ඉරාන ඉස්ලාමීය ජනරජයේ උත්තරීතර නායක අයතුල්ලා අලි කමෙන්නි ගේ අභාවය වෙනුවෙන් ශෝකය පළ කිරීම සඳහා හිටපු ජනාධිපති රනිල් වික්රමසිංහ අද (05) පෙරවරුවේ කොළඹ පිහිටි ඉරාන තානාපති කාර්යාලය වෙත පැමිණියේය.
ඉරාන නායකයා ගේ අභාවය සම්බන්ධයෙන් මහජනතාවට ශෝකය පළ කිරීම සඳහා කොළඹ ඉරාන තානාපති කාර්යාලය විසින් විශේෂ වැඩසටහනක් සංවිධානය කර තිබුණි.
ඒ අනුව, අද පෙරවරුවේ තානාපති කාර්යාලය වෙත ගිය හිටපු ජනාධිපතිවරයා එහි තබා තිබූ ශෝක ප්රකාශ සටහන් පොතේ සමරු සටහනක් තබමින් සිය කනගාටුව පළ කළේ ය.
අනතුරුව හිටපු ජනාධිපති රනිල් වික්රමසිංහ එහි සිටි තානාපති කාර්යාල නිලධාරීන් හමුවී ඉරාන රජය සහ එරට ජනතාව වෙත සිය බලවත් ශෝකය ප්රකාශ කළේ ය.
