ලංකා විදුලිබල මණ්ඩලයේ සේවකයන්ට නීතියට පටහැනි ලෙස විවිධ දීමනා ගෙවීම සඳහා රුපියල් මිලියන 3215 ක් ඉකුත් වර්ෂ තුනක කාලයේ දී වැයකර තිබේ.
1994 ජුනි 04 දිනැති අංක 25 දරන රාජ්‍ය ව්‍යාපාර චක්‍රලේඛනයට පටහැනිව අමාත්‍ය මණ්ඩලයේ අනුමැතියෙන් තොරව එම මුදල් ගෙවා ඇත.
2016 වර්ෂයේ දී විවිධ දීමනා වශයෙන් රුපියල් මිලියන 1222 ක් ද ඉකුත් වර්ෂ දෙක සඳහා තවත් රුපියල් මිලියන 1993 ක් වශයෙන් රුපියල් මිලියන 3215 ක් ද ගෙවා ඇත.
මේ ආකාරයට 2014 වර්ෂයේ දී විදුලිබල මණ්ඩලයේ ඉංජිනේරුවන්ට පමණක් වෙනම වැටුප් තලයක් පිහිටුවා වැටුප් වැඩි කිරීමට එරෙහිව ලංකා පොදු සේවක සංගමය අඛණ්ඩ උපවාසයක් ද ආරම්භ කර තිබේ.
(සත්හඬ)