දුම්වැටි පරිභෝජනය පහත දැමීම සම්බන්ධයෙන් මිල ඉහළ දැමීමට තීරණය කර ඇති බව වාර්තා වෙයි.
දුම්කොළ සහ මධ්‍යසාර පිළිබඳව ජාතික අධිකාරියේ සභාපති ආචාර්ය වෛද්‍ය සමාධි රාජපක්ෂ පැවසුවේ මිල සූත්‍ර පිළිබඳ විද්වතුන්ගේ අදහස් ලබා ගෙන එය සකස් කළ බවය.
මේ අතර , සෞඛ්‍ය අමාත්‍ය කෙහෙළිය රඹුක්වැල්ල ට මෙම මිල සූත්‍රය භාර දී ඇති බවත් වාර්තා වෙයි.
එළැඹෙන අයවැය යෝජනාවක් ලෙස එය ඉදිරිපත් කරන බව සෞඛ්‍ය අමාත්‍යවරයා පැවසූ බව ද වෛද්‍ය සමාධි රාජපක්ෂ පැවසුවේ ය.
2022 වර්ෂයේදී මෙම මිල සූත්‍රයට අනුව මෙරට බහුලව විකිණෙන දුම්වැටියක් රුපියල් 4.00කින් පමණ ඉහළ යනු ඇත.
එමෙන්ම 2026 දී මෙය තවත් රුපියල් 20 කින් පමණ ඉහළ යාමට නියමිතය.