නොවැම්බර් මස පැවැත්වීමට තිබූ අපොස උසස් පෙළ හා ශිෂ්‍යත්ව විභාග කල් දමන්නට සිදු වෙන බව අධ්‍යාපන ප්‍රතිසංකරණ රාජ්‍ය අමාත්‍ය සුසිල් ප්‍රේමජයන්ත අද(07) පාර්ලිමේන්තුවේ දී පැවසීය.
විපක්ෂනායකවරයා නැගූ ප්‍රශ්නයකට පිළිතුරු දෙමින් හෙතෙම මේ අදහස් දැක්වීය.
අමාත්‍යවරයා පවසන්නේ කොවිඩ් වසංගත තත්ත්වය හේතුවෙන් දීර්ඝ කලක් රට හා පාසල් වසා දැමීමම හේතුවෙන් මෙම තීරණය ගැනීමට සිදු වී ඇති බවයි.
අධ්‍යාපන බලධාරින් හා අනෙකුත් වගකිව යුතු නිලධාරින් සමඟ පවත්වන සාකච්ඡාවකින් අනතුරු ව විභාගය පැවැත්වෙන දින වකවානු තීරණය කරන බවත් ඔහු වැඩිදුරටත් කියා සිටියේය.
අමාත්‍යවරයා විභාග කල් දැමීමට සිදු වන බව පාර්ලිමේන්තුවේදී අද පැවැසුවේ දෙවැනි වතාවටයි.
මින් පෙර පසුගිය 05 වැනිදා ද ශාන්ත බණ්ඩාර මන්ත්‍රීවරයා නැගූ පැනයකට පිළිතුරු දෙමින් විභාග කල් දැමීමට සිදු වන බව හෙතෙම පැවසීය.