හිටපු අග්‍රාමාත්‍ය මහින්ද රාජපක්ෂ ඇතුළු පවුලේ සාමාජිකයන් ත්රිකුණාමලය හමුදා කදවුරක් වෙත ගුවන් මගින් ගොස් ඇති බවට සමාජ මාධ්‍යවල වාර්තා පළවෙයි.
අද (10) පෙරවරුවේ ගුවන් හමුදා හෙලිකොප්ටර් යානාවක් මගින් මොවුන් ඒ වෙත ගොස් ඇතැයි ද ඒවායේ සඳහන් අතර කොළඹ ක්ශේත්‍ර බලකා මූලස්ථානයේ සිට මෙම පිරිස හෙලිකොප්ටරයක් මාර්ගයෙන් පිටවන අයුරු දැක්වෙන ජායාරූප සහ වීඩියෝ කොටස්ද හුවමාරුවෙමින් පවතී.
කෙසේ වෙතත් රජයේ වගකිවයුතු පාර්ශවයක් මේ සම්බන්ධයෙන් නිශ්චිත තොරතුරක් තහවුරු කර නැත.
ජනතාව ත්රිකුණාමලය නාවික කඳවුර වටේ !
එසේම මේ වන විට හිටපු අගමැති මහින්ද රාජපක්ෂ ඇතුළු පවුලේ පිරිසක් ත්‍රිකුණාමලයේ පිහිටි නාවික හමුදා කදවුර වෙත පැමිණ ඇති බවටත් ප්‍රචාරයක් සමාජ මාධ්‍ය ඔස්සේ යයි.
ඒ සමග මේ වන විට ඒ කඳවුර ඉදිරිපිටත් විරෝධතාවක් සංවිධානය කර ඇත .
හිටපු අග්‍රාමාත්‍ය මහින්ද රාජපක්ෂ මහතා ඇතුළු පවුලේ පිරිස එහි රැඳී සිටින්නේ යැයි විරෝධතාකරුවන් කියා සිටියි.
මෙම පිරිස වහා ඉන් එලියට දමන ලෙස ඉල්ලමින් විරෝධතාකරුවන් විරෝධයේ යෙදෙන අතර එම කදවුර ආසන්නයේ මේ වන විට ආරක්‍ෂවද තර කර ඇත.