැප්තැම්බර් මාසයේ තිබුනු මිලටම ඉන්ධන මිල පවත්වාගෙන ගිහින්, සූත්‍රය තිබ්බා නම් රු 2/ කින් වැඩි කරන්න තිබ්බා.ඒත් ඔcටේන් 92 රු 20/ කින් 157 ට වැඩි කළා. ඔටෝ ඩීසල් එක රු 7/ කින් වැඩි කළාඅ.මේ වැඩිකිරීම්වලට කිසිම පදනමක් නැහැ.

 

2020 දී ලෝක තෙල් මිලට පහලට පැමිණි විට රජයට ලොකු වාසියක් වුණා.ඩොලර් කෝටි 130 ක වාසියක් තිබුණා.නමුත් ඒ වාසිය ජනතාවට ලැබුනේ නැහැ.වැඩි වෙනකොට වැඩිකරනවා. ඩොලර් 8 කින් වැඩිවෙලා තියෙද්දී රු 2/ කින් වැඩි කළ යුතු වූවද රු 20/ වැඩි කර තිබෙනවා. මෙයයි මේ රජයේ ක්‍රියා කාරිත්වය.

මෙය කොමඩි ආණ්ඩුවක්.

 

මේ ආණ්ඩුව කොමඩි ආණ්ඩුවක් විනා වෙනත් දෙයක් කියන්නට නැත. දේශප්‍රේමිත්වය නිරුවත් වෙලා කොමඩි කථා රටට ගොතා, ජන රවටා රට විකුණා ගෙන යන ගමනකි මේ ආණ්ඩුව ගෙන යන්නේ.

 

මේ කොමඩියෙන් ඔක්කොම අවලංගු කරලාය. දැන් උදය ගම්මන්පිල ඇමති තුමාට අස්වෙන්න කියලා තිබෙනවා.ඛ්නිජ තෙල් පනතේ ඇමතිවරයාට මිල වැඩි කළ නොහැක.ඇමතිවරයා තෙල් මිල දේශීයව වැඩි කිරීම සඳහා මුදල් ඇමතිවරයාගේ එකඟතාවය ලබා ගත යුතුයි.මුදල් අමාත්‍යවරයාගේ අනුමැතියෙන් පසුව වැඩිවීම පිළිබඳව දැනුම් දීමට ඛනිජතෙල් ඇමතිට හැකිවුණා.

 

සාමන්‍යයෙන් තෙල් මිල වැඩිවීම ඇමාත්‍ය මණ්ඩලයට ගොස් එහි දීද සම්මත වෙනවා. තෙල් මිල වැඩිවීම සිදුවන්නේ එහෙමයි.අය - වැය අවස්ථාවේදී තෙල් මිල වැඩි කරන්නේ නම් පාර්ලිමේන්තුවට එන්නේ කැබිනට් අනුමැතියක්ලබා ගෙනය.මෙවර තෙල් මිල වැඩිවීම මුදල් ඇමතිතුමා නොදැනුවත්ව ඉන්නම බැරිය.කැබිනට් මණ්ඩලයත් මේ පිළිබඳව දැනුවත්ව ඉන්න ඕනෑ. මේ අය ගේ කොමඩි වැඩයි දැන් එළි දක්වන්නේ.

 

දැන් දාන කොමඩි වැඩේ උදය ගම්මන්පිල ඇමතිතුමාට අස්වෙන්නැයි කියනවා. අස්විය යුත්තේ ඇමති තුමා නොව කැබිනෙට් එකයි අස්විය යුත්තේ. ඒ වගේම ත්මයි මන්ත්‍රී වරුන්ට සුඛෝපභෝගි වාහන ආනයනය කරනව්යි කිව්වා. 

 

එම තීරණය ගත්තේ කවුරුන් ද ? මිනිසුන්ට කන්න නැතුව බෙහෙතක් ගන්න බැරි වෙලාවකදී මන්ත්‍රීවරුන්ට වාහන ආනයනය කරන එකද මේ රටේ තිබෙන ප්‍රමූඛත්වය? අපි එයට සම්පූර්ණයෙන්ම විරුද්දයි එය කළයුතුව තිබුණු වඩක් නොවේය. කවුද එය කළේ.  තෙල් මිල වැඩිකරලා ඊට පස්සේ උදය ගම්මන්පිලට අස්වන්න කියනවා වගේ කොමඩි කථාවල් හදලා රජය හැංගෙන්න හදනවා. හරි නම් ඇමති  මණ්ඩලයම ඉල්ලා අස්වන්නට ඕනෑ.

 

69 ලක්ෂයක් රවට්ටලා හිටියේ නමුත් දැන් ඒ අයත් ඇස් ඇරලා තියෙන්නේ. අනෙක් අයත් ඇස් ඇරලා තියෙන්නේ, ඉතින් මේකට අපි කවදාක්වත් ඉඩ නොදිය  යුතුයි.