ශ්‍රී ලංකා නිදහස් පක්ෂයේ සභාපති ධූරයෙන් තමා ඉල්ලා අස් වූයේ වලව්වේ පුංචි නෝනා නඩු දමා වාරණ නියෝග ලබාගත් නිසා බව හිටපු ජනාධිපති මෛත්‍රිපාල සිරිසේන පැවසීය.
තමන් පක්ෂ සභාපති ධූරයෙන් ඉවත් නොවී දිගටම රැඳී සිටියා නම් පක්ෂයේ කිසිවෙකුට මීළඟ මැතිවරණය සඳහා ඡන්දය ඉල්ලීමට නොහැකි වන බවත් ඔහු සඳහන් කළේය.
හිටපු ජනාධිපති මෛත්‍රීපාල සිරිසේන මේ බව සඳහන් කර සිටියේ ගාල්ල කරන්දෙනිය ප්‍රදේශයේ අද (17)පැවති රැස්වීමක් අමතමින් ය.
තමන් ඉල්ලා අස්වීමේ තීරණය ගනු ලැබුවේ තමන් ගැන සිතා නොව ශ්‍රී ලංකා නිදහස් පක්ෂයේ පාක්ෂිකයින් ගැන සිතා බවද ඔහු සඳහන් කළේය .
තමාගෙන් පසු එම සභාපති ධුරයට විජයදාස රාජපක්ෂ අමාත්‍යවරයා පත් කරනු ලැබුවේ ආණ්ඩුවට ගොස් සිටින අනිකුත් අය අතර සුදුස්සකු නොසිටි නිසා බවද ඔහු පැවසීය .