21 වන ආණ්ඩුක්රම ව්යවස්ථා සංශෝධන කෙටුම්පත සම්බන්ධයෙන් සාකච්ඡා කිරීම සඳහා වන පක්ෂ නායක රැස්වීම අග්රාමාත්ය රනිල් වික්රමසිංහ ගේ ප්රධානත්වයෙන් අද (27) පස්වරුවේ අග්රාමාත්ය කාර්යාලය දි පැවැත්වූ බවත් එහිදී 21 ව්යවස්ථා සංශෝධනය හැකි ඉක්මනින් සම්මත කළ යුතු බවට පොදු එකඟතාවකට පැමිණි බවත් වාර්තා වෙයි .
මෙම රැස්වීමේ අරමුණ ලෙස සඳහන් වූයේ සංශෝධන කෙටුම්පත සම්බන්ධයෙන් පක්ෂ නායකයින්ට සිය නිරීක්ෂණ හා යොජනා ඉදිරිපත් කිරීමට ඉඩ සැලසීමය.
අග්රාමාත්ය මාධ්ය ඒකකය නිකුත්කළ නිවේදනයක සඳහන් වන්නේ දෙමළ ජාතික සන්ධානයට අද රැස්වීමට පැමිණීමට නොහැකිවීම හේතුවෙන් ඔහුනගේ සහාභගිත්වය සමග ලබන සිකුරාදා (3) අවසන් රැස්වීමක් පවත්වා කෙටුම්පත අවසන් කිරීමට එම සාකච්ඡාවේදි තීරණයවූ බවය.
මෙම සතිය තුළ කිසියම් පාර්ශ්වයකට වැඩිදුර පැහැදිලි කිරීම් ලබා ගැනීමට අවශ්ය නම් අධිකරණ අමාත්යවරයාගෙන් ඒ පිළිබඳව කරුණු විමසීමට හැකි බව ද අග්රාමාත්යවරයා එහිදී පැවසූ බවත් සඳහන් වෙයි.
