Language Switcher

V2025

අපි අහිංසකයි : නිරූපමාගේ සැමියාගෙන් ජනාධිපතිට ලිපියක්

ලොව පුරා මහත් ආන්දෝලනයක් ඇතිකරමින් ‘පැනඩෝරා පේපර්ස් " හෙළිදරව් කරන ලද වාර්තාවල සිටින ශ්‍රී ලාංකිකයන්ගේ ගනුදෙනු ගැන වහා පරීක්ෂණයක් පවත්වන්නැයි ජනාධිපති ගෝඨාභය රාජපක්ෂ දැනුම් දී තිබේ.

අද උදෑසන (06) අල්ලස් හෝ දූෂණ කොමිෂන් සභාවට ජනාධිපතිවරයා විසින් මෙම නියෝගයක් කර ඇති බව ජනාධිපති මාධ්‍ය ප්‍රකාශක කිංස්ලි රත්නායක පවසයි.

එසේම අද පැවති කැබිනට් මාධ්‍ය හමුවේ දී කැබිනට් ප්‍රකාශක ඇමැති ඩලස් අලහප්පෙරුම සඳහන් කළේ අදාළ පරීක්ෂණ වාර්තාව මාසයක් ඇතුළත ලබා දෙන ලෙසද ජනාධිපතිවරයා නියෝග කර ඇති බවයි.

අපි අහිංසකයි : නිරූපමාගේ සැමියා ජනාධිපතිට ලියයි !

මේ අතර හිටපු නියෝජ්‍ය අමාත්‍යවරිය වන නිරූපමා රාජපක්ෂ ගේ සැමියා වන ටී. නඩේෂන් විසින් ජනාධිපති වෙත යොමුකළ ලිපියක් මාධ්‍ය වෙත නිකුත්කර ඇත.

එහිදී ඔහු සඳහන් කර ඇත්තේ රහසිගත වත්කම් පිළිබඳ ජාත්‍යන්තර මාධ්‍ය කණ්ඩායමක් විසින් හෙළිදරව් කළ ආන්දෝලනාත්මක පැන්ඩෝරා පත්‍රිකාවන්හි නම් සඳහන් තමා සහ ඔහුගේ බිරිඳ සම්පූර්ණයෙන්ම අහිංසක බවත් එල්ලවන කිසිදු චෝදනාවකට වැරදිකරු නොවන බවයි.

මෙම චෝදනා විමර්ශනය කිරීම සඳහා ස්වාධීන විමර්ශකයෙකු පත් කරන ලෙසත් එමගින් ඔහු ඉල්ලා ඇත.

සමාජ මාධ්‍ය වෙබ් අඩවි වල පළවූ එම ලිපිය පහත දැක්වෙයි.

lahiru