පුවත්

01 පියවර: කොළොන්නාවට නව තෙල් ටැංකි 08ක්

v මෙට්‍රික් ටොන් 86,000ක ධාරිතාවයකින් යුත් මෙම නව තෙල් ටැංකි 08හි වැඩ කටයුතු දැනටමත් ආරම්භ කර ඇත.

v මෙම ව්‍යාපෘතිය සඳහා වැය වන බරපැන රුපියල් බිලියන 05කි.

02 පියවර: මුතුරාජවෙල නව ගබඩා සංකීර්ණය

v මුතුරාජවෙල ඉදිවන නව ගබඩා සංකීර්ණයේ ධාරිතාවය මෙට්‍රික් ටොන් 44,000කි.

v මෙම ව්‍යාපෘතිය සඳහා රුපියල් බිලියන 3.5ක පිරිවැයක් ඇස්තමේන්තු කර ඇති අතර, එය ටෙන්ඩර් ප්‍රදානයේ අවසාන අදියරේ පවතී.

03 පියවර: මුතුරාජවෙල සිට කටුනායක දක්වා නව නල මාර්ගයක් සහ තෙල් ගබඩා සංකීර්ණය

v මුතුරාජවෙල සිට කටුනායක දක්වා ගුවන්යානා තෙල් සැපයීමට නව නල මාර්ගයක් ඉදිකිරීම සිදු කෙරේ.

v මෙමගින් Jet A-1 ඉන්ධන ගබඩා ධාරිතාවය මෙට්‍රික් ටොන් 63,000 කින් ඉහළ නැංවෙනු ඇත.

v රුපියල් බිලියන 16ක ඇස්තමේන්තු ගත පිරිවැයක් සහිත මෙම ව්‍යාපෘතිය මගින් වර්තමාන ඉල්ලුමට අනුව දින 40 කට වඩා වැඩි කාලයකට අවශ්‍ය ගුවන්යානා ඉන්ධන ගබඩා කර තබා ගැනීමේ හැකියාව ලැබේ.

04 පියවර: ත්‍රිකුණාමලයේ තෙල් ගබඩා සංකීර්ණය ප්‍රතිසංස්කරණය

v ත්‍රිකුණාමලය තෙල් ගබඩා සංකීර්ණයේ පළමු අදියර යටතේ තෝරාගත් ටැංකි 04ක් ප්‍රතිසංස්කරණය කෙරෙන අතර, ඉන් ටැංකි 02ක වැඩ අවසන්ව ඇත.

v මුහුදේ සිට ගොඩබිමට ඉන්ධන ප්‍රවාහනය සඳහා රුපියල් බිලියන 7.37ක පිරිවැයකින් නව නල පද්ධතියක් ඉදිකිරීමට ටෙන්ඩර් කැඳවා ඇත.

v මෙය සම්පූර්ණ වීමෙන් පසු මෙට්‍රික් ටොන් 40,000 ක අතිරේක ගබඩා ධාරිතාවක් පද්ධතියට එක්වේ.

05 පියවර: සම්පූර්ණ ගැන්ට්‍රි පද්ධතිය (Gantry System) ස්වයංක්‍රීය කිරීම

v නෞකාවකින් තෙල් ගොඩබෑම සඳහා දැනට ගතවන දින 05ක කාලය, ගැන්ට්‍රි පද්ධතිය ස්වයංක්‍රීය කිරීම හරහා දින 02 දක්වා අඩු කිරීමට අපේක්ෂා කෙරේ.

v රුපියල් බිලියන 1.5ක ඇස්තමේන්තුගත පිරිවැයක් සහිත මෙම ව්‍යාපෘතිය මගින් නෞකා ප්‍රමාද ගාස්තු (Demurrage) අවම කර ගත හැක.

06 පියවර: කොළොන්නාව සිට වරාය දක්වා නව තෙල් නළ මාර්ගය

v වසර 90කට වඩා පැරණි, නිතර තෙල් කාන්දු වන පද්ධතිය වෙනුවට අඟල් 14 සහ අඟල් 18 ප්‍රමාණයේ නව නල මාර්ග දෙකක් එලීම සිදු කෙරේ.

v රුපියල් බිලියන 12.8ක ඇස්තමේන්තුගත පිරිවැයක් සහිත මෙම ව්‍යාපෘතිය සඳහා ටෙන්ඩර් කැඳවීමට සැලසුම් කර ඇත.

07 පියවර: කොළොන්නාව සිට කැලණිතිස්ස දක්වා නව නැප්තා (Naphtha) නල මාර්ගය

v අබලන් වූ පැරණි නල පද්ධතිය නිසා සිදුවන අනතුරු වළක්වා ගනිමින් කාර්යක්ෂම ඉන්ධන සැපයුමක් සහතික කිරීම සඳහා රුපියල් බිලියන 1.5ක පිරිවැයකින් මෙම නව මාර්ගය ඉදිකරනු ලැබේ.

v මෙම ව්‍යාපෘතිය සඳහා දැනටමත් ටෙන්ඩර් කැඳවා ඇති අතර, එය අවසන් අදියරේ පවතී.

සමස්ත ආයෝජනය: මෙරට බලශක්ති යටිතල පහසුකම් සංවර්ධනය වෙනුවෙන් රජය රුපියල් බිලියන 30කට අධික මුදලක් ආයෝජනය කර ඇත.