ශ්‍රී ලංකාවේ කොරෝනා රෝගී මරණ සතිපතා 17%කින් පමණ ඉහළ යමින් තිබෙන බව මේ සම්බන්ධව පර් යේෂණ කරන ලොව සුප්‍රකට වර්ල්ඩෝ මීටර් වෙබ්අඩවිය ප්‍රකාශ කරයි.
පසුගිය සිකුරාදා අවසන් වූ සතිය තුළ ශ්‍රී ලංකාව තුළ පමණක් කොරෝනා රෝගයෙන් පුද්ගලයන් 1367ක් පමණ මරණ පත්ව ඇතැයි එම වෙබ්අඩවියේ නවතම සංඛ්‍යා දත්තවල සඳහන් වෙයි. එසේම පෙර සතියට සාපේක්ෂව ගතවූ සතියේ කොරෝනා රෝගීන්ගේ වර්ධනය 9%ක් පමණ වන බවද වර්ල්ඩෝ මීටර් වෙබ්අඩවිය වැඩිදුරටත් කියයි. ගතවූ සතියේ අවසන් දින හත තුළ නව ආසාදිතයන් 34,365ක් වාර්තා විය.
පෙර සතියට සාපේක්ෂව ලෝක තත්ත්වය ගත් කල ගතවූ සතියේ ලොව පුරා විවිධ රටවල සිදුවූ මරණ සංඛ්‍යාව 69,065කි. එහි සතියක වර්ධනය 0.7%ක් බවද එම වෙබ්අඩවිය පවසයි. ගිය සතිය තුළ ලොව පුරා නව රෝගීන් ලක්ෂ හතළිස් පහක් වාර්තා වෙද්දී ආසාදිතයන් තිස්අට ලක්ෂයක් පමණ සුවය ලබා ඇති බවද මෙම වෙබ්අඩවිය කියයි.