ශ්රී ලංකා පොදුජන පෙරමුණට හෝ ඒකාබද්ද විපක්ෂයට එක්වන ඕනෑම අයෙක් හිටපු මහින්ද රාජපක්ෂගේ නායකත්වය පිළිගත යුතු බව ශ්රී ලංකා පොදුජන පෙරමුණේ සභාපති ජී.එල්. පීරිස් පවසයි.
පක්ෂ මූලස්ථානයේදී මාධ්ය හමුවක් පවත්වමින් ඔහු මේ බව සඳහන් කළ අතර කිසිවෙකුට නායකයන් දෙදෙනෙක් සිටිය නොහැකි බවත් සිටිය යුත්තේ එක් නායකයෙක් පමණක් බවත් ඔහු මහින්ද රාජපක්ෂ පමණක් බවද එහිදී පැවසීය.
ආණ්ඩුවෙන් ඉවත්වූ ශ්රිලනිප 16 දෙනා සමග පැවැත්වීමට නියමිත සාකච්ජා සම්බන්ධයෙන් අදහස් පල කරමින් ඔහු මෙම අදහස් පල කර සිටි අතර ඉදිරි මැතිවණ සදහා තරග කරනු ලබන්නේ පොහොට්ටුව ලකුණින් පමණක් බවත් තම පක්ෂ කොන්දේසි පිළිගත හැකි ඕනෑම අයෙකුට දොර විවෘත බවත් ඔහු එහිදී වැඩි දුරටත් පවසා ඇත.
